二零零二年一月的行車紀錄

1/2/2002〈星期五〉→有相睇←

又Happy Friday喇!今日係最後一次入MMLC了,有D唔捨得佢添!亦都係最後一次收Econ的功課喇【今次好似特別快收齊喎!不過尚欠一位囉!煩死我喇!】!明明兩堂的Buss堂,竟然有一堂變左Econ堂!不過今日因Econ堂要討論的關係,所以就同隔離行的Tiff溶合埋一齊【不過我乜都唔識,討乜鬼論丫!阻鬼住哂就真!】!夜晚就去o左Pizza Hut食飯【睇下個餐單先→意大利菜湯→XX螺絲粉→薯溶→超級夏威兒→至尊雞皇意粉(凍的)→香X肉絲意粉(凍的)】!今次分配得好平均啊!真係好高興食得咁開心(套套羅緝喲)!之後重去左維園拍呢個叫做阿四大戰黑旋風大盜的笑笑小電影!本來帶o左部DV返o黎,唸住拍D野o架!不過D同學們好似好怕個鏡頭咁喎!勁避囉!家o下見鬼咩!不過就拍左D好攪笑的小電影啊【全部都由大導演Tiff拍的喲!佢將來絕對有潛質做大導演+編劇,而Christy亦將會係配音介勁人!】!

2/2/2002〈星期六〉

今朝十點因急的關係,所以「責」醒o左!一起身就開始攪個HP了!攪到連電視都唔記得o左睇!下晝又要同媽去換個喼【因先前買的喼細得滯!】!之後換完喼之後,因時間尚早【大約三點半啦】,所以就去左搵霞姐行西環,重去左飲大家樂四皮熱奶茶,不過因為好耐未飲過,所以滯足幾粒鐘!我地約左四&Christy在尖咀恒生等!跟住就行街同埋響麥記食晚飯【我食o左一個漢堡飽+魚柳飽+大汽水(原先唔知保大汽水,兼且好肚餓)】!重換左個鎖時扣添喎!食飽飽後,就行去紅館睇王力宏演唱會了【忘記了帶螢光小棒子】!當然有D歌唔識喇!但係當去到播放王力宏D舊MTV時,真係唸返好多o野啊,所以D眼淚係咁響度流【當時好黑啊!好彩冇人見到o者!】!我都在跟佢唱歌o架&大嗌&拍手【撘車時發現隻手腫腫地,且有很多微絲血管爆了!好痛啊!】

3/2/2002〈星期日〉

嗚!隻手好痛啊!痛死我喇!一大早,六姨就打o黎叫我睇畫劇【因為佢的囡因突然有事唔去得】!在唔清醒的狀態下,就一口答應了【當時仍未知套劇叫乜名&要自己比錢去睇】!去到文化中心先知叫做《還魂香》【香港畫劇團的大製作】!都幾好睇同埋要睇三粒鐘,講真真係有D眼訓o架!之後就o去左集城買Kelly最新的CD《ASK》!重有啊!今日阿好終於打電話比我喇!真係有D驚喜囉!

4/2/2002〈星期一〉

今個禮拜係最後一個禮拜要上堂喇!希望一切順順利利啦!上BUSS堂時,又會無端端肚痛架!Lunch去左KFC食啊!重有今日上P.E堂時,去左港灣道室內運動場打壁球啊!...哈哈!放左學去眼鏡舖攞「新一代形象」啊!本來約左阿媽去買o野o架,但係因為我遲o左到的關係,所以佢走左了!

5/2/2002〈星期二〉

三堂P.A,終於都捱唔住訓着左了!眼訓的主要原因,應該係因為天陰兼且落雨。不嬲都唔鐘意落雨啊!權記→墨丸牛丸米(正)!今日又o係集城撞到炭,佢重比左D相我添(維園的相)!之後就去左西環周圍逛&約左媽去買o野添!原本唸住剪頭髮o架!但後來冇剪

6/2/2002〈星期三〉

勁好笑!唔知笑乜啊!其實唔太記得今日做過D乜(10/02先寫番)!!Yeah!!去左麥記食飯啊【嗚..四同霞姐兩個人食一個餐啊!僧死四!^O^】!放左學,就幫爺囉件羊毛底去換大一個碼!之後就同四行去地鐵站→自已去太原街買玩具【買左麥叔手電(送比四的)+智慧'時'扣】→在麥記坐,並發現麥叔手電有D花左,所以去返太原街換..嗚..比人鬧啊....→去City Super買小鞋子→6:30pm會合媽&六姨丈到皇室買電腦!好攰啊今日,行到腳軟喲!

7/2/2002〈星期四〉→有相睇←

今日差D又遲到喇!真險!之前因為我用DV拍底晒我在早晨所做的所有o野【包括:落床,刷牙,食早餐,出門口,撘車返學校等】,所以慢左落街囉同埋要拎埋個書包早會啊!頭o個三堂係中文堂的小組討論,居然比的芬姐,招推左我出去,太過份喇..不過冇所謂啦【重拍底左添】!嗚...芬姐+招冷言冷語啊!其間就送左麥叔手電給四【原因係當呢件係四的生日禮物!因為四生日時,我已在澳了!我只用了報紙包,希望四唔介意啦】!上PA堂時,由於Sylvia冇留底部好易通,所以唯有玩新買的智慧'時'扣啦!今日係買後一日食Lunch喇,因為明天因為老師吃團年飯而取消了lunch time喲.過份!去左克街【是一條去到都要急急走的街,因為BW正是住在這兒的】的幸花樓食飯【從未去過!冇金菇牛肉,唯有吃粟米班塊啦!】!時間過得真快,又到下午了,Mrs.Lee仍然問我問題.但英文堂不用上,我是乖學生,所以做Class Work喲!重同同學門拍o野添Yeah!放學時,被人趕走啊..阿水唔知佢地做乜咩!咁唯有識做地走左去Hall幫Art Club釘board囉!在釘board期間,因為要找芬姐,所以上左課室,哈哈!唔應該睇的野睇到喇【講笑咋!基本上只見到Eric唔知o係度做乜!】!比阿四「的」返落去啊!嗚嗚...逗留到五點幾要走了&會合Christy!原本返屋企o架!之後因醒起要整眼鏡,所以折返&行188&買o野&大約六點幾獨自回去黑暗的校園【突然好想再返返去學校的25號房,好想通宵咁留在25號房!在經過三和四樓樓梯時,原本好驚o架,但為左上五樓,唯有頂住上啦!企在25號房的窗前有成五分鐘,真難想像冷冷清清+黑黑暗暗的班房是平日的25號房,與平日的熱鬧的班房形成強烈的對比啊!我望住自已的位,想像自己係點上堂,D同學係點時,突然想喊!心唸如果繼續企在此,一定會哭個半死的,所以我急速的走了去三樓執locker&搬書&離開,行返我好耐都冇行的回家的路,那時已是七點了】!

8/2/2002〈星期五〉→有相睇←

今日係最後一日返學喇!講真,真係有D唔捨得o架!話哂都o係呢間學校讀左七年喇!呢間學校比我的感覺係十分似一家人,雖然間學校的成績不好兼且操行亦唔太好!外人當然會覺得呢間學校係十分差&有很多的不滿&D師資又十分差,但係我又唔係咁認為喎!至少佢有一樣好多學校到冇的人情味,關懷&絕冇勾心鬥角!在校的七年裏,有好多人會當我係小妹妹咁睇,有D重好關心我添!不得不提的就是現時就讀的6C班了!6C不稱得上是十分團結,但係仍帶到一份溫暖的感覺給我!讀到中六的所有人,當然件件都係精英啦!呢樣o野就係同以前最大的分別喇!以前我可以說在朋友羣中最勁的一件,現在只係輪落最差的一件!自信心當然受到好大的打擊啦!對我o黎講,其實都冇乜所謂啦!講返今日喇,今日我好最就就返到學校喇,返到去居然冇人囉!於是我就繼續做功課喇【我係唔會因為要走而唔交功課o既,要好到尾】!今日因為老師要團年,所以每堂縮短了兩個字,Lunch Time亦變成Recess了!我帶左部DV怕o野啊!上堂就如住日般一切如常,冇乜特別事發生!直至到左最尾的Econ堂,居然要我出去講o野喎,都唔知講乜o野好!又聽下人地對我的感受啦!1:00的鐘聲響了,各人也陸續走了!唯獨係阿Tiff同校長唔比我走喎,肯定有鬼秘啦!好奸啊!之後就去左Energy唱k囉!明明問左係唱到四點加嘛,點知只係唱到三點咋!唱完k,就去左影貼貼!周圍行!最後我同霞姐就用左差不多一粒鐘的時間排隊買明天的戲飛啊!最後最後就同阿媽去左睇牙!

9/2/2002〈星期六〉

Yeah!!!「煎Ten」約o左霞姐,Christy&四去皇室睇《嫁個有錢人》【都幾好睇喎】!→去o左食上海「次」飯添!→Sogo買o野飲(橙汁)→撘MTR去旺角周圍行→去朝流特區買衫(買左三件衫啊)→過對面的美心飲o野!【返到屋企,阿珊話比我聽佢座o係隔離枱,佢又唔叫我,我又見唔到佢,真係緣慳一面啊!】→再去旺角夾糖→行去太子→食魚蛋+自由唞→去女人街買霞姐的頭夾→再行返去旺角撘地鐵走人→Time Square買年初一的戲飛《天下無雙》→返屋企→出去食團年飯!

10/2/2002〈星期日〉

Feel到自已病了,不停打乞「次」&喉嚨痛!千祈唔好變大病啊!大約十一點,就約左親戚門飲茶!其實我也頗享受飯茶的生活!真的好想試試同一D唔係親戚的朋友飲茶,我唸都幾搞笑o架!早在中五的最從一日,就想叫哂全班同學去茶樓的物體食Lunch,但始終冇做到!因為我都好享受可以同一D同學做一D有家庭Feel的事,好似屋企咁,熱熱鬧鬧,多麽美好啊!所以我好鐘意去百雀食飯o架!不過可惜...!3:00pm就同五姨&子亮行年宵,再之後就去左阿婆的家食飯!重有啊.上個禮拜拍小短片的地方,今日居然在好多人,我又唸返起o個日了!

11/2/2002〈星期一〉

原本朝早約o左阿珊o架!但係佢話佢噚晚通宵唱k【重係要同詠儀,聽講詠儀同珍嗌o左交】,攰得滯,所以推左我!我好嬲啊,明明佢問我幾時得閒多o架嘛,我得閒時,佢又咁樣,呢個Friend真係令我好失望啊!明知時日無多o架嘛,我說:『無乜幾可可以見o架喇!重唔出o黎,就冇機會o架喇!之後我又唔得閒。』佢竟說:『唔得閒未算囉!你生日o個陣未見o左囉!』聽到呢度,我二話不說就cut左佢線喇!當人人也極力抽時間的同時,本以為係friend的friend竟說出這一番話,完全不在乎似的。大約三點就約左阿炭陪我去IDP度囉home stay D info,還以為阿炭得閒添,原本唸住請佢食dinner ga ma,點知佢要返屋企團年,咁唯有去佢屋企食飯啦【撘車去佢屋企時,因o架車飛o左站,所以要行好遠啊!】!攪到好似一家人咁,真係覺得有D唔好意思添!到o左八點時,(炭,炭媽,炭舅父,我)原本唸住去春季嘉年華o架!但去到灣仔碼頭時,發現停o左船,咁唯有行住會展海旁先啦!悶死!阿炭唔比我走啊,但係我約o左Christy,4&霞姐9:30行年宵o架嘛,所以我遲到囉,重要遲o左成半粒鐘啊!在行年宵時,真係好逼啊【買o左粒扭計骰!每人一個,重講價添】!我的愛人四,中途走了...嗚.。行完之後,重去o左麥記食o野添!【行年宵見到伊雯,Cammy等等啊!真係好耐冇見lu】大約2:00就番到屋企了!

12/2/2002〈星期二〉(年初一)

恭喜發財,恭喜大家發財!大年約一就比人鬧了!在我印象中,好似年年年初一都比人鬧,上年比人打添!今年因為祖母去世,所以家中冇乜過去氣氛【往年會有好多揮春、桔、水仙花&過年食品】!如往年一樣,年初一一定要上太平山頂,但係當行到六分一路程時,阿爺突然話頂唔順,所以要折返【以前阿爺朝朝早都行山o架!但係可能老&病緊的關係啦!我在此恭祝他身體健康啦!】!食過飯之後就同媽咪去o左睇《天下無雙》,套戲都幾好睇o架!但係我可能太攰的關係啦,所以訓o左一陣。

13/2/2002〈星期三〉(年初二)

每年的年初二,也是例牌地到阿婆屋企度拜年!在幾年前年初二,真的有很多新戚到阿婆家,熱熱鬧鬧的在說話!我唸有起碼有兩三年冇一大班人一齊在一起了【因為好多親戚也移民了!】!以前真的好開心o架!去到阿婆家處,發現唔記得拎本notebook比姨丈整喎,咁唯有又要撘車+轉車返屋企【真麻煩啊!】!到左夜晚就當然在阿婆家看煙花啦!睇完煙花就返屋企了!

14/2/2002〈星期四〉(年初三)

今朝一早又係例牌地同阿爺去茶樓飲茶!今年就係去左中環寳湖【近期阿爺愛上去寳湖】!我又買左本雜誌去睇喇!之後我就去左五姨屋企拜年!拜完年就滙合七姨行去大古城去買禮物比澳洲的屋主【買了心口針】。大約一點就約左霞姐&Christy在大古城地鐵站等,跟住就開始行街街喇!重同霞姐的哥哥買戲飛、去吉之島睇野【霞姐&Christy重逼我買雪米池,哈哈!但係我冇買到!】、去麥記坐、重屈左霞哥請我地食燒雞奕添!後來阿Tiff到左重睇住我地食雞奕添!之後就行番去大古城UNY,我重買左一個盒盒+汽水添!跟住就去左反斗城【每人買左一個甲蟲電筒,唯獨是霞姐買左青蛙電筒,後來發現重要係壞的!】→Log on【但分左手之後,就單獨行事了!】→Sogo【本來想去買抹頭巾巾,但係賣晒了】→MUJI【買左百幾蚊文具】→City Super【去搵抹頭巾巾,但依然係冇,最後買左個筆袋】→屋企!行到腳疼啊!

15/2/2002〈星期五〉(年初四)

大家本來約左十點半在天樂里的Neway等架!但後來我的鬧鐘壞了,重累我遲到;Christy就因拜年,所以要遲D到【但後來因為只係唱到三點,所以叫佢唔好o黎!】;Tiff就因為鬧鐘壞了,所以未起身,所以都叫佢唔好o黎了!最後只剩下我同霞姐唱K,兩個人唱,唱到喉沙啦!今日真黑啊,Neway全部電腦壞晒,要等修理,都等左半粒鐘啊!唱完K就去左買衭【買了兩條呢】!重同炭去左298買咪+要請佢去食Tea!就係咁就一日了!

16/2/2002〈星期六〉(年初五) →有相睇←

十點就約左霞姐、四&Christy在九龍塘火車站頭等!【遲左到添!】跟住我地就去左大圍租單車踏了【位位四十五蚊,可踏到七點!】!頭頭因為改道的關係,所以唔識路o架!但後來踩踩下就搵到條路了!踩到吐露港時、四從斜坡中跌在地上,重反埋車添!真係嚇鬼死o架,好彩冇乜事o者!後來都係唔太放心,所以都係將四送左去威爾斯睇急症【好在醫生都話冇事】!離開醫院後就去了春季嘉年華【都有玩o個個唔知乜名o既五十蚊Game架】!由於時間緊逼,所以只玩了一個咋!七點半就約左招、高翔、伊雯、潘、熙鴻&Apple在絡克道道街巿的二樓中記吃晚飯【我叫左紅燒豆腐、芙容蛋、咖喱牛肉煲、海鮮什菜煲、淑鹽鮮魷.....】。佢地重送左snowman毛巾比我添!大約九點我就約返Christy佢地響油麻地等,行左好耐啊!去左食糖水,佢地重送左個Web Cam 比我添!真係多謝晒!

17/2/2002〈星期日〉(年初六)

今朝早一早就比阿媽叫醒左,去同阿婆去合和的女真飲茶!所以好眼訓!返到屋企就要即刻去睇醫生【最終都係要去睇醫生】!之後就約左招&芬兩點去招家做中文project【中國的戲曲】!但後來因為阿招家的電腦是56K的關係,所以後來去了芬家做!大約六點半就去了中環的寳湖食飯【阿爺請o架!當係送行喎!】!但係因為牙痛,所以只吃了少許,返到屋企依然好痛!

18/2/2002〈星期一〉(年初七)

十點就去左六姨丈公司整電腦!之後返到屋企就去左Kristy屋企搵霞姐&tiff,佢地響度做中文Project,經過未順便上去睇下囉!重去左食Pizza Hut添!食完飯之後就去左剪頭髮,我覺得都0K既!下午六點就去左灣仔睇隻好痛的牙【後來發現都幾嚴重下!好似話係隻牙有D細菌入左去,要杜牙根!杜牙根全個手術要分三次進行,而每做一次就要隔一個禮拜左右!今次做左第一次,我唸都可以止住痛o既!】!整完牙之後就去左拎眼鏡、買袋【金色的Outdoor】、買手錶!

19/2/2002〈星期二〉(年初八) →有相睇←

晨咁早九點又去左睇牙!醫生話唔可以即刻再做,所以預約左今年七月返o黎再做。之後就返屋企繼續拾野!一點半約左同學筲箕灣地鐵站集合,前往石澳幫我攪歡送會。去到未燒野食囉!重同芬去左沙灘訓添,好舒服架!重有睬單車呢!我地燒完野食,就已經係入黑了,天都黑晒lu!之後就去左沙灘玩沙....成隻鞋都入晒沙啊!D甲蟲o係咁閃,好靚架!重拎部DV拍野添!玩到十點半就走人喇!都差不多要成個半鐘先番到屋企,番到去都十二點了!今日收到阿湘送的頸巾【很合用喲!】,重有芬+靜雯送的相薄+筷子【亦很合用啊】!

20/2/2002〈星期三〉(年初八)

今日全日都o係度執行李,執到成個人都煩晒!真係好煩啊!好彩中途都有出灣仔吸啖自由的空汽o者!返到屋企就繼續執野執野執野...........................執野!真係估唔到咁快就要走了!回想起開學同埋剛剛識的朋友,就像昨天發生的一樣,好唔捨得所有人,尤其是一班同學!我會永遠永遠記得你地o既!

22/2/2002〈星期五〉

仍然未到添!我有訓覺o架!重霸埋隔離位o黎訓添啊!隻腳疪晒添!七點幾(當到時間,即時香港時間四點幾)終於到了!等過關等左好耐啊!跟住等check野又等左好耐啊!差不多九點幾先至出到去啊!去到便有一位人兄車我去Grace的屋企lu。Grace的屋企有一層o架!都算ok大啦!一入去隻狗就撲上o黎了,都幾驚o架!呢日就執自己的房了!重有沖涼【題起個bathroom呢就,佢係一個玻璃屋o黎o架,換言之即是外面見到裏面、外面又見到出面啦.....】、食飯、訓覺添啊!

23/2/2002〈星期六〉

訓得好好啊【張床好鬼彈啊!係一張名符其實的彈床啊!】!重訓到成十點啊!一起身都冇得食早餐添!咁我阿哥就大約十一點幾o黎搵我lu!佢帶我撘火車出city啊!阿...原來澳洲D火車好複雜o架!之後就去左China town 飲茶lu!!!飲完茶就周圍行啦!買洗頭水、紙巾...等等。真係痴鬼線o架,一到步就帶人地去睇露天歌劇.......悶.....!!!重當左KFC係dinner添啊!返到去都差不多十點喇!

24/2/2002〈星期日〉

今日又訓到十一點啊!又係冇早餐+午餐啊!鬼死咁肚餓!好在自已最了個即食麵吃o者!下午三點,我自己出左city行啊,之後就join埋我阿哥出o黎啦!重去左Chinatown食左碗雪菜肉絲麵添啊!之後就叫左阿哥帶我行去學校【不斷比佢話煩!駛唔駛啊!初o黎報到,實係咁o架喇!cher~~】!跟住就去左哥屋企,佢間房勁亂啊!去佢間屋o既主要原因就係上網同埋打電話喲【有得上網好開心啊!霞姐、四、Tiff & Christy每人send左一封e-mail比我啊!真好啊!在icq時,見到Tiff啊!我重打電話比佢添!好耐冇聽到佢把聲了!好掛住各人啊!】!又要自已返屋企,等車等左好鬼耐啊!返到去都差不多八點半了【真係嚇鬼死啊】!明天要返學lu,希望快D有得上網啦,因為好悶啊!

25/2/2002〈星期一〉

返學了!晨咁早七點就要起身了!我起身時,Grace都未起身,自己乾哽左兩塊麵包,便走人了!重好肚餓添!我約左我阿哥八點半在Melbourne Central 等啊【佢重話我早得滯,阻住佢訓覺添啊,真係冇天理啊】!哈哈,其實今日未正式上課o架,只不過係考一個試&分班&介紹間學校咋!今日的人全部都是來自國內的【全部也是國語人,不懂啊!】、有些更是日本人添,我應該每天也是返十二點了!今日我自己去了哥家上網兼打電話比霞姐+Tiff添啊【後來比那個人話添啊..唔開心添..】!返屋企時突然下大雨啊,成身&鞋濕晒lu!重要「當」失路添,真係嚇到冇左半條人命啊!

26/2/2002〈星期二〉

好野啊!返學返十二點啊!可以遲D先至起身!上第一日正式的堂,真係有D唔慣架!話晒乜都唔識啊嘛!好擔心啊!今日得自已一個人食lunch咋!好慘啊!乜人都唔識!放學重同一個越南人一齊放學添!不過勁抵死囉!佢入左車門之後,個車門關左啊,所以最後,都係得番我自已一個返屋企啊!返到去...又忍唔住.....了。

28/2/2002〈星期四〉

今日都好唔開心添!因為先前星期一未考了個試的喲!有結果了→Listening--3/10→Writing--3/10→speaking--4/10→reading--4/10!但係所有野要6分先叫做及格,先至可以讀Foundation!真係好鬼驚遲D唔夠分,要讀耐D啊!如果要讀耐D就不得返香港放暑假lu!!!放左學就同哥去左Chinatown買糖食了!