陳 冠 希 昨 日 入 電 視 城 為 「 獅 子 會 真 情 服 務 獻 關 懷 」 綵 排 ， 本 來 他 走 到 餐 廳 充 飢 ， 當 他 見 到 緋 聞 女 友 陳 文 媛 正 在 餐 廳 食 飯 ， 立 即 表 示 趕 時 間 ， 轉 身 走 回 一 廠 化 妝 間 。

對 於 有 傳 他 癡 戀 台 灣 女 歌 手 許 慧 欣 ， 陳 冠 希 反 問 記 者 ： 「 邊 個 係 許 慧 欣 ？ 我 完 全 唔 識 佢 喎 ， 英 文 名 係 乜 ？ 唱 過 咩 o野 歌 ？ 個 樣 點 o架 ？ 我 好 耐 都 無 去 台 灣 宣 傳 ， 之 前 去 台 灣 開 會 ， 都 無 出 過 街 遇 過 人 。 」 不 過 ， 他 對 經 常 有 「 無 厘 頭 」 傳 言 已 經 習 慣 ， 只 覺 得 好 笑 ， 但 卻 不 明 白 何 以 大 家 會 就 此 事 問 及 陳 文 媛 。

陳 冠 希 又 自 言 ， 最 近 癡 戀 籃 球 明 星 奧 尼 爾 ， 為 欣 賞 其 打 波 ， 每 朝 七 時 起 身 ， 自 覺 亦 十 分 瘋 狂 。

另 方 面 ， 王 傑 透 露 剛 以 七 位 數 字 酬 勞 接 拍 完 一 內 地 波 鞋 廣 告 ， 雖 然 酬 勞 相 當 可 觀 ， 卻 不 用 他 如 劉 德 華 般 擘 一 字 馬 ， 他 笑 說 ： 「 依 家 點 擘 一 字 馬 ， 好 耐 無 拉 過 筋 ， 一 拉 可 能 要 入 醫 院 。 」

稍 後 王 傑 又 會 拍 攝 一 內 地 西 裝 廣 告 ， 雖 然 他 最 怕 著 西 裝 ， 但 因 經 濟 低 迷 ， 為 了 錢 亦 要 接 拍 ， 自 言 只 要 不 是 著 紅 色 西 裝 便 可 以 。

經 濟 低 迷 除 令 王 傑 密 密 接 廣 告 外 ， 亦 令 他 改 變 風 格 積 極 為 新 唱 片 做 宣 傳 ： 「 之 前 我 唔 會 太 積 極 做 唱 片 宣 傳 ， 依 家 唔 同 ， 做 得 咪 做 囉 。 」

陳 冠 希 落 到 餐 廳 見 到 陳 文 媛 ， 連 飯 都 唔 敢 食 ， 即 刻 掉 頭 走 。

陳 文 媛 相 約 朋 友 到 電 視 城 傾 o野 ， 都 撞 到 緋 聞 男 友 陳 冠 希 ， 兩 人 果 然 有 緣 。

王 傑 拍 一 個 廣 告 收 七 位 數 酬 勞 ， 當 然 開 心 。