| 陳文媛（BoBo）對戀情採取低調的態度，她認為感情是私人事，雖然藝人是公眾人物，但亦應該有自己的私隱，奈何由出道以來，她的名字就與Edison結下不解之緣。
但是她仍強調：「我不會因為緋聞與對方不做朋友，每個人都需要朋友，我冇必要喺大家面前講，我希望保留自己嘅私人生活，藝人都係人。」
雖然她不願公開感情生活，但她就不介意公開她對感情的看法，她不諱言對戀愛有所憧憬，希望有另一半疼愛和疼錫。她說：「我係一個幾浪漫嘅人，雖然話送花，行沙灘呢啲嘢不切實際，但係我就係鍾意呢啲，一日未結婚，一日都有權利嚮往童話式的愛情，同心愛嘅人享受燭光晚餐。」
幻想築愛巢
她幻想日後與另一半的愛巢是一座背山面海的獨立式別墅，周圍被樹木包圍，落地玻璃窗面對藍色的海洋，可以讓陽光任意照下來，屋內的裝修以簡潔、型格為主。她沉醉在自己的世界中：「我會將間屋嘅每一個角落都整到好靚，最好係深色嘅裝修。睡房係休息嘅地方，當然要以舒服為主啦，如果有個窗台可以望海就好啦，可以喺上面鋪張毛毛氈，得閒可以兩個人一齊坐吓，廁所就最好有企立式花灑同浴缸兩種，廚房要夠大先得，我都鍾意整嘢食㗎，睇吓食譜整番個意大利粉，或者整吓壽司就最好啦。」
賢妻良母型
入得廚房出得廳堂，她豈不是典型的賢妻良母？她報以燦爛的笑容：「OK啦，啲朋友都試過我嘅手勢㗎，都話唔錯㗎。」看不出她身為家中的掌上明珠(獨生女)，並沒有被寵壞。她形容與父母的關係如朋友般，更不時買小禮物送給父母。那麼她認識男友會否讓家人過目呢？BoBo說：「咁又唔使，咁大個人拍拖都好正常啫。(有冇追問過你的緋聞呢？)冇啊，佢哋知我唔鍾意講，都唔會問，我會等感情穩定先會帶佢番屋企，佢哋通常會扮冇嘢，但係又好緊張嗰隻，哈哈。」
|
