Diary

2002/04/30

聽日就係五一啦！又有一個假期啦！不過話就話係假期，不過其實仲有勁多嘢等住去做，鬼叫自己成績唔好咩，不過算啦！都係玩埋呢日先啦，係呢日過後，會考就嚟啦。各位應屆會考生要努力啦。我都要努力去考好我個英文。(剩返咁一日去讀英文，平時個底又差，想考得好都難啦。)英文過後就有好多日假期啦，因為學校借咗俾人做試場啊。哈！哈！哈！有兩個朋友就快生日啦，不過一時間唸唔到點乜歌俾佢哋聽，剩係係度同佢哋講。GOD(Cindy503)，FBH(珍珍504)，生日快樂啊！祝妳哋越嚟越靚。稍後再為你哋送上歌曲(如果我記得的話)。

Potato話要點首「Today」俾佢Dearest Best Friend，Vicky仔，hope our friendship forever。
更新歌曲︰
梁詠琪 - Today

K歌更新︰
張學友 - 樓上來的聲音
F4 - 流星雨
容祖兒 - 怯
Twins - 戀愛大過天
Twins - 男校女生
Twins - 明愛暗戀補習社

2002/04/28

話都無咁快，一個星期又過去啦！到頭來，係呢個禮拜都係乜都無做過。唉！時間一分一秒咁過去啦！AL亦都有好多人考完啦。明年的今天，我亦都會完成我的AL了。依家已經可以想像得到，那時候所要面對的恐惧和考完後所面對的快樂。哈！哈！哈！哈！心情係想逃避嗰一日定係想嗰日快啲到呢？好矛盾。

Ming Ming話想聽「日與夜」，依家終於搵到啦，所以立即播俾佢聽啦！

更新歌曲︰
梁詠琪 - 家有小熊
張學友/林憶蓮 - 日與夜
陳慧琳 - 戀愛神經
陳小春 - 不歡而散
謝霆鋒 - 冥想
張柏芝 - 昨天的我戀上明天的你

2002/04/27

原本星期一要交嘅Bio Project，可以順延至下個星期，咁樣都可以輕鬆少少。因為實在有太多太多的功課啦！差啲連喘氣的時間都無。可能係今次Form Test考得實在太差啦！所以………

一位叫阿Ying嘅朋友，佢話要點首「情非得已」俾小丸子聽！唔通佢對小丸子做咗啲情非得已嘅事？有位朋友想知道呢位叫阿Ying嘅朋友嘅身分，唔知呢位叫做阿Ying嘅朋友，介唔介意公開呢？

更新歌曲︰
庾澄慶 - 情非得已

2002/04/26

嚟緊嘅日子要去趕份Bio Report真係好辛苦。尋晚好早就瞓咗覺，今朝又好自覺咁好鬼死早就起咗身。於是就攞咗一隻好舊的集錦碟出嚟聽。唔聽一排，別有一返風味！依家想推介一下俾大家聽，大家俾啲意見啦！

更新歌曲︰
globe - Feel Like Dance
TRF - Crazy Gonna Crazy

2002/04/24

今日係最後一科嘅考試日子，唔知會考成點呢？同埋今日嘅運程唔知會係點呢？希望今日會褔星高照啦！(雖煞咁樣唔係咁好，但係都要架啦！)
今日更新︰
CY話佢好唔開心，所以版主，亦即係我啦！係呢度點返首「人人愛愉快」俾佢聽，順便點俾所有唔開心嘅人聽，希望佢哋個個都會好愉快！

更新歌曲︰
楊千嬅 - 人人愛愉快

2002/04/23

時間過得真係快，話都無咁快，就已經成個禮拜無更新啦！而今次的Form Test，亦將會係聽日結束啦！
今日更新︰
今日的點唱有三位︰第一位阿Ming，佢點傅佩嘉的December Rain，不過就祇係點俾佢自己聽啫。
第二位係Crystal，佢話點莫文蔚的盛夏的果實俾Ah Bee聽，因為好耐無見佢啦喎；接著又點F4流星雨俾阿Moon聽，叫佢工作之餘要記得休息一下。
第三位係美寶小姐，佢要點陳慧琳的數到三就不哭俾自己聽。

更新歌曲︰
傅佩嘉 - December Rain
莫文蔚 - 盛夏的果實
F4 - 流星雨
陳慧琳 - 數到三就不哭

2002/04/16

話都無咁快，咁又過咗一日啦！今個星期五就要進行Form Test啦！第一科就係Physics。係乜都唔識的情況下，你話點去考呢？唉！夠竟讀Physics有冇捷徑嘅呢？就算有，都係唔啱我呢啲咁嘅懶人去用㗎啦！都係踏踏實實咁去讀下書啦。所以下次要更新的時候，可能會係星期六啦！(或者我間中都會偷下懶嘅！)
今日更新︰
一位叫Fanee的朋友，要將以下歌點俾以下的朋友聽！
Shine - 燕尾蝶︰點俾炘希聽，佢話好掛住你，問你幾時返喎。
楊千嬅 - 勇︰點俾Bread聽，叫佢下次Exam要努力！
陳奕迅 - 想哭︰II&光聽，佢話你哋自己知自己事，快啲收聲。下次再努力！
陳慧琳 - 有福氣︰點俾天下有情人聽，叫你哋好好珍惜你的另一半啊！

CY要點首林志穎 - 青春派對︰俾鐘意佢嘅人或者佢鐘意嘅人同埋佢識得嘅人聽。唔知道你同我有冇分呢？

分享區進行了更新，加入了六個故事。特別推薦「驢和馬」。

2002/04/15

今日無乜特別嘅事情發生，所以我都無乜嘢好講。留言版上點歌的朋友，我已經為你哋送上咗你哋想聽嘅歌曲啦。其實點歌，除咗點俾自己聽外，都可以點俾人哋聽嘅！所以，黎開呢個網頁嘅朋友，下次不妨點返首歌俾你哋嘅朋友，甚至女朋友聽啊！祇要你講得出的中文歌，我都會盡力為你去搜尋。(未出碟歌另計)
今日更新︰
蘇永康 - 我發誓以後
古巨基 - 友共情
黎瑞恩 - 雲上的日子
黎瑞恩 - 一人有一個理想

2002/04/14

各位朋友，尋日嘅日記就可以睇得出我係一個幾衰嘅人嚟啦！人係有一種自我控制能力，每個人的控制能力都會唔同，有啲可以好勁，有啲就真係……對於自我控制能力少嘅人，我哋就稱之為小器(絕無影射成分)。噢！似乎係呢個時候講啲咁嘅話又唔啱啦！
好啦，唔講咁多廢話啦！我係家就係呢度，同Sophia小姐講聲︰「對唔住啊！」希望妳大人有大量，原諒我啦！我知道我係過份咗啲，所以我請返妳食飯啦！I am very sorry about that.

2002/04/13

今日俾人話有啲討厭自己。講真，其實有時我都係幾討厭自己。因為有時候自己唸住唔好點點去搞人(無乜特別含義)，唔好去傷害人，但係最後可能得出嘅結果係更差。無他嘅，皆因自己唔係咁識講話，唔係咁識做人囉，就係咁簡單，不過對於一個人，我雖然覺得自己對佢有時真係有啲過份，但係可能佢真係夠「x」，唔咁對係唔得嘅。其他人可能會話因為我care佢先會咁，但係我依家話明係唔係嘅，祇係我咁耐都未見過一個人真係成「Look」杉咁成日頂住晒。係一碌真真正正嘅頂心杉。所以對於佢係阿Ming度嘅留言，我依家送返首歌俾佢聽，不過我淨係要歌中的一句歌詞，呢句就係︰「吹啊吹，讓這風吹……」聽到呢句，都知係乜意思啦！
今日更新︰
徐小鳳 - 風的季節

2002/04/12

今日都算好好彩啦！係最好嘅天氣下去到field trip。企係啲石上面吹海風嘅感覺同企係尖咀吹海風嘅感覺係完全唔同嘅。各位朋友，下次想同人去吹吹風嘅時候，記得去搵「舊」大石，企係上面吹，好過係尖咀吹啊。個field trip原本都唸住做得唔錯嘅！但係阿So小姐又打電話嚟話唔見咗一啲data，問返起，原來係我哋今日擺咗個鳥龍，不過都算啦！叫佢作Data，佢又話唔識作。唉！都話明係作囉，即係任佢寫乜都得啦！但係佢最後居然發難渣話唔做喎。唉！呢個世界上點會仲有啲咁嘅人㗎？
今日更新︰
黎明 - 衝鋒陷陣

2002/04/09

放完假後返學，嗰種感覺真係唔係咁好受。因為放假嗰陣乜都唔去唸，依家返學，又要面對一啲好煩嘅問題。返學就係咁㗎啦！人真係好矛盾㗎！有學俾你返嗰陣，你唔想返；無得俾你返嗰陣，你又好想去返。
同班的Billy哥哥原來係我塊版的常客，但係可惜次次都唔留言，齋睇。今日佢話想聽「獅子山下」，其實我都覺得呢首歌唔錯，所以依家就播俾大家聽啦。(請到音樂大廳。)另外，我亦都將呢首「獅子山下」送俾我哋班嘅Sophia姐姐同阿Ming Ming聽，佢哋做份Proposal做得咁辛苦，我哋好應該好好感謝佢哋嘅。
今日更新︰
送首「獅子山下」俾大家聽。
Winamp Skin作了更新。

2002/04/06

今日係星期六，過埋聽日，後日就要返學啦。回想返呢個假期所做嘅嘢，玩，玩完係玩，玩完都係玩。唉！咁又浪費咗一個假期啦！ICQ專區亦都係呢個假期結束前，有啲嘢睇啦。(ICQ專區我話整咗好耐，但係都未動過工。)希望各位有靚靚ICQ Skin的朋友，可以透過我個郵箱。將你的作品與大家分享。
今日更新︰
ICQ專區終於有嘢啦！有靚靚嘅ICQ Skin下載。

2002/04/05

係我唔好，係我衰多口，因為咁樣得罪咗Ming Ming，所以，我依家決定點返首歌俾Ming Ming聽，希望佢可以好似首歌嘅歌名一樣 ----- 《原諒我》
今日更新︰
中文歌︰黎明 - 原諒我

2002/04/04

今日入咗Lantau Island去植樹！植樹係一項非常之有意義嘅活動，所以我今日都種咗好多棵啊。但係唔知點解，個個都靜係問我好唔好玩？唉！仲有，今日係留言版亦出現咗一個「瘋人」，叫人去佢個留言版留言，咁咪去囉，之後佢又去人哋個留言版度恐嚇人喎，問人哋驚未喎！佢咁樣，係人都驚啦！下次都係唔好去佢度留言啦，今次就留三個恐嚇嘅留言，下次？可能成個留言版都炸咗你。唉！呢個世上點會有啲咁嘅人㗎？真係好無耐。
今日更新︰
由於server繁忙，故未能對中文歌作出更新，不便之處，敬請原諒。

2002/03/31

呢個馬年唔知係咪行咗「病運」？點解咁講？由年頭一直病到依家，仲要係唔勁嘅唔嚟，先係阿爸入廠，跟住依家又到阿媽入，跟住落去嘅真係唔敢唸！希望祇係呢開頭嘅三個月黑啦！復活節過後，我哋一齊可以復活啦！各位朋友，復活節快樂啊！講返server嗰件事，因為我個唔係固定IP，每次上網都要重新安裝個server，而且亦要即時更新個網頁先至可以維持落去，所以，呢件事都係暫時閣置先啦！有機會再為大家服務。以前大家嚟到呢個網頁，就會自動播歌，但係依家由於空間以及頻寬的問題，所以首頁播放已經取消啦！想聽歌就要自行進入音樂大廳啦！不便之處，敬請原諒。
今日更新︰
中文歌加入︰F4 - 第一時間，林子祥 - 分分鐘需要你(呢兩首都係人哋點嘅歌)
K歌加入︰F4 - 第一時間

2002/03/29

今日啲傷風雖然好返小小，原本約咗人去睇電影，但係為咗他人著想，最後都係無去到。希望過完今日會好啲啦！唉！都唔知係叫做好彩定係唔好彩啦！係放假嘅時候先至病到。無得去玩啦！不過都算啦，反正自己都無晒錢啦！聽日去幫人補習，希望會成功，搵返啲錢啦！咪使上網都無得上啦！^.^
今日更新︰
自建server，由於祇是試驗關係，請各位多指教！歡迎點歌！
英文歌加入了Westlife - I Want It That Way, AQUA - My Oh My,
AQUA - Barbie Girl, AQUA - Happy Boy And Girl
孫燕姿 - Hay Jude (獻給病了的阿鳴 - by CY)

2002/03/28

唔好意思，由於近日用來存放歌曲的account接一連二俾人cut咗，所以令到呢幾日所有歌曲均不能正常播放。再加上網主近日身體有點不適，未能及時收復，不便之處，敬請原諒！P.S.唔知點解次次都係陳司翰啲歌有問題，次次都係佢，Mp3嗰陣又無事喎，一轉rm就係咁！唉！唯有等正式版出啦！
唉！係更新完無幾耐，個account又俾人cut咗，睇黎暫時都無乜地方可以放歌啦！如果你地想要歌，不妨留低E-mial，我盡量去滿足你地的要求！
今日更新︰
收復連結。
又俾人cut account。
英文歌加入了Westlife - Uptown Girl, Westline - My Love。

2002/03/26

今日終於開始放假啦！放假，總係有好多計劃，玩啦，讀書啦，玩啦，讀書啦！最終可能全部時間都係攞晒去玩。聽日去BBQ啦！唔知會搞成點呢？最近啲sever唔係咁掂，唸住搵自己部機做real sever，搞返個真真正正的點歌專區。每晚8:00至10:00(因為我部機唔可以長開嘛)，唔知各位嘅意見係點呢？另外，個Flash留言版出現咗少少問題，所以暫時唔可以覆大家嘅留言住啦！不過唔緊要嘅，你地有乜嘢想講，照舊可以去嗰度留言㗎！希望各位繼續支持！
今日更新︰
中文歌加入了F4-流星雨，陳司翰-旋轉門，Shine-燕尾蝶，同步過冬(兒童版)，梁漢文-不愛就不愛。
英文歌加入了Boyzone-Words。

2002/03/24

今日去咗圖書館，搞返個借書證，咁又無咗廿五蚊。唸住整返個證，可以去借啲有關Bio嘅書返屋企做功課，但係唔知點解，搵勻都唔見有關嘅書。唉！唔通我真係咁黑仔？無計啦，雖然Miss話唔好抄書(TextBook)，但係呢個都係無辦法中嘅辦法啦。啊！係啦！各位參觀呢個網頁嘅朋友，點歌記得寫埋係邊個唱啊！仲有，由於網頁係上個禮拜重新upload時可能出現了小小error，因此，有乜問題，亦都希望你哋話返俾我知啦！多謝合作。
今日更新︰
加入了兩首K歌︰楊千嬅「勇」以及許茹芸「和平日」。
加入了幾首歌。

2002/03/15

今日決定將網頁變成我的日記簿。以後更新，就唔使咁麻煩啦！
今日更新︰
網頁架構重建中。
加入了ICQ Plus的使用方法，以及ICQ Skin的製作方法。
加入了幾首K歌，「天使藍」，「有福氣」……去唱下啦！
終於有人點歌啦，亦已經加入傳佩嘉的「一對人」和「我太好人」