揮著翅膀的女孩

2003 年 07 月 28 日 星期一 【晴】    今日同班舊同學去左黃金海岸BBQ    我地好耐都未試過一班人出黎玩喇~    尋日有9個人~都算幾齊人GA喇    有D同學真係上年放左榜之後都冇見過    好在大家都好快投入到.....都幾開心呀    尋日都幾多人呀~我地去到都無哂爐    本來諗住租爐GA喇~好在等左一陣就有~~    我地7點幾開始燒....之後就落左去沙灘玩    坐o係沙灘度傾下偈~~嘩!!個天有好多星星呀    好似一個星座咁~~潔雯子話係天蠍座喎    我都係第一次見到咁多星星咋!!好靚    本來都執到幾多貝殼ga!!不過我行下行下...    就唔見哂lu....    坐左一陣我地就番上去繼續燒    大約11點幾就執野走lu~~好倦呀    我地搭車出荃灣再轉的士    上的士既時候我地不約而同諗番起以前番學既時候    係呀~我地以前成日都打的ga~    Lunch,番學都係~~約齊5個就一齊打的    依家就好難lu......好懷念以前番學既日子 唯一一張似樣d既相    My private diary    enter with the log in name and password

2003 年 07 月 27 日 星期日 【晴】    今日同d舊同事出去食飯~    好耐無見喇! !大家都冇乜點變丫    哈哈......淨係多左個人囉! !    Eva個大眼男友~~呵呵....佢地真係好恩愛喎    (有d頂唔順haha........)    不過見佢咁開心都〝鄧〞佢高興既    阿Lo阿漢仲帶左個月餅俾我同Polly添(開心....)    多謝你地呀!    我發覺原來將月餅放入微波爐叮熱黎食.....好正ga！！    試下啦∼∼Yummy

2003 年 07 月 25 日 星期五 【晴】 MY WONDERFUL BIRTHDAY   今日係小玲既20歲生日~~2字頭lu....好老   24/7 11:30pm 雖然未到12:00,不過菁菁同泰仔已經o係   樓下俾左生日禮物我喇~~開心！！   好靚啊∼係今年第一份禮物   10:00am 約左小芳同雲雲去飲茶∼我地去左青衣城   〝稻香〞ｄ野都幾好食丫！！不過等左好耐呀>.<   多謝你地呀！小芳你ｄ禮物好盞鬼呀！   我最鐘意部「滑．動了一切」好正呀！！！   11:00am 去Polly屋企∼我地一齊整餅呀   好好玩ｇａ！！我地左搓右搓就搓左好多粉團   跟住用模吸ｄ花花，星星∼好靚啊   雖然唔係好專業....不過都幾好味ｇａ！！   Polly仲焗左蛋糕俾我添呀∼∼好好食   我覺得Polly都幾有賢妻良母Feel ga~~（厲害）   4:30pm 番到青衣∼約左光仔一齊去機場接潔雯子   我地去到等左一陣潔雯子就出黎喇   之後妙妙同May Choi捧住個蛋糕衝出黎   嘩！！好surprise呀∼於是我地就去左麥當勞食   好好食呀！勁！（開心）   潔雯子帶左隻袋鼠俾我呀 （cute爆）   7:00pm 番屋企食飯∼媽咪整左好多野食啊   妹妹買左好好味既蛋糕俾我   我地一路食飯一路睇〝冰人〞大結局 （開心開心）   9:00pm 周旭光拎左兩個蛋糕落我屋企∼仍自己整GA   一個係Panda,一個係海豚....好得意ga   佢仲俾左個好好聽既禮物我呀   10:30PM 同潔雯子出旺角∼我地諗住唱通宵Ｋ   不過要１點先開始呀！我地去到行左一陣   12:00就有得唱喇！   1:00PM 我地兩個都收到人妖既生日message~   車......都過左喇∼你唔好下年先SEND   哈哈∼∼講笑咋！！多謝你      6:00AM 唱完一晚Ｋ∼把聲沙哂   好倦呀！！企都企唔穩    多謝你地呀∼我覺得自己好幸福啊   有咁多人錫......嗚鳴.....感動

2003年6月20日    星期五    今日去左灣仔見工(美心西餅)    哈哈....係我嚮往已久既賣西餅姐姐呀    套衫真係好靚呀!!而且我諗會好好玩囉    我去到美心個總公司度in    嘩~~我都係第一次試d咁正式既interview咋    佢有in我,but佢話依家西餅d位都幾full    唔sure有冇位俾我,有就幫我留....兩星期內通知    如果無就8月再黎....到時一家請喎    我好想做呀~好!!就8月去過    (唉....係知in starbuck 啦)   之後我地就去左Delifrance食TEA    好耐無去過LU    以前放左學成日都同潔雯子都去ga    d咖啡依然係咁好味!!!開心^^    我約左polly 5點,所以食完之後...    就o係灣仔搭船過尖沙咀(勁好玩)    o係海港城行左一陣就搭MTR去旺角搵POLLY    o係"body shop"等Polly O個陣    俾o個d賣善卷既人圍我    勁叫我幫襯.......好煩呀!!!!!    我都無散紙~佢話有得找喎    咁我咪拎張$100出黎俾佢囉    頂佢個肺!!!!佢找左7張$10俾我!!!!    仲要係我最憎o個隻核突10蚊添呀    Polly黎到∼我地就一齊行街街,買禮物喇!!    無見一排,佢好似又靚左喎...個傻婆仲成日話自己肥    揀左好耐→倦...    好在最尾都買到個好靚既禮物o者^^    行行下,小強打黎...原來佢都係o係Trendy zone    我地就一齊行....仲一齊番屋企添呀^^開心    小強真係激瘦呀~~    Roadshow播祖兒"心淡"mv呀~    但o個時已經差唔多到青衣喇    無得睇.......唔開心＞．＜    今日真係好好好開心啊

2003年6月16日    星期一   今日係祖兒生日,亦都係小玲出糧既日子   真係好好開心啊~    但我又訓唔到lu.....    尋晚成4點先訓,其實應該好倦先係ga    但我就o係張床度碌黎碌去    訓唔著呀~~後尾訓著左    點知6點就醒左lu....又訓唔番    而我9:00又要去圖書館喎(book左電腦)    所以就索性起身....睇下書    開下電腦,攪攪下就8點幾喇    去左library用電腦整埋我個homepage    (because我部電腦傻傻地....信唔過一_一")    整到10:00點就走左lu~~    我行左去長發買早餐俾妹妹       哈哈~我今日又發現左一本祖兒做cover既雜誌    我即刻買左....不過都唔好睇既>.<    之後番到屋企睇完2本漫畫訓左一陣    就去左補習喇~~今日都幾順利    好快就攪掂喇....不過聽就死喇......因為    嚴志威要默英文呀......>.<"有排攪呀       因為今日係祖兒生日,所以電台勁播〝心淡〞    真係聽左好多次呀.........超級好聽^ ^    仲有祖兒會o係10月開concert!!!!Yeah!!!!!    我要睇2場∼一定要一定要!!!hahaha      Happy  Birthday!!!

The Girl With The Brandish Wishes
Page 1 2 3
Bearballie's Land