二零零二年三月的行車紀錄

1/3/2002〈星期五〉

又Happy Friday lu!!!o黎到剛好一個禮拜了!一齊如常啦!仍然係好唔捨得香港!放左學就約左哥&哥friend行大丸+商場。今日剩係買左一排Wild Berry味的Extra咋,之後就返去lu。

　

2/3/2002〈星期六〉

今日成十點先起身啊!今日冇約哥啊!因為Grace話帶我去Footscray的圖書館啊!跟住就去左market買野啊!十二點幾返到去!返到去就不斷寫信了,寫到抽晒筋添!四到幾時,我就跟了Grace去佢既grandchild的Primary school的派對中,o個度好多比小朋友玩的野架,不過我就覺得好悶囉!佢重買左個腸仔+飽比我當係dinner添【不過就真係唔夠飽】!返去途中,佢架車差不多冇晒油啊,好彩搵到油站咋,如果 唔係,推車都有份啊!返到去,佢都算有D良心,比D酒心朱古力我食。

　

3/3/2002〈星期日〉

下晝時,我約左哥去city買野啊!但係佢因為要剪頭髮的關係,所以要我等左佢大半粒鐘啊!講返買左D乜先,我買左食物盒&薄啊!買完野之後,就去左飲珍珠奶茶+打機了!夜晚時,重去左Crown食自助餐添【好鬼平啊!只不過是港紙四十皮咋!】!返到屋企都十點了!

　

4/3/2002〈星期一〉

新一日又o黎喇!一早就出左門口返學校,用o個度D電腦上網做功課了【不過o個度D電腦極慢,check個e-mail都要成個字啊!平時用開寬頻家麻~@~重未有電話線啊!希望快D有啦~@~】!哈.收到霞姐的e-mail lu!都唔知有冇攪錯o架,明明交左錢比學校家嘛,佢又話我冇交喎,真過份啊!Grace煮野真係好好味架,今餐有墨西哥食品添啊....正>O<!

　

5/3/2002〈星期二〉

哈哈哈,今日終於攪掂左單未比錢事件了!今朝又係整三文治食,因為懶,所以都係帶三文治返去當lunch【放左落微波爐叮,攪到個麵包「林」晒、D芝士又溶晒添!勁恐怖】!!!就係咁了,返到去因Grace約左朋友出去食飯,所以要單獨留我呢一位小朋友在家中,所以好危險的喲!

　

6/3/2002〈星期三〉

最鬼僧貓架喇!因為以前比貓咬過!但係偏偏呢度隻貓Edward,就好鐘意去和張床&櫈上訓覺!真討厭啊!我又唔夠膽搬佢走喎!因驚佢的爪啊!今日收到通告,話星期五唔駛返學啊^^!下晝重去左State library找Matthew Flinders的資料喲!

　

7/3/2002〈星期四〉

今日要做Oral presentation啊!又未睇過篇野,真係唔識做啊!宜家逢星期四都要Presentation,好唔鐘意啊,你知我唔鐘意當住咁多人講野o架嘛!好悶的星期四啊,重要對住個老姑婆Victoria喎~~~哼!

　

8/3/2002〈星期五〉

唔駛返學添...正....但係比左好死貴的學費喎!心情予盾啊!得一個人,唯有煮個牛油粟米當早餐啦~~好味!咁得閒,等我畫下間房先得!下晝當然要襯大好時機去訓返個好覺,重睇埋本《Yes》添啊!但係訓訓吓,Grace就問我同唔同埋佢一齊去 Williamstown (Williamstown 係一個近海的地方,水清沙幼,椰林樹影....!)放狗喎!橫掂又咁悶,所以未應承左佢囉!去到o個度就真係好大風啊,吹到頭都「咩」左啊,我見到o個度D樹吹到個頭都掂晒地啊,恐怖啊!

　

9/3/2002〈星期六〉

十一點就去左我阿哥屋企幫佢執屋了【真過份+冇天理】!哈...不過我幫佢執左小小咋!因為我要佔用佢的電腦,兼且要將很久沒Upload的車仔樂園Upload上去【因重未有電話線啊,而今次Upload的原因是,我在我的notebook的frontpage copy落 floppy度,跟住再拎去我阿哥的電腦度,過程十分繁複】!之後我就跟哥去左佢的舊維官同學聚會度吃飯!再之後就去左好遠的Box Hill度買野!再再再之後,又出返去City食日本野【只不過佢咖喱雞飯咋,不過D味道都不錯】!再再再再之後,就行左唔知邊度睇煙花【真係估唔到會有煙花睇o架!不過等左大半粒鐘啊!同埋前面D人好高啊!】,o個度重有好多機動遊戲添啊,不過因為那時已經差不多是十時了,所以冇去,明天再戰吧!返到屋企,居然連Grace都未返喎!

　

10/3/2002〈星期日〉

唉!今日居然冇出街添!悶死人了!重以為有得出去玩添!睇下先...早餐係麵包、午餐是即食麵、晚餐係非洲食品!重有訓了個晏覺,功課都冇做過添!好慘啊,救命啊!!!!平凡的一天喲!

　

11/3/2002〈星期一〉

今日係澳洲的Labour Day啊!所以唔駛返學啊!換言之即係連續放左四日假啊!但係我都係o係間屋度「戲」時間,街都冇出到!咁唯有 睇下GTO、聽吓歌、攪吓個Web、整吓D相、做吓功課(做o左少少咋)!就係咁,仍然係好平凡的一天啊!不過到左夜晚,有一位好似叫做Sandy的人客啊,重一齊食飯添!閒談之間,發現佢以前做過的醫院,就係我出世的那打素醫院啊!真係好o岩啊!

　

12/3/2002〈星期二〉

嗚!要返學喇!但係重未做晒功課添!咁唯有九點起身做啦!重要早D起出街,去圖書館搵料添啊!返到屋企,居然Grace重未返喎,咁整下個Web先!佢話因為好攰,所以買左fast food啊【係炸魚薯條啊!好味好味】!要o抖足精神,三點起身,要打比阿四講返句Happy Birthday!!!

　

13/3/2002〈星期三〉

哎吖!遲左少少添!三點三先至肯起身啊!原先打比四o架,但四的電話接不通啊!好開心聽到阿四、阿Tiff把聲啊!緊張到之後訓唔着添!一起身就要做功課lu!食1unch時,居然同D日本人傾偈喎,原來佢地大多數都係大學生o黎o架,o黎澳洲讀英文o架咋,讀完就走了!返到去,Grace仍然好似噚日咁出左街啊!不過留o左o野比我食啊【三條肉腸、一舊薯仔、茄汁豆、青豆】!

　

14/3/2002〈星期四〉

又要一早起身做功課啊!今日真係好攰啊!原來條電話線一定要我親自打去申請先得o架,唔怪之得咁鬼耐都冇人o黎啦!今朝都有再打去啊,佢地話下星期四會有人o黎整了,開心死【重攪到遲左落街,諗住實Miss班車o架啦!幸好Grace肯車我去另一個車站,先至唔駛遲到咋!】!但係我下星期五將會搬去第二度暫住兩星期啊【因為Grace將會由二十二日至四月二日去Tasmania(澳洲南面的一個島)渡假啊!真激氣!】!換言之只可用一日電話線啦.....唉...又要拖個喼去第二間屋度,都唔知另外的人好唔好o既!希望都唔錯啦!今日下晝比Miss帶去左University of Melbourne裏的圖書館揾資料啊!真好啊,又有得出去喲!好好啊今日,連續解決左兩個問題→Homestay&電話線,不過重有一個問題→張提款咭重未有Password,所以重未有錢o羅啊!

　

15/3/2002〈星期五〉

今日要早D返去o羅新homestay的資料啊【係兩公婆+12歲的女+台灣女學生】!同我宜家住緊的地方的距離好遠啊!我重未知下星期五應該搬D野返學先,跟住放學直接去,定還是放學返o黎先,跟住先去.好煩啊!好開心啊,今日收到Tiff同霞姐的信啊!^o^我重即刻寫信寫到成十二點幾添!!!今餐有四隻雞腿、青豆、薯仔、紅蘿白食啊!

　

16/3/2002〈星期六〉

嘻嘻!好晏先至起身添!等我阿哥既電話等到發[毛]了!求佢就真係蛇都死啊!之後就終於等到佢的電話了!但係佢就足足遲左九個字先至到啊.無良啊!去左食日式豬扒飯,味道都不錯喎!之後去到新屋度,間屋超大啊,冇人o係度,咁唯有留張字條啦!佢之後都要覆返我啊,不過好似好 惡咁啊,都唔知兩個禮拜點過添!夜晚重去左食鐵板燒添!重有打比霞姐+Tiff添啊!

　

17/3/2002〈星期日〉

今日天氣咁好,居然要響間屋度渡過...唉!死吧!見咁得閒,就走去就近的電話亭打個電話先!在香港時間十一點、霞姐居然未起身啊!之後就行左去Footscray買餅食了!跟住就返歸了!冇耐,老媽就打o黎了、跟住就駁左三線比霞姐同Tiff了【老媽吹收線】→再去火車站電話亭打比Tiff&Christy【$0.4傾左粒半鐘啊!勁!】!重未做晒D功課啊!寫信比芬芬先!

　

18/3/2002〈星期一〉

等我朝早拍DV先,拍一D間屋既野!所以攪到好衝忙咁落街,事關今日要早D落街返學校做功課!但係最終都係趕唔切交啊,慘!今日的功課又係作文啊!其實決定o黎Australia的主要目的→...唔準笑o架...就係唔想交英文作文+英文presentation比Miss Wong,但係呢兩樣野偏偏都發生在澳洲!睇o黎我呢一生都避不過英文presentation+writing了!夜晚有打比Christy、Tiff、霞姐,原來中六級去左科學館參觀啊【可惡,為什麼呢D活動唔響上學期攪喎】!

　

19/3/2002〈星期二〉

好開心的一日啊!唔知點解呢,可能今日解決左好多問題啦!又有老師贊,今日要作文啊上堂,雖然都有錯,但係都好比心機做了,哈!佢話我WELL DONE啊【你知我比人贊一贊,就鬆毛鬆亦o架喇】!解決的問題就分別係個網的聲音、畫面整返好啦【我係o係上網堂度整o既!當我Upload成功的時候,就o係度不斷拍枱狂笑,重V字手勢添,幾乎嚇死我D同學喇!同學們重眼定定咁望住我&問"你冇野丫嘛"】! Andrea (Miss)重睇《車仔相簿》添啊,佢話香港D beach好靚啊!重話佢都好鐘意唱K添啊!另一樣野就係問到哥借錢了!

　

20/3/2002〈星期三〉

今日終於收到Christy封信了!比起Tiff&霞姐的信慢左五日啊!最攪笑的是我回比阿Tiff的信,Tiff也收到了!當我打比Christy報喜之際,居然駁左去留言信箱、再諗住打比Tiff,佢的電話也不通呢!唉..失望!又比人讚了,冇辦法啦!天生聰明!哈哈!今日放左學,當入閘之際,我的老哥居然打比我&叫我去Chinatown行下,都知佢冇咁好死的了,果然係搵我「閃」時間!原來佢又約左人啊!哼!

　

21/3/2002〈星期四〉

今朝十點就約左Ting Kee去State Library揾一D關於Matthew Flinders的資料了!好煩啊..成日都Matthew Flinders,成日都circumnavigation Australia~~家下讀澳洲D歷史咩!都不錯啊今日,因為有電話線啊!但係返到去先至發現原來剩係裝左個插頭咋,電話線都冇條,電話當然要自已去買啦【呢度D電話好貴o架,最Cheap的都要AU$40皮啊!】!簡直對住個插頭啞口無言啊!當晚上網上左好耐啊!上到第二朝五黠啊!之後都有訓,一訓就訓到9:00了!

　

22/3/2002〈星期五〉

9:00起床,其實是遲了,因為Grace叫我在10:00前出門口啊!【因為佢要Check清楚D野先至放心走啊!所以九點起身好趕啊!要在一個鐘內執好晒D野,所以連早餐都冇食便走了!】一大早就拖住一喼野+一個細袋出去!目的地1→去新主人的office放低D行李【原來那人是印度人o黎o架!】目的地2→去7-11買Donut食【好食、味】目的地3→學校的computer room上網兼做HW!就係咁喇!食lunch亦都係食McChicken Meal【感覺上HK的好味D】!下午上無聊的Victoria堂,但係有好多野玩!重有今日o羅monthly report【仍然係一D進步也沒有,少少卦!Speaking4-→4- Reading4→4 Listening3→3+ Writing3→3+】頓時心靈潻黑一片!!!因為今日很tired,所以成日烏下烏下!放左學又去返那人的offoce搵佢一同歸家!佢間屋真係好大啊,但係間房就細過Grace的房了!雖然很大,但係仍然比較喜歡Grace的屋啊!因為冇野做兼冇帶Notebook的關係,所以在9:00就訓了!訓到第二朝12:00呢!得我同男人在間屋呢!

　

23/3/2002〈星期六〉

一大早就call了老哥,諗住睇下有邊度好去啦,誰知佢重未起身,於是我就返去garce屋上綱!但係當上左大約兩個鐘後,隔離屋的人突然過來淋花喎!真係嚇死【因為Grace叫我盡可能不要回去,保安理由喎!】於是我立即收機,兼且好似做賊一樣,躲在牆角&爬地行【為免被隔離屋發現!】!當佢淋完花之後,我就立即鼠出去了,但係佢竟然由佢間屋又走返出o黎【即是被佢發現了!】!於是我好尷尬say聲hi便走了!走到車站,見未有車,便打比霞姐嗲兩嗲了!都嗲左大半粒鐘ga【收線的原來,係因為後面有人等緊,但那人只講不到一分鐘,過份!】!之後就去左city揾哥→打機狂人!但係打機的後幾條街,居然又有嘉年華,有摩天輪呢!冇幾耐就返去了!得我一條冇,兼且天又黑晒,落左車之後的路真係又黑又長,我便不斷狂「賓」跑,喘晒氣啊!

　

24/3/2002〈星期日〉

好熱的一天啊!真係熱死人了!所以冇出街啊!下晝全間屋得返我一個人,我便走來走去,睇下電視!但由電視走返去間房度要40秒啊,好鬼死攰啊!今日在電視睇了Kylie的concert【雖然唔太知係邊個,但係都幾好睇啦!】!無聊的一天!夜晚仍然係得返我一個!

　

25/3/2002〈星期一〉

因為話晒今日係第一日由新地點返學,所以早左出門口,順便未返下school上下網咁!勁大發lor,居然有四個人send e-mail比我啊!勁開心啊【分別有4、芬妲、Tiff&Christy】!攪到我在等上堂的時候,我又不自覺地笑了!D人重問我做乜笑得咁開心!但係更好的心情亦受到lunch time的影響!【因為又為左提款咭問題奔跑,lunch我約了哥去Bank,但係佢又遲到加上未整好再加上冇時間吃飯】所以返到佢上堂臉把一沉,就係咁又一個下午了!放學去了Dennis車站再試下打電話去Bank啦,哈!終於比我activated到了,開心極了!食Dinner時,有點像人民大食堂,因為佢已煮好一「彭」「彭」的野食了!自己「筆」飯「筆」送啦!重有啊,今日因為落雨,所以撘火 車時,重見到好長好大的彩虹啊!【在香港好少見的】

　

26/3/2002〈星期二〉

沒有電腦用,真的很麻煩啊!【因為冇帶到去印度家中喲!】又冇得用Frontpage喎!【這是我後其加上去的,係唔係覺得我好有記性呢,因為我用紙抄低晒呢!smart girl!!!】正所謂求人不如求已,最終係我自已去銀行整返掂咭!呢個世界上係冇人信得過的...不過都好開心有PIN no.了!Yeah!又一次證明左我成日笑了...因為我同人講我有PIN no.了,跟住那人答我:「唔怪之得你今朝個樣咁開心啦!」哈哈!今日有個classmate係由HK來的!【是男仔喲】見佢冇乜friend,就姑且本小姐同佢食餐飯啦!!!佢同我一樣係讀到8月9日的!

　

27/3/2002〈星期三〉

等我今朝又早D返去Check e-mail先!!!~~新發現喎~有Tiff & Christy + Christy在留言板留言喎!好等我回返先!Andrea今日冇返啊,所以由另外的sir~Rob代課啊,極悶啊~死了!Lunch買汽水時,連跌兩罐出o黎啊,勁lucky啊!!!可以兩日都飲lu (today and tomorrow)。當今日上Computer堂時,在看e-mail的時候,突然收到tiff的e-mail喎!【原來HK已經開始放假了】勁開心啊,因為冇諗佢會o係屋企!放左學重衝左去train station的電話亭打電話比Tiff添【傾左都有半粒鐘o架】!And晚上終於見到那位印度人用手吃飯了,好核突啊!唔怪之得佢要用番皂兼成日洗手啦!

　

28/3/2002〈星期四〉

今朝早Pima帶左我去Victoria Market啊!【Victoria Market好近Taylors college o架!o個度係名符其實的街市~~而Pima亦買左fish】大約11:00又返去學校check e-mail lu!!!勁驚嚇啊,今日連續做兩個presentation啊!【第一個係Rubbish Disposal、第二個係What different between past 10 years and now in HK】真係煩死人咩!Lunch就飲左o尋日o個罐汽水--Free of charge!今日放左學,打比霞姐啊!今日我亦都要用手食野,不過唔係飯,而係食D印度食品【用類似薄餅的東西→用手絲成一小塊→然後要用手包裏食物(--咖喱薯仔--)】

　

29/3/2002〈星期五〉

Happy Friday ar!!! Today is public holiday ar!!所以放假啊!於是便約左Ting Kee, Ron, Zoe & Stanely周圍當!由於是PH,所以有很多shopping centre & shop都冇開啊!真係廢死人!之後今日都是落入等人行列之中,等人都用左差不多2 hrs啊!重要等埋Stanely的friend添!之後就去左Crown play game了【用左$15啊!勁貴啊】!之後張cashcard重死左添,損失慘重【Cashcard就如HK的金幣,不過每次用cashcard碌一碌就等如入金幣,唔駛袋咁多金幣】!吃lunch也只不過吃了麥當勞,總之可以用一個字形容晒今日的活動,就係~~~廢了!行到隻腳軟晒!>_<

　

30/3/2002〈星期六〉

勁攪笑Pima以為o尋日係星期六啊,所以提早左一日較早個鬧鐘啊!佢負以為我錯添!由於今日要去返o尋日的舖頭買野【昨天冇開】!so今日再約Ting Kee + Zoe去Crown!終於買到期待之久的Candy了【開心死了】!今日Sammi將會在Crown開Concert啊【Zoe原來係Sammi的fans啊!】所以未去埋Crown睇下撞唔撞到Sammi lor!不過Sammi就當然撞唔到啦!不過就撞到她的演唱會嘉賓「阿牛」啊!見到阿牛時,他正在影相呢,本來都有跟住佢尾o架,但係都係唔敢同佢影相啊!之後又去左Zoe庢企了【上網+勁聽sammi D歌】!大約五點,我便走了!本來諗住買電話o架,但係D舖頭收晒了、最後更去了大丸買紫菜米餅--最愛的食物【都算平了,還有15%的Discount添】!今晚有得睇成龍D戲居然,不過都幾好睇!今晚係較返個鐘早一個鐘的日子啊!同為就o黎Winter了,同HK只有2hrs時差,好開心!

　

31/3/2002〈星期日〉

本來今日諗住留返在家中,因為o尋日太攰了!但係Zoe o尋晚打電話來,只我陪佢去chinatown食早餐,睇下撞唔撞到Sammi咁話喎!所以便出了來,重去左一間頗出名的越南粉麵食粉添!之後又跑到去Crown,但Zoe的家姐叫佢去Williamtown出海玩啊,所以之後便沒有繼續行了!咁我就自已行左去city周圍格電話價,最後便去了一間大百貨公司Myer買了電話【Myer居然有部很平的電話,只不過是$70,我買了透明藍,但唔知平野會沒會有好野】!後來就返返去grace's home差個電話電&上網呢!逗留左差不多1hr便走了!在臨走的時候突然見到Christy,本來諗住語音交談的,but Christy的咪壞了,我地真苦啊,信又收唔到,連internet又.....唉...........無緣..不過都好開心見到Christy!夜晚啊,同Roshni一齊玩啤牌+睇電視(movie)!!!