今日終於裝返寬頻啦！

我會繼續努力ka~

iCABLE到期！

唏！好慘呀~我都係o岩o岩先申請返上網，廿幾日無得上，攪到我諸多不便，真係討厭呀！

每事不通、諸多阻滯，總知好鬼黑仔啦！

是日公眾假期，佛誕是也！

今日晨咁早，我、媚媚、阿媽、同兩個細佬一齊去飲早茶。呀！唔係，應該係午茶，我o地遲起身，中午12點幾先食！鬼咩！個個都唔願起身，有金執都遲過人啦！唏！

今日我同媚媚終於睇到戲啦！我o地睇o既係《星戰前傳2─複製人侵略》。片長143分鐘，加上我用優惠card，o係假日用$70蚊買到兩張飛，真係好鬼低睇！ 講番套片先，整體o黎講都算幾好，如果你未睇都可去睇下！(癈話)

之後我o地當然係去行街Shopping啦！行o左幾個鐘先走，好鬼豐富呀D節目，最衰走個陣又落雨、又行雷，如果唔係就真係Perfect啦！

今日落雨，你話浪漫定麻煩？

5點幾出到旺角，去接媚媚一齊去行街，當時已經落住雨、而且我o地又睇唔到戲喎(因為又多人又貴)！唯有去食野囉！食飽之後仲落緊雨，我o地兩個都忍受唔到旺角多人又落雨o既情況(實在十分討厭)，只好返九龍灣行囉！

可能落雨關係，我o既心情比較差(我唔係姓賴o家)，自己又唔多舒服，好彩有媚媚o係我身邊睇住我，先可以將我o既唔開心戴走咋，所以我成日都話媚媚好好囉！嘻嘻！

最近身體比較差！

唏！攪到媚媚成日擔心，真係....慘到暈！

今日心癢，要接媚媚。

呵呵，今日我偷偷地去接媚媚放工！我o係行去佢公司(灣仔)途中，突然間，橋上有個女仔從後搭住我膊頭(當然係唔識個隻啦)，佢同我講，話我外型幾適合佢o地公司o既產品形象喎，問我有無興趣去佢o地公司試鏡，佢一直死纏，我多番拒絕先可以走到，真係痳鬼煩。(其實明眼人一聽都知係呃人o既野啦，o黎o的咁o既呃人野，我見得多啦，想呃我！下世先啦！

嘻嘻！媚媚知道我o黎接佢都不知幾開心呀！佢知道o左頭先個件事之後，仲開心，又話我靚仔、有型、有明星相等，讚不絕口。嘻嘻，佢對我真係好！不過我自問都唔樣衰，但並非靚仔，可能o個o的人見我傻更更，好易呃咁，所以向我埋手囉！

在此俸告市民，經濟不景，騙案繁生，小心小心。

是日本是悶到發紫，但下午急變！

黃昏時分(6點幾7點度)，我正在晚膳中(係咪好早呢?無計啦，家庭習慣)，媚媚打電話俾我，叫我落樓下幫佢朋友拎野喎！我落到去，人影都唔多隻，諗住返屋企啦，就係估唔到係大堂見到......

係大堂見到媚媚喎！(因為我o地有幾日無見啦)我好鬼開心，衝前攬住佢囉。原來佢專登o黎俾個驚喜我(嘻嘻，真係開心到傻o左)！之後我o地又行街、食野(睇落去好普通，但對我o黎講係好重要o家)，如是者，o係我人生開心o既日子入面又多一頁啦！

唏•••o黎幾日悶到死，無野好講。BOO..........!

細佬東話自己o的頭髮太長，好唔掂，一定要去修修喎！我都唔執輸，一齊去剪。

剪髮o黎家野，當然唔好可以馬虎啦，所以我o地去番我o地o既卸用髮型師度。我o地例牌咁剪，洗、剪、吹，剪完之後幾靚仔呀我o地兩個•••呵呵呵呵！

之後o林住個頭咁正，唔出街真係浪費哂。未出去同媚媚行街囉，但點都估唔到出面咁鬼死熱，攪到我大汗搭細汗，成個頭變到好薯，仲俾媚媚話：『e..你個頭剪成咁，唔係咁好睇』真係激鬼死我！.

番到屋企，同佢食完飯，睇埋個套【我的野蠻女友】之後，我個心先順番o的！如果唔係，真係爆血管都似。

呵呵呵呵，今日係我BanBan個Diary Page開頁o既大日子呀！又要睇書、又要上WebSite搵資料，整o黎樣、整o果樣，對我o黎個初哥o黎講，真係好辛苦Ka。之但係，真係好鬼開心(cool....)。

今日呀、今日呀！嘻嘻，我同我個“媚媚”放工去德福行街，我著o左佢買俾我個件恤衫(好靚o家)，所以佢好鬼開心囉！又話我好靚仔、好有型，不知攪到我幾鬼開心呀！

之後我o地又去o左仙跡岩度食野喎，我同佢試o左個『脆豆腐』，真係好好食，不個就熱氣o左o的，佢話我病，唔準我食o的熱氣野喎，又有好多野唔可以食囉。嘻嘻，不過我就係鍾意佢咁著緊我，好幸福啊(極度開心中)