最近我做o左好多唔應該做o既事

鐘意o左一個唔應該鐘意o既人啦

等一個唔應該等o既所謂機會

o徙o左一D唔應該o徙o既時間

諗埋一D唔應該諗o既o野

去o左一D唔應該去o既地方

食o左一D唔應該食o既o野

返o左去一個唔應該返o既屋企

同埋上過一張唔應該上o既床

然後大家都覺得唔應該咁繼續落去

唔知自己想點

淨係知道自己唔想點

例如唔想比其人他知道我同佢之間o既事啦

唔想大家走o黎走去唔知為乜

唔想你搵我 我搵你

唔想唔誠實

唔坦白 唔見得光

唔想有秘密

都唔係好想知道其實大家有幾鐘意大家

總之高興就得喇

我唔想太認真

但係又唔想玩玩o下

我都唔係好想知道一D我唔應該知道o既事

其實我同佢應該見少D面好D

唔應該鐘意

唔應該傷害

唔應該發生o既

唔應該開始

唔應該結束

我知我唔應該搵佢

但係我又好想知道

佢會唔會因為我而唔開心

每逢我一個人o既時候 我就係到諗

到底我自己應該想點

最近我好鐘意一個人

自己一個人

一個人開工 一個人收工

一個人去食飯 一個人去飲o野

一個人哩埋係屋企

亂拑個遙控

夜晚一個人上網

一個人打機

一個人去做Gym

一個人去卡拉OK

一個人去睇戲

間唔中一個人砌模型

星期六晚一個人去Party

跟住一個人聽歌

一個人跳舞

一個人流汗 一個人離開

一個人上車 跟住一個人返到屋企

一個人開心唔開心 大笑大叫

連續好多日都係一個人

一個人有個好處就係

唔駛有任何責任

唔駛有咁多包袱

每日廿四小時都係屬於自己

個世界幾時開始幾時停

完全係由我一個人話事

我鐘意去邊就去邊

做咩就做咩o野

諗咩就諗乜o野

我鐘意點就點

總之我鐘意就得

我鐘意一個人

其實我唔係好肯定

我係鐘意一個人

定係鐘意兩個人

有件事我一路都諗唔清楚

就係 到底我同佢一齊開心Do丫

定係我自己一個人開心D

哩個問題 似乎一個人係搵唔到答案

最近我時時都一個人

得返一個人

無無聊聊又係一個人啦

行行企企一個人

開心唔開心都係一個人

自己一個人

諗起兩個人o既畫面

我o地一齊食飯啦 一齊行街

一齊返屋企 一齊生活

用同一條毛巾

用同一隻水杯飲同一啖水

上同一張床

一齊開始 一齊停

跟住又一齊去食飯

一齊行街 一齊返屋企

用同一個洗手間

上返同一張床 做返同樣o既動作

一齊無無聊聊又一個下晝

跟住一齊睇VCD啦

一齊恰o下啦

一齊諗o下將來

一齊傾偈

一齊諗o下之前發生咩事

一齊諗o下之後又發生咩事

到底應唔應該一個人呢

定係兩個人好D呢

一個人開心D

定係兩個人開心D呢

一個人

兩個人