HomeGrowth

 

BB日記

6月6日(出世)

Daddy同Mammy一早就去法國醫院，搞o左 半日，下午就在「唔丫」聲中出世啦，我一出世就眼looklook，主頁的相就係我出世洗完白白後的相啦。
6月7日(第二日) Mammy話我有個為食嘴，一肚餓就嘴郁郁。我好幸福，夜晚已經有Mammy落床餵我食奶奶。我有時仲會咪咪嘴笑。
6月8日(第三日)

Mammy餵我食足四餐，佢話我係懶訓豬，食奶食到一半就訓覺。
6月10日(第五日) 我出院啦，Daddy同Mammy帶我返婆婆屋企，婆婆話似男仔頭，Happy (Mammy隻dog)就好八掛，唔知我係邊個。
6月11日(第六日) 我對婆婆笑，婆婆就抱我搖我，抱到唔肯放。仲有嘛嘛來睇我，但係佢話唔好抱太多，抱得多會好黐身。我夜晚已識摟計，唔肯訓覺。
6月12日(第七日) 我去覆診，醫生話我不算黃，可觀察兩日。
6月13日(第八日)

Daddy話我面仔同眼仔都黃，所以帶我去健康院檢查，醫生要我返醫院照燈。
6月14-15日

我變成摸面小超人，不過原來曬日光浴好好玩,Daddy Mammy話我成日都係到耍功夫。
6月16日 我今日照完燈出院啦, Mammy比o左頂帽仔我戴，粉紅色有花邊，我皮膚o左，靚o左。
6月17日 十二朝啦，爺爺全家來探我，婆婆又叫親友來食薑醋，所以好多人來睇我，我收o左好多利是。
6月19日 落o左十幾日雨，終於出太陽啦，天氣暖o左，我可以露出手臂同大脾，我大隻o左，瀟灑好多。
7月6日 今日係我一個月大生日, 之前係跟婆婆住, 今日第一日返屋企, Mammy話我成日要抱, 故之前買左張震椅比我, 係婆婆到有婆婆抱故我唔鍾意張椅, 但返到屋企, 得Mammy同nita - 印印湊我, 故只好試坐, 原來震震下都幾好瞓。