初初拍拖永遠都最開心、甜蜜的時候。但大部份拖友於拍拖半年至一年之
後，都會原型畢露，露出本來的狐狸尾巴。今日我想同大家講解女仔於蜜
月期之後會變成點。
|
1)【口不對心】
女仔最難頂的地方，莫過於口不對心。佢o地好多時都會講大話，舉一個好
簡單的例子。拍拖初期，男士都會不辭勞苦，無論幾夜都會送女仔返屋企。
但咁樣做係好辛苦o既工作，呢個時候，通常個女仔都會叫你：「唔好送
我啦！你咁疲倦，返屋企啦﹗」
各位男士，如果你答「好」的話，你就已經跌落佢o地的陷阱。其實，佢o地
只係想試探你，睇你仲有冇以前咁緊張佢，所以你應該答：「唔緊要，為
o左你我倦少少又有乜所謂呢﹗
|
2)【侵佔你的一切】
拍拖之後，佢o地會開始想佔有你的所有的空間，例如要o係你床上放佢o地
o既相，甚至係佢o地至愛o既毛公仔等等。無論是睇電視，或是溫書o既時候，
都要你繼續陪佢傾電話，你一冇o野講就話你唔理佢。
|
3)【挑戰你阿媽的地位】
佢o地會成日問：「你阿媽同我跌落水，你救邊個先？」，咪以為呢o的咁
無聊的問題已經冇人問，你答乜都死。另外，佢o地會比較你送俾屋企人同
佢o地o既禮物，甚至食飯次數，以及見面時間……救命呀!
|
4)【挑戰你朋友的地位】
既然夠膽挑戰你的屋企人，佢o地當然唔會放過你的朋友都。你想同o的知
已去把酒談歡，佢又要去，你去打波，佢又要跟住去。明明好耐冇同班朋
友去玩，佢o地都話你成日去搵朋友，唔理佢。
|
5)【經常講分手】
其實，感情係好容易會變淡。由激情變愛情，由愛情變感情。但假若佢o地
覺得同你一齊已經冇之前一個月、一星期、甚至之前一日咁開心的時候，
佢o地就會嗌分手，直至煩死你為止。 |