兔兔有好多0野可以食﹐但係都有好多0野食0左係會中毒0架﹗所以大家要小心挑選食物俾我地0既兔兔呀~

1. 最普遍0既當然就係是兔糧啦~﹗ 市面上有好多種唔同0既兔糧﹐但係好多都未必適合兔兔食0架﹗好0既兔糧應該低脂肪﹐高纖維 (最少要有18% 0既纖維)﹐同埋唔可以太高蛋白質。而每次買兔糧最好唔好買多過六個星期0既份量﹐如果唔係就好容易會變壞0架啦﹗

2. 兔兔當然要每一日都飲新鮮0既水啦~~﹗同埋最好就唔好俾水喉水兔兔飲﹐如果唔係兔兔就好可能會肚痛0架﹗

3. 乾草對兔兔0黎講係好緊要0架﹗因為兔兔需要食高纖維0既粗飼料0黎預防毛毛球0既形成﹐而乾草就可以滿足到呢個需求。適合兔兔食0既乾草有timothy hay - 梯牧草(貓尾草)﹐alfalfa hay﹐同埋oat hay。不過alfalfa hay 含有0既蛋白質好高﹐反而對兔兔0既健康唔好。所以有好多獸醫都唔贊成俾alfalfa 俾兔兔食。

4. 兔兔每日應該食三種蔬菜。如果你隻兔兔係唔食兔糧0既﹐咁佢就應該每日食最少五種蔬菜0黎吸取維他命。兔兔可以食0既蔬菜有﹕ Alfalfa, Clover, Radish Sprouts, Arugula, Artichoke leaves, Basil, Fresh beet greens, 白菜, 西蘭花 (不過有獸醫話食0左會肚痛), Brussels sprouts & leaves, 波菜, 南瓜葉, 椰菜, 紅蘿蔔 & 葉, 椰菜花, 西芹, 鬼佬/中國莞莤, 蒲公英 (葉 & 花), Fresh collard greens, Dill, Endive, Escarole, Turnip greens, Kale, 生菜 (深綠色同多葉0既), Mint, Mustard greens, Pea plant leaves & stems, Peppermint leaves, Radicchio, Radishi leaves, Raspberry leaves, Violet leaves, 西洋菜 & wheat grass. 因為而家D 菜菜好多都有農藥﹐所以一定要洗得好乾淨﹐咁兔兔先至唔會中毒。

5. 當兔兔乖0既時候﹐你可以獎勵佢。你可以俾佢食少量0既水果﹐例如蘋果﹐香蕉﹐士多啤梨等等。至於市場上可以買到0既treats﹐通常都係高脂肪同高蛋白質﹐所以唔好食得太多。但係﹐即使兔兔有幾乖都好﹐獎勵佢0既treats 一定要適量﹐否則兔兔好容易會蛀牙或者增磅0架啦~~。

6. 而兔兔唔可以食0既0野包括有﹕粟米﹐朱古力(有毒0架﹗)﹐煮過0既食物﹐豆豆﹐nuts﹐薯仔﹐果實﹐高澱粉質0既食物。

至於唔同年齡0既兔兔對食物0既需求都唔同。等我講解一下啦﹕

BB兔兔:

  • 三星期以下 - 飲兔兔奶奶
  • 三至七星期 - 兔糧同埋少量乾草
  • 七星期至一歲 - 無限糧0既兔糧同乾草
  • (四個月大就可以慢慢開始食蔬菜啦~)

一歲至五歲0既年輕兔兔:

  • 繼續食無限量0既乾草 (NO ALFALFA~!)
  • 體重 = 2至4磅 -- 1/4 至1/2 杯兔糧 (每日)
  • 體重 = 5至7磅 -- 1/2 杯兔糧 (每日)
  • 體重 = 8至10磅 -- 3/4 至 1杯兔糧 (每日)
  • 最少兩杯菜菜

長者兔兔﹕

  • 如果唔係太肥﹐就可以同年輕兔兔食一樣0既飲食。