有感而發

其實分手之後係唔係代表一切都完0既呢?你地可能覺得會係..如果你地咁諗你地係因為你愛得0個個人唔夠深,若果你係真心愛0個個人0既..即使分手之後你都係好難忘記佢..唔會咁快再去接受一段新0既戀情.當你真正愛一個人,就算係分手之後.你會覺得好傷心好唔開心,回憶你同佢一齊0個時0既段段開心0既片段,諗起0個時佢同自己一齊發生過0既每一件事,一齊去過0既地方,電話裡面講過0既每一句說話,呢0的你係唔會咁易忘記.

有人話時間係會沖淡一切,但係我就覺得唔係咯.若你係真係愛佢0既,時間就冇咁易令你忘記佢喇,仲會令你對佢0既回憶越黎越深刻,我只係會話隨住時間0既流逝,你對佢0既感覺係一定會比0係佢同一齊0個時咁冇咁強烈喇..即使你搵到另一段新0既戀情,你都會將佢同你以前0既男或女朋友黎比較,你始終都係覺得佢最好,0係夜蘭人靜0既時候你就會特別容易諗起佢,因為佢就好似一條永遠唔會磨滅0既疤痕咁深深烙印0左0係你個心入面..永遠留0係你個心入面,成為你腦海入面一段美好0既回憶.你會好想知道佢0既近況,好想知佢而家過得點,有冇同人拍拖....等等.但係當你真係見到佢0既男或女朋友,你心裡面一定唔好受,一定好唔開心,你會懷疑當初佢對你0既愛有幾深..你0個晚一定會發作,成晚諗起佢另一半0既樣,同佢比較..總之成晚都徹夜難眠.雙方是但有一邊變心或者比以前冇咁深愛對方0既話,呢段情都好難再維持下去架喇...

而家發覺0的細個我0的妹妹仔,當愛情呢樣野係一種玩意,鍾意就一齊,唔鍾意就分開,根本對任何一個人都唔真心,一諗到呢樣野就真係灰喇..鍾意玩玩下,到佢地玩多幾年就覺得厭..覺得愛情冇咩大不了,但係佢地唔會知比佢地玩0既人會傷害到佢0既0既心,令佢地唔敢再接觸,覺得比欺騙,有陰影,即使明明可以發展另一段愛情但係就係因為陰影而唔敢開始.

唔知點解我唔鍾意拍散拖...每一次我都好想拍長拖..唔想玩玩下..可能你會話當你拍0左幾年先分手會覺得好唗時間,好傷.但係你唔覺拍散拖會更唗時間?行唔夠一個月又散..0岩0岩對佢有0的認識了解多0左就要散,唔夠一陣就同第2個一齊,又要重新再知佢0既野..我會覺仲唗時間..可能而家0既青年唔會放時間落愛呢樣野到啦..

記得有個icq0既女仔同我講:我又拍拖咯,之前0個個又散0左.我就話咁快,佢就話唔鍾意就唔一齊架喇..我就同佢講咁點解你當初要同佢一齊?點解唔諗清楚先同0個個人一齊?轉個頭就分手..我問佢而家最需要係乜野?佢話自由同開心....(佢屋企管得佢好嚴)我覺得屋企管得嚴都係唔想比佢學壞.但係佢就覺得麻煩,唔比佢出街就話冇自由,0係屋企悶..我就覺得你細個0係屋企未又係咁過,0係屋企有幾悶?始終屋企都係最舒服..有時我覺得唔出街好過出街,因為出得多我都覺得悶,情願留0係屋企仲好..以前我都覺得屋企人麻煩唔比出街,可能自己仲未識諗啦..當我返第一份工0既時候我就唔再覺得佢地煩喇..佢地都係為我好,唔想自己行差踏錯,唔想自己學壞...始終出到黎社會好難知道自己遇到0既人係好係壞..就算佢係你幾好0既朋友到危急0既關頭一樣會害你,你估真係咁易有福同享有難同當咩..人人都係為0左目得不擇手段,可能人越大所遇到0既人多0左..點樣都係學校0既人最純真,出到黎社會真係好難搵到真正0既朋友.真正0既知己.所以只有屋企人唔會為求目的而害自己,默默0係背後支持你..就係因為咁你地都要對你屋企人好呀..唔好再話佢地麻煩..

 

 

 

 

 

 

1