笑話呀!~仲俾人誤會!!                        15/7/2001

今日不知幾咁無聊呀!

一路打個網d故仔, 一同個fd 傾電話~

咁本來個故仔好書面語o架, 但係我唔鍾意咁鬼書面~

咁咪將佢全部改做口語d囉!

查實呢~我打o個個故仔係《同生共死》---第二話,

本來個故仔係個fd d 功課黎o架~

但係我有份作o架, 同埋我好鍾意個故仔

咁咪放埋上去囉!

咁講番我要講既無聊野先啦!

就係咁既:

同個fd 講緊電話o個陣~~

fd: 我今日去左阿姨間美容院呀, 學人化妝!~~化到個樣都…

我: 你想嚇死我咩!

Fd: 我唔靚o者!~都唔使話我個樣嚇死你o架!!

我就已經笑到出唔到聲, 佢又以為我笑佢, 總之就好嬲~!~

我好辛苦先解釋到咋>.<

咁就繼續講電話嚕喎~~

fd: 阿x (佢男友)今日黎搵我呀~佢…

我: 無lala o係我後面出現, 嚇瓜我o架

fd: 你又知佢嚇我既!~哦!~你跟蹤我?!

我就梗係唔係呀!!!~係咁o岩個故仔打到呢度~

咁我把口又唔聽話講左出黎!

佢又死都唔信喎!~真係俾人冤枉死呀>.<

咁我個fd佢唔知自己講左d咩就好好笑~自己o係度笑~

我又繼續打字啦~

咁就打到: 鬼聲!

Fd: 我笑o者!!~又話我似鬼聲!~好過份呀!!

我根本唔係o丫嘛>.<

好sorry 呀!!~

經過左今日~我知道自己唔可以一心二用既~

攪到咁多笑話鬧出黎~

佢仲嬲足我成晚呀!~唔聽我電話!

唉~~真係做人個friend甚艱難呀!!!

NOTES  HOME