私家老友~Friendship Forever~

人生有幾多個真係知己良朋?真係好朋友我得幾個,由我第一日工,比到我0既經驗,出黎社會做事好難再搵得到好知己,我唔敢話冇,只係難,每個人都為求目的同利益而不擇手段,而去討老細歡心..令我覺得呢個世界好假,可能呢個先係世界0既真面目啦,好彩我識到呢班朋友,我地之間係冇計較~

亞彩:係我中學0既好朋友,同佢中3開始熟,0個時我覺得同佢係2個世界0既人黎架,但係識落我地都好好傾架,當我有乜唔0岩佢就會即刻話我,勸我讀好0的書..記得倒數0個日,佢好夜先返屋企,跟住同我傾電話,一向唔傾得夜0既佢0個晚同我傾到4點幾...我地2個都好記得呢日架~~

思思:都係我中學0既好朋友,佢讀書好叻架,成日都淨係讀書,我都頂佢唔順....佢st jonh 好勁架...佢個人思想好成熟.識好多野...佢都教識我好多野,我成日都會亂諗野煩呢樣煩0個樣...佢就會幫我解決呢0的問題~

詠兒:我0係中4讀commerce0個時識佢..下學期佢坐我隔離...原來我地好好傾架..佢同我一樣都係好鬼懶架..成個傻婆咁好鍾意笑..次次我同佢都話走堂去唱k,但係次次都去唔成,佢對我都好好架,記得我做手術前一日,佢同亞彩專登同我食返餐,仲請我食壽司.搞到我鬼死咁感動..0個日真係好想喊架...但係冇理由咁魚皮架嘛..成日都話一齊唔溫書.點鬼知次次都高分過我....真係比佢激死.

英英:係我同亞敏小學4年級識到而家0既老死黎架..成日都會同佢傾心事雖然唔係成日見到佢..但係我地3個都會時時記得對方..好記得小學6年級我同佢0係小學最後一日..我暗戀0左個男仔,我同佢地0係牆到寫i love xxx,仲話10年後返小學睇返添..我地真係好傻^^

亞敏:係我小學3年級識到而家識朋友仔..好耐冇見喇..因為佢生0左個bb女..嗚嗚我要做佢個女個契媽..(哈哈17歲做契媽威唔威先)記得3年級第一日就識佢喇..之後佢成個星期冇返學..再見返佢問佢點解啦..原來個死婆出水痘..而家先醒起我同佢冇唱過k架..下次見到佢一定要去唱k先得~

雯雯我都唔記得點識佢咯..但係我同佢都識0左幾年..我同佢間唔中都有出街..我成日同佢傾電話..原來我同佢好多野都好鬼似架^^乜野似就唔講得0既^^(係感情事)可能就係因為呢樣似啦我地就好0岩傾咯^^佢對我都好好架

亞cat同亞 ann係我key 3時識0既朋友仔.佢地2個都係大靚女黎架^^.呢2個姐姐都好錫我架.佢地有請我出街食飯同玩架..我做手術前一日0係醫院佢地黎探我,帶0左好多magazine比我睇陪0左我好耐,好感激佢地..佢地對我好好^^有時我有乜唔開心佢地都會同我傾計..到我做手術0個日亞cat一早就黎喇..佢0個晚冇訓過一早就黎..好緊張我..仲帶0左好多野比我..我都唔知點報答你地..多謝你地呀^_____^

豆豆:一個icq好好傾0既朋友仔..幾靚仔架仲好搞笑添..佢整個網頁仲整得好好添呀..不過個死仔好鍾意玩架..佢女朋友仔仲好靚女添^^

襄王有夢，神女無心..我地一個識0既icq fd..佢呀整傻仔黎架..串到死但係串唔起..識0左佢都有2年喇..雖然佢細過我又係男仔..但係我同佢成日都傾心事架..我知條死仔成日都為0左亞巫唔開心..佢好玩得架..有一次我勁唔開心佢話係佢黑住我話絕交半年睇下我會唔會冇咁黑仔..佢都傻0既..朋友邊有話邊個黑住邊個0既呢????

好啦~~寫住咁多個先排名不分先後呀^^