二零零一年十二月的行車紀錄
11/12/2001〈星期二〉 今日測P.A囉!完全係唔識做﹝呆坐兩粒鐘﹞!都唔知考試點死好。死喇!上堂好似越來越唔聽書咁,不過好似開學到宜家都冇聽書ga啦。食o左個lunch後,我唸我以後都唔敢再食麥樂雞﹝勁恐怖啊!一個餐加四舊雞﹞。放學之後繼續怖置課室........ |
12/12/2001〈星期三〉 |
13/12/2001〈星期四〉 今日測Buss啊!又係唔識做啊!攪到好似好對唔住阿Sir咁呀!不過我下次一定會溫書ga。今日o係lunch接到阿嫲o既死訊,唉...都唔知點樣面對好。不過都係咁過ga啦!真係多得一班同學陪我「戲」到八點。重去o左KFC食飯添啊! |
14/12/2001〈星期五〉 今日係學校既攝影日啊!真係好難得可以一大班人一齊咁影相。所以今日好開心啊。但係今日要測中文啊【破壞哂 】!好鬼煩啊!放o左學居然在大源街口影相。勁攪笑啊!不過都係難得o既! |
15/12/2001〈星期六〉 今日約o左一班同學去o左睇《千與千尋》啊!我覺得套戲都幾好睇o既!大家快D去睇喇!睇完戲之後,重去o左影貼紙相【不過影得好失販啊】、行街、打機添啊!我地最後重去o左『海皇粥店』食晚飯添啊!今日係好開心的一日啊! |
16/12/2001〈星期日〉 今日係好無聊的一日!整日訓響床度,乜都冇做過啊!係度猛禁食o野(紅豆+線豆沙、脆豬肉乾、糖*10粒....)。就o黎變做死肥豬喇!唉...發現自已遲o左成六日還書添!要罰成九蚊啊!呢排已經冇乜錢ga la.......... |
17/12/2001〈星期一〉 弊喇!又唔記得帶本書還啊!死啦!成十日喇........曄!罰成十個半啊!有冇人打救我啊!!!唉...派了BUSS測驗...勁差啊!【得2.5分咋】哈哈...今 日放o左學參加《文史常識問答比賽》啊!當然係線社贏啦!【不過好似人地話齋,我都冇乜點答過問題,不過志在玩下o者】放了學,去了『天地』買了本星座書啊!【只出了十三蚊,有十二蚊由芬姐津貼的啊】 |
18/12/2001〈星期二〉 |
19/12/2001〈星期三〉 今日行街行到好鬼攰啊!攰到好想訓覺啊 !今日芬姐冇返學,而阿招又早退喎!攪到唔知點喎!Econ堂勁摺玫瑰花、勁摺勁摺、最後終於摺到了。Lunch去o左大快活食我最愛食的魚香茄子煲啊!不過味道有點差啊!英文作文又唔識作,眼見人 地咁好 ,真係有點咩野架。放了學之後,考中文短講啊!題目係《批評容易讚賞難》,勁唔識囉!哈!哈!我終於買o左禮物比某人喇!去o左《海皇粥店》食白粥啊! |
20/12/2001〈星期四〉 好攰啊 !就快支持唔住喇!嘩!又派o左英文測驗 Lu!【當然又係勁差啦】放o左學幫阿sir計時,原本唸住幾好玩,但係都唔好玩O既。嗚....放o左學冇得返屋企啊,呢D可能就係講大話既代價啦!之後就去o左睇人地採排啊!差不多十點先走啊!【重要買Party禮物,好求其地在集成的百佳買糖】 |
21/12/2001〈星期五〉 今日係學校既聖誕聯歡日呵!原本都可以準時咁返到學校,不過最後都....。其實早在一星前,我已經好期待今日既來臨了。因為唸住事事順利【想像中係一早返學校 開一個勁好既Party,跟住就去唱K,再跟住上山睇燈飾,個安排都幾好架】!點知返到學要睇一個音響設傋勁差既Show,再跟住要係班攪一個勁失敗既Party【完全關我事啦】!唸住唱K啦,點知去雲灣仔&銅鑼灣既K鋪都Full唒【不過最後都有得唱】!哈哈哈,今日最好都係同Christy&霞姐【我的Angel】&阿四去尖咀睇燈飾同埋食風【勁凍啊!得九度咋!】 |
22/12/2001〈星期六〉 今朝早晨早流流就去o左中環驗身!追屋企個陣時,買o左包M&Ms脆心米,點知比我堨中o左獎【獎多兩包脆心米】!今日整日係度訓覺,除o左玩《Monday》的填字遊戲外! |
23/12/2001〈星期日〉 車長有事,唔寫一日 |
24/12/2001〈星期一〉 車長繼續有事,繼續唔寫一日!不過都寫少少啦 !夜晚去o左冬季嘉年華•玩完一個三十皮o既遊戲,跟住勁暈啊!暈o左成幾個字啊! |
25/12/2001〈星期二〉 哈哈哈!今日我同霞姐去o左銅鑼灣買聖誕禮物啊!原來買禮物比人係一件好辛苦的事啊!我地最後都要行o左成四粒鐘先至買到啊!而晚飯時間就去o左灣仔的幸福樓,就當係同老媽慶祝牛一啊! |
26/12/2001〈星期三〉 今日六點幾約o左一班同學出o黎交換禮物•哈哈!估唔到我比禮物阿Tiff,阿Tiff又比返我喎!其實個樣野早在四年前,我就已經想要了【因為有一次我的表弟在聖誕大抽獎中抽中了這個 ,當時幾想同佢交換啊!!!】。跟住就去了食韓國燒烤,今日好似用o左好多錢咁!嗚.....食完韓燒都九點啦!跟住好無聊地行銅鑼灣行o左兩粒鐘• |
27/12/2001〈星期四〉 今日勁無聊啊!訓到一點先起身•跟住就去o左囉驗身報告啊!之後去o左KFC食爆谷雞【不過嫌少得濟】•返到屋企就勁上網囉• |
28/12/2001〈星期五〉 今日係我生日啊!首先同自己講返句生日快樂先!!!好啦!等我講下我今日做過D乜啦!話哂都係十八歲喎!
(→---行程表---→
→→→
一朝早九點就約o左阿珊去修頓大快活食早餐【其實本來約o左八點o架
,但係因為我唔知醒起身,所以先至約九點咋!真係唔好意思】→去o左合和換o野【去換o左本《人氣Ring
Tone王Vol.2》,後來發現原來只值二十五皮咋!真係唔抵!就係因為我冇帶袋既關係,所以本書由阿珊Keep住!原來冇帶袋係好唔方便架!】→去左萬寧找阿炭&買糖糖【冇辦啦
!經過啊嘛,兼且等緊阿珊排隊囉錢
,點都要買返Do野o架喇!不過都幾貴啊!成八個半啊!】→漫步去皇室堡【都幾遠o架
!灣仔修頓行去皇室啊!真係唔好講笑
!】→到達皇室【早去o左成三個字啊
!左行右行,終於入o左去HMV 其實我今日了真係好開心o架 ,有咁多人同我一齊慶祝!!!又有咁多驚喜,覺得自已好幸福啊!真係好多謝佢地陪o左我成曰,呢D咁特別既時光,我係永遠唔會唔會忘記既!如果將來有一個天使叫我只可以保留一件事既記億,其他事情都會完全忘記既,咁我一定會揀保留今日既所發生既事既所有記億。希望佢地千祈唔好忘記o係佢地生命中,曾經出現過一個叫程嘉霖既人啦! |
29/12/2001〈星期六〉 今日晨早流流五點就要起身番鄉下,噚晚好夜訓啊,所以好辛苦啊!去到都差不多兩點了。 去到第一件事就當然係上山安葬好Grandma啦!跟住就去o左食飯了。就係咁喇!我之後就返o左間屋渡訓覺!五點半又比人叫醒o左去食飯【明明差不多三點先食完午飯,都未落格咋 ,又要食飯】!咁就一日了!其實我今曰成日都唸返昨日所發生既任何野,例如六點我o係邊度呢?做緊乜呢?兩點應該重食緊Lunch!!!28/12所發生既任何野,成日都在腦海中轉來轉去啊! |
30/12/2001〈星期日〉 今日都好早就比阿媽叫醒o左我去飲茶!其實都唔太鐘意在鄉下食野,成日覺得好污糟啊!晏晝就去o左游車河囉!但保我不斷訓覺囉 !晚飯去o左打邊爐,不過D材料全部都係驢仔肉,唔太想食啊! |
31/12/2001〈星期一〉 本來今日就可以返香港,但係阿爺好想阿哥留多一日【因為哥要在五號返澳洲,但阿爺要十零號先至返香港】,最後末留多一日囉!不過我都好想返香港倒數,迎接2002年啊!不過算數啦 !夜晚重去o左旋轉餐廳飲什果賓治+炸魚薯條!返到間屋未對住部電視機倒數囉! |