| 1999-09-01 |
經歷了F.2富有意義的一年後,新學年我被迫地入讀了「精英班」的3E班。去年的2E班有33人升上了3E,而「插」了入「精英班」的有2A的我、李智斌和袁梓豪,2B唐穎康,2C的曾健灼、馬詠宗和2D梁子健,固此我們無奈地做了「插班生」。在他們相熟而我與他們並不相熟的恐怖氣氛下,感動萬分不自在。更可怕的是,我們的班主任竟是以「粗口」罵人而聞名的余夏倫老師,至於班長則由趙成豪和楊碩銓臨時擔任。 |
| 1999-09-08 |
EPA堂,周sir教「長春社」時,陳逸昌玩o野地說什麼「藏春閣」,結果要被罰抄「藏春閣」100次。^o^ |
| 1999-09-10 |
余sir今個學期首次發瘋,他在教transcend(精英)這個字時,舉例:「Chong
Gene Hang College has no transcend class．．．you are 垃圾!!!!」人們在偷笑。 |
| 1999-09-14 |
余sir默英文時固意讀得超快,句與句之間只停三、四秒,聽少幾句包你「炒」,你當我o地皇仁咩? |
| 1999-09-16 |
| 十號風球
隨着颱風約克的逼近,八號西北烈風或暴風信號在今天清晨3時15分懸掛。本地風勢在隨後數小時迅速增強,九號烈風或暴風風力增強信號在上午5時20分懸掛，不久後十號颶風信號更在上午6時45分懸掛,這是自1983年以來的第一個十號颶風信號。此信號懸掛了11小時,是歷史上最長的。這也是我與同學們出身以來的首次十號風球。窗外所見的,是一棵棵大樹遭吹倒和凌辱的景象。 |
|
|
| 1999-09-17 |
|
|
大樹倒塌
十號風球過後,今天是課外活動註冊日。無情的約克把我們學校看台上的大樹吹倒了,其倒下的身軀掩蓋了半個操場,老師同學們看在眼裹只有驚歎和無奈。蜻蜓們經過一天的避難後亦在天上不斷徘徊,陪伴着我們排隊之餘,亦彷似在為倒下的大樹作最後送別。
(鳴謝陳君俠師兄提供相片) |
|
| 1999-09-20 |
圍繞着早會的話題,總離不開是倒下的大樹。話說,這棵橡樹是1981年張振興書院十周年校慶時由一些「名人」播下種子而種下的。大樹不多不少地陪伴了我們十九個年頭,由一棵小橡樹被培育成大樹,如今卻落得如此下場。記得上星期一,我與同學經過橡樹時,它那長長的根鬚還掉進我同學的頭上,人們便拿它來戲弄。相隔只是短短的一星期,大樹竟巳不再存在。石sir勸諭我們應珍惜身邊的一切,因為生命就是如此脆弱。 小息時遇見前班主任Miss
Chan,她竟也知道我由2A「插」了入3E人生路不熟之苦。她勸勉我:「唔駛理人點睇o既,最緊要自己努力!」此刻實在感動得想哭來。
英文堂又到余sir罵人時間,他拿着本INTERMEDIATE
STORIES FOR REPRODUCTION 問我們買回來後有冇睇過,我們另一另頭,他:「你死o架!!?唔睇?買o黎做咩呀!!?」然後問李力濤:「呢本書買o黎做乜o架?」李力濤:「don't
know!」余sir:「又don't
know!!?踢你出課室呀!!」
|
| 1999-09-22 |
中文堂被Miss Li罵我們是多年來最差的3E班。她說有一次正在3D上堂時聽到我們班很嘈,便叫一位3D同學在我們班的門前「扮經過」看看為何那樣嘈。她強調自己從來只會叫3E的人去別人課室「扮經過」,而未試過叫人們去看3E班的。 |
| 1999-09-30 |
「仲有九個月要捱呀」
英文堂,很多人也沒有做功課。余sir強忍怒氣:「而家做o羅。」同學們便在做,他就坐在看書。一小時過後,快打鐘了,余sir終於發火:「如果你o地鍾意讀書,你就會怕我教得唔好。我就只會怕你o地唔想讀!!!你o地衰,我就衰。你o地好,我就好。香港好,就國家好。頭先你o地做緊o固時我去o左飲茶都得呀!!而家兩點幾飲下午茶有着數!我就堂堂走去飲茶!o拿,今日月尾又出糧o架喇!!!」罵了很久很久後,便收訂了《學校與家庭》的同學的錢,但收完後竟多了錢,翻查後原來是馬詠宗突然冇訂而交了錢。他說上一堂聽到余sir說要收做壁報的錢固便交,結果又被罵:「太多錢出聲呀真係!!唔發火都唔得o既!!正蠢才!!!!!!」臨走前,他:「由下一堂開始,邊個冇做我功課o既!!以後派D
Notes, Test同埋默書紙我都唔會比佢,印少份!!你當我D功課冇到,我就當你冇到!!」下堂後人們都在慘叫:「我比佢教o左三年喇!!」「仲有九個月要捱呀!!」
|
| 1999-10-05 |
英文堂,余sir派了一張咭紙給我們以作我們上堂答問題的記錄。他在教我們怎樣填時,見到馮穎楊沒有寫,便:「你做咩唔寫呀!!?」馮穎楊死死氣地:「冇鉛芯呀!!」余sir便扮怪聲來學他:「冇鉛芯呀!他冇朋友呀??問人借啦!!」接着他見到楊宏俊用了藍筆寫,立即大叫:「錢o黎o架!!同埋心機呀！！！」 |
| 1999-10-07 |
F.1時教我們1C和1E英文的鄭展明老師常常教英文時都說:「easy~~」3E們可能念念不忘,固每次他經過時,全班便大叫:「easy!!!」今天我們在叫時被他聽到,結果入了來教訓。=.=
英文堂,余sir說若今天有同學沒有舉手答過問題就全班都冇得放!!此舉導致我們答問題的熱情空前踴躍,我也順利從混亂中答了一題,全班也很團結地提水來幫未答的人。馮穎楊答時讀到死o下死o下咁,結果被罵:「人讀o架呢D英文？？」下堂時又罵:「下一堂起如果邊個唔答o既話,我就o係下面拿枝棍上來{毆}你o地呀!!係要迫到你o地咁你o地先至識驚,真係賤!知唔知咩叫做賤呀???仲有呀!!你o地如果o係街見到我,就走過o黎同我打個招呼,唔好一見到我就走!!」
|
| 1999-10-13 |
大家也知道4B班是較好的「精英班」,余sir見我們不懂答問題便發了瘋:「入4CY！！比D垃圾先生教你Y!」伍希汶:「邊個呀?」余sir:「我唔講邊個喇!!」(咁樣話自己同事都有o架!!)不久,李智斌答錯了問題,又被罵:「你o係度做咩呀!你係上次考試全班第四十名o固個o黎o乍!!」 |
| 1999-10-20 |
柳定洋答錯了問題,被余sir拿着粉筆在扮拋他並大叫:「S--T--U--P--I--D-!!!!!」「我讀英文快,o係度扮鬼佬你o地又唔知!!」接着選班會,結果班會主席由李力濤擔任。由於李力濤的英文名是CHRIST,意即是救世主,固人們便在大叫:「救---世---主!!」又被余sir罵:「你o地係3E呀!!有教養o既人o黎o架!!竟然o係度救--世--主!！？傻o左牙？？」 |
| 1999-10-22 |
英文的listen
test,莊耀煌在停筆時仍在寫,又被罵:「你未見過我撕爛人攔份卷呀!!」放學時,人們未打鐘便在執書包,余sir:「冇家教!!叫你老母o黎睇o下你o地上堂啦!!」 |
| 1999-10-26 |
今天英文堂到陳寶明被罵:「其它科又咁叻!!呢一科又咁!!你醒目仔o黎o架o麻!!你唔好話我教你英文呀!!有人問你,你求奇指去另一邊話第二個啦!!」 |
| 1999-10-28 |
余sir教書剛說到「垃圾」二字,便「寸」我們:「垃圾呀!!我o地班有好多啦!!」下堂前人們在問他有關校車的事,他:「哦．．．呢D
o野你去問余sir啦!!!余sir呀,唔係我呀!!成日問候人o固個呀!!」 |
| 1999-10-31 |
|
步行籌款日
為幫助學校禮堂安裝冷氣而籌款,星期日的早上便舉行步行籌款日。全校師生穿着便服愉快地由正門出發,經高威閣、繞興華,一直走至哥連臣角道。可惜中途便因交通阻塞而被迫折返回校,全程約一小時。希望禮堂能夠早日安裝冷氣吧。 |
|
|
| 1999-11-03 |
英文堂時派分紙給我們,也有了今次October
Test的名次。我在發奮圖強下竟在3E考到了全班第三名,其餘名次:
|
1. 鄭智謙 |
2. 陳寶明 |
3. {我呀-.-} |
4. 梁智浩 |
5. 陳建港 |
不久社工入了來說話,走後余sir也幫她略略介紹。其實余sir今天的心情巳不太好的了,說話陰聲細氣,樣子又「寸」。當余sir講到「東東的故事」時,
問: 「東東係一個乜野人呀?」梁智浩就暗串余sir:「好矮o既人!」,使「火山」終於爆發:「你收聲呀!!你扮咩讀書人呀!!你垃圾o黎o乍!!忍o左你幾耐呀!!頭先社工講o野你又講!仲有你呀陳逸昌!!講咩呀你頭先!!」然後指着壁報板罰梁智浩:「你企去o固度!」。但講唔夠幾句,又叫佢返埋位。
|
| 1999-11-05 |
有老師投訴我們上堂時很喜歡笑,余sir:「咁鍾意鍾笑!!食o左屎o黎牙!!」教書時:「唔識國際音標o固D人就係foolish,
stupid!!唔通你o地大個o固時唔識個字點讀又o黎搵我牙!?好呀!!去黃合石火葬場搵Y!!」 |
| 1999-11-10 |
英文堂收錢時,余sir發現少了十元,人們卻說巳交齊。余sir便在訴苦:「唔見o左又係要我比．．．」不知誰人口痕在說:「抵你死!!」被余sir聽到,余sir便說:「抵我死!而家我讀書咩！?抵我死．．．」不久陳寶明舉手說是自己沒有交,余sir:「操行比D你呀!!!!!!」 |
| 1999-11-11 |
梁子健事件
今天尾堂的PE堂不幸地發生了悲劇。起初,陳sir叫我們做熱身,從正門跑長樓梯下天橋,然後再經由另一條長樓梯上回來。有些人便「出貓」,固意一出大門便站了在那條上回來的長樓梯而不跑,等其它人上回來時才上回學校扮跑完。當大家也回來後,陳sir便罰那些偷雞沒有跑的人站出來,其它人就可以解散。就在這時,悲慘發生了,梁子健正跑往龍門架守龍時,一躍而起欲拍打一下橫眉。誰知可能跳得太高,下回來時便失了重心,整個人凌空打橫跌在地上,頭更先撞落地面,換來「o彭」的一聲巨響。我和劉國進、郭文匡站在附近最先發現,便立刻告知陳sir,趙成豪等人也隨即跑往一樓「call白車」。梁子健暈在龍門架下,兩眼反白,口裏更流出白泡,兩手微微在震動,但可能是內傷固沒有出血。陳sir命令人們除下PE衫放在梁子健身上為他保暖。一樓上,校長、「粗口余」和幾位校務處的女工也沉重地看着下來,還有擔憂的李金霞老師和驚惶失措的Miss莊,慈祥老校工「蓮姐」則在默默祈禱。不久,黃sir和鄧sir也從PE房走出來幫助。此刻人們也沒有心情上PE堂了,只圍在他旁一起等待救護車的來臨,仍在有蓋鬥波的則被認為是「冷血」和「黑心」。我們有些人更在自責:「頭先o固堂比余sir罰多陣o米好o羅,唔上PE就唔會咁!!」「我寧願上去比阿余鬧呀!!」十多分鐘後,救護車終於到達,救護人員剪開他的PE衫作即時搶救。我們也剛巧地下堂了,在更衣室裏,3E們在唸天主經。不久後,救護車也把梁子健抬走。回家路上,眾人都低頭不語,只能盼望仁慈的天父真的會眷顧子健吧!!
|
| 1999-11-15 |
「梁子健事件」成為了大新聞,黃sir和鄧sir今天便在早會時向全校告戒。上課室後,郭文匡釘出了梁子健受傷而被<成報>刊登的剪報。眾人都在笑<成報>把梁子健的姓名登做「梁x健」。他也總算沒事,留院幾天便可回校了。至於今次我也有份代表出戰的Maths
Olympic,3E也順利奪冠。 |
| 1999-11-16 |
早上時校長頒發了今次October
test全班第一名的獎。3A是關頌文,3B尤志江,3C徐梓豐,3D葉作佳,而3E則鄭智謙。
Lunch有個F.1經過Computer
Room時看到余sir打字好快,便說:「余sir打字好快呀!!」結果竟也被罵:「我識打字o固陣時你都未出世呀!!」英文堂我們交作文時,余sir逐個在查。當他看到袁梓豪在文章上又犯了與之前同樣的錯誤時便立即撕紙:「我o地班唔可以有人重覆錯同一句o野o架!!」接着他看到莫家麒和麥展鳴兩份作文竟然有同一錯處便鬧他倆:「邊個抄邊個呀!?!!」莫家麒:「我借o左比佢睇小小!!」余:「咁即係有抄啦!!」然後兩張一齊撕,並「寸」莫家麒:「你有心臟病係o米呀??唔駛驚!!振定D!!」撕了六、七張後,最後楊宏俊和李彤也分別因串錯了很多字和寫了「Dear
Mary:」而被撕紙。末時便在一片恐怖氣氛下頒中英數全班第一的獎,中文是蕭永禧,英文是李力濤和鄭智謙,Maths則是我。^^
|
| 1999-11-23 |
人們冇做功課,又被余sir:「冇做!!?唔知要做!!?你琴日冇返學牙!!？」不久派考試時間表,人們發現了考試時間竟比校曆表上所寫的早了一天,便問點解。余sir:「唔知點解牙!!？打電話去校長室問o下"阿何"o羅!!」又說自己係「阿魚」,引得全班大笑。 |
| 1999-11-24 |
余sir建議我們明天陸運會帶本story
book去解悶,我們話佢知咁做會比prefect捉,佢:「唔好比人捉o左之後話係余sir叫你咁做呀!!累我比人炒o左o既話o地時我o係街道見到你你就知死呀!!」 |
| 1999-11-26 |
余sir昨天才在灣仔運動場陸運會時告知我們今天是班際朗誦比賽,固今天只能在lunch時才「臨急泡佛腳」。由於大家的「底子」好,固練起來頗有氣勢。可惜落到場便一塌糊塗,錯陋百出!沒有一班能差得過我們3E!賽果公怖,曾出外參賽的3B大勝奪冠,我們「尾二」,3C第尾。3C其實表現比我們更好,只是Miss
Li排陣出錯。她竟把平時從來不練習的鄭耀聰、施奕文們約六、七人排了在3C朗誦人堆中的後台企,任由他們在3C們朗誦時傾計及玩樂,結果被評判大扣分數而包尾。趙成豪則在我們班的推舉下出了去代表3E說話,他竟大膽地指責「恐怖教師」余sir:「我諗我o地表現得唔係咁好係因為練得唔夠啦．．．因為余sir琴日先話比我o地知今日要比賽!!」全班立刻大驚!余sir是不能罵的呀！！況且之後便是可怕的英文堂了！！不過可能余sir都自覺自己係有責任,固在接着上的英文堂也沒有發癲,並當冇事發生過地繼續教書。 |
| 1999-12-03 |
長久以來梁sir都是3E班主任,而今年卻被余sir無故奪位,固我們一直流傳着梁sir和余sir明爭暗鬥的傳言。今天英文堂前,第一堂的physics因早會太長而全堂被剝奪,固Sailor
Wong便借了余sir十多分鐘來上堂。但當英文堂打鐘後,余sir自己卻仍在趕課,在外等得不耐煩的梁sir看到後便闖了進來,余sir立刻對他說:「Just
a moment!!頭先有人借o左我一陣!!」梁sir:「唔係．．．我想話,如果你有需要o既我o米借呢堂比你o羅!!」余sir死都話唔要,兩人談話的語氣還有點「單單打打」,不像是同事的關係般。余sir臨走前還向我們說:「人o地有需要o既我可以借堂比人!但要人o地借堂比我就唔駛喇!」但在三日後,Miss
Li借她的中文堂給他時他卻要了。 |
| 1999-12-19 |
澳門回歸中國,但我們卻仍在考試,固未能在電視機前捕捉歷史全程。 |
| 2000-01-04 |
我們班簡直當「吹綿周」(周任年老師)冇到。今天EPA堂時人們在摧他派卷,毫不客氣地向周sir破口大罵:「派卷啦!!」「喂!!卷呀!!」但「吹綿」竟也視若無睹。 |
| 2000-01-07 |
音樂比賽,我們班的陳智遠和楊碩銓也有參賽。到表演項目,當周sir(周樹偉老師)、鄧sir(鄧仲明老師)和李sir(李明光老師)三人合唱時,全場雀躍喝采。但到Miss莊唱時則是「靴」聲四起。^^ |
| 2000-01-12 |
中文堂時陳智遠慘被Miss
Li無理辱罵:「由第一堂開始你偷雞去廁所我巳經記住你,到上堂食o野!上次音樂比賽又在扮黎明,又．．．」結果唔臭都比人數臭o酉。到了英文堂,伍希汶也慘被余sir辱罵:「你放假放到矇o左牙!?!又染金毛!又比人投訴!又唔交功課......!」 |
| 2000-01-24 |
英文堂堂末時,梁sir敲門進來說放低D簿先。他走後,余sir便拿他在開玩笑:「佢頭先話擺低D簿,擺低幾"兩"呀?」(固意玩弄梁sir花名)之後又在說什麼「Mr.Leung
makes me laugh!」引得全班大笑。
Half-yearly
exam 3E班及全級頭五名名次:
|
1. 陳逸楓 |
2. 鄭智謙 |
3. 賴天允 |
4. 陳寶明 |
5. {我呀-.-} |
|
| 2000-01-26 |
石sir因與人踢波時跌斷了手,固今天E&RS堂便首次由新的余sir臨時代堂。英文堂,余sir拿着south
china morning post的單張在強迫人訂報紙,我也終於被「阿余」首次辱罵。當張紙剛傳到給我時,我知道阿哥在他的中學也有訂,便不填而傳落去,余sir見到我不填便:「喂!你做咩唔填呀!!？」我:「屋企訂o左喇!!」他指着我:「I
don't believe you!!!」然後在打眼式示意我填,我在無奈下被迫填了並比錢。不過．．．算啦,余sir是不能罷的。^^最終那張訂購紙被同學填滿了名,余sir才滿足地說了一句:「good！」
|
|
放學後,在13度的低溫下,
香港甲組足球聯賽球隊快譯通便到訪我校作客張振興書院的A Grade
足球隊。比賽其實只是表演性質,不計比數,但TVB的鍾志光竟亦隨隊到來評述。快譯通起初派出全華班上陣,
有鐘皓賢、張耀麟、譚兆偉、姚學文和林慶麟,
繼後還派出范俊業、楊熙智、國援孫辛銘、外援迪恩和基保等後備球員上陣。 張振興書院也不甘示弱,
門將是全港學界最佳男運動員譚偉洋,
還有港青梁民希和李達剛, 其次有李可力、
李耀輝等人先後出擊。快譯通由姚學文先開紀錄後, 張振興突擊奇蹟板平,
李可力在門前混戰下勁射入網追和。但張振興其後錯失多次單刀機會,更被孫辛銘入球和楊熙智連中兩元, 結果以1:4飲恨。 |
|
| 2000-01-27 |
Maths堂,梁sir:「琴日樣功課做o係邊道呀?A簿定B簿?」趙成豪「寸嘴」:「C簿!」梁sir:「邊個咁抵死呀!成日咁樣做乜o者?講來講去都係咁!冇D新意!!」英文堂,余sir罰小息時在課室踢波的人出去。麥展鳴:「隔離班都有o咼!」余sir起初很平靜:「我會理!」但靜了幾秒後竟突然發癲:「隔離班關我呸事牙!?柴灣公園對面學校又有呀!!去話佢Y!!你細妹o固間學校都有呀!!駛唔駛去埋呀!!．．．」(講o下o者,咁都要比人鬧一餐。
~_~) |
| 2000-02-15 |
余sir請我們吃mini-burg當作是新年禮物,還即場撕開糖紙粗魯在吃,全班忍笑。不過之後陳智遠和李智斌冇做功課結果又被狂罵:「你掛住溝女牙?」「帶埋返鄉下做Y
o麻!」．．． |
| 2000-02-21 |
早前余sir帶o左一疊o係大陸出版o既英文書比我o地並鼓勵我o地借閱,由全班最乖的柳定洋全權監管。但今日他竟然見到有幾本書隨意地被放在簿櫃上,隨即發火:「點解你唔放書入簿櫃呀!!一陣比人偷o左點算呀!??」並大叫:「expalin!!!!」 |
| 2000-02-22 |
簽名紙鬧劇
英文堂收簿又收唔齊,余sir:「你o地夠疆就同我鬥拖!」不久,余sir從board上撕下了一張簽名紙,那張簽名紙是學生會建議若冬季時間時不凍就可不穿校褸上學,支持的就簽名。但余sir收回時卻見到張紙一塌糊塗比人劃到花o酉,便發狂:「(x)家鏟你．．．邊個寫D咁o既o野o係度呀(x)街!!」全班驚訝地靜了一秒。余sir:「你o地班3E!!簽名咁簽o架!!?」然後在黑板上發癲亂畫了幾筆,狂罵:「3E班做D咁o既o野!?簡直係恥辱呀!比我知道係邊個寫o既我真係打獲佢呀!!至多唔撈o架o乍!!」停了幾秒又繼續:「邊個(x)家橙寫埋D咁o既o野自己認啦!!」有人見他爆粗便在笑,余sir:「你笑咩呀你!!係o米你做o架？」「梁子健、王正豪,個名簽得光明正大唔駛驚啦!!其他o固D都唔係簽名o黎o既,唔好讀書啦．．．係o米你呀趙成豪!？」趙成豪:「o下？唔係我呀!!」余sir:「有你個名o咼!!又係用鉛筆簽o架o咼!!」趙成豪:「唔係我簽o架!!可能有人整蠱我啦!!」余sir:「你比人寫o左個名o係度你都唔知,你瞎架!!?」趙成豪:「我冇睇o固張Y
o麻!」余sir:「你冇睇o固張!!你兩張睇o酉Y o麻!!」接着又問也是用鉛筆簽的陳寶明,但當然不會是他吧。余sir:「有冇人知邊個做架!!?」冇人回答,余sir:「又唔敢講!食屎啦去!!比我知道邊個做o既我真係一巴摑埋去呀!!挑!!去學講粗口啦!!」下堂前,他:「冇o酉儀態,o係度講粗口!」最後佢話拎o固張紙去影印,我們全班要留在搞平才可以走。他走後全班都陷入了瘋狂狀態,又學佢爆粗,又學佢兇人,彷似從地獄走回出來似的。幸而楊碩銓下活動室拿回張新的簽名紙上來,我們逐個名字整齊地打橫在簽,每五個名一排。班長梁子健笑說我們好像在簽生死狀似的,事件得以暫時平息。
|
| 2000-02-25 |
英文堂余sir在叫我們堂上做workbook,有人在發呆唔做結果被罵:「你同其它人冇乜分別o架o乍!點解你唔駛做呀!?」又罵伍希汶:「你都係呀!」又罵停了手正在思考的盧國培:「做啦!等落堂呀!？」 |
| 2000-03-15 |
今天是影班相的大日子,余sir穿了件藍西裝並打了tie回來,全班雀躍歡呼!!但他只是外表斯文,影相前李sir正幫我們在排位時,他便另轉身在罵張家麒:「喂!!醒目D啦!!」張家麒:「好醒目o架喇!!」余sir:「好醒目!?叫o左你兩、三秒你仲企o左o係o固度!!」放學時,3B班的李卓浩在課室經過時手提電話響,余sir可能今天罵不夠人,便開門出了去:「講手提落去!!」 |
| 2000-03-17 |
教EPA的周任年老師一向教書沉悶,而且在照書讀,固被我們稱為「吹綿周」。今天起立時眾人便毫不客氣地大呼:「Good
Morning MR.吹!!」周sir聽到後便發火:「點可以改老師個姓o架!!你覺得本書吹水o既你就唔好聽!!」吹水??係吹綿o咼!!英文堂,余sir又在說什麼:「邊個敢同我o地余偉強老師鬥講粗口呀!!?」「你估你葉榮添呀!?」 |
| 2000-03-21 |
早會時校長宣佈今年校際田徑賽的成績,我們校再次勇奪了全場第三名。頒回獎項給田徑隊隊員時,關sir見我們掌聲冷淡,各自有各自在傾計,便發火:「上面o羅獎下面就好似唔關佢事咁!想學校進步就一定要大家合作o架o麻,無論讀書運動都係!好似頭先咁!校長想你o地唱返一次好o既校歌o者,你o地都唱到不知所謂!搞到上面都唔敢唱!!」講完一輪後自己發脾氣走埋,最後要黎sir和田徑隊大隊長譚偉洋出面調停,唱返一次好o既校歌,又迫我們叫:「WE
WANT HOLIDAY!」才得以平息,今天學校便放早了。 |
| 2000-03-23 |
Lunch時English
Club在「有蓋」舉行了一些games,但大部分3E在lunch時也看班際足球3E以1:2僅負強隊3D的賽事而沒有玩,余sir知道後又發火:「以前美國個總統講個一句乜呀?佢話唔好問國家為你做過D乜,你要問你為國家做過D乜呀!你o地唔好問學校為你做過D乜,問o下自己為學校做過D乜啦!!你返o黎做乜o架?日日坐o係度!!」然後剛望到日日上台負責升校旗的童軍李力濤,便:「哦!o係o固度扯旗牙?有其它人幫手Y
o麻!!」人們聽到「扯旗」後便在笑,余sir:「笑咩呀!撥起呀?唔係扯起o米撥起o羅,你估我唔知呀!?我見你o地細個費事o係度講粗口o乍!!」 |
| 2000-03-24 |
冇冇帶事件
班際籃球3E勇戰終以49:27擊敗了5C,在一直表現優異下也終嘗一勝了。
英文堂余sir竟然風趣起來,問袁梓豪like唔like
Miss Wong(Sailor Wong),「恥毛」話like,余sir便問佢love唔love,楊宏俊便在搞笑話:「Miss
Wong loves Mr.炸」,引得余sir也在笑。但風水輪流轉,今天竟到了梁sir發火,上Biology堂時,梁sir:「邊個冇帶書o既企起身!」楊宏俊站着在找,梁sir問他有冇帶。他可能剛剛誤以為自己找到,在口快下可能想話「不是沒有帶」,便說了:「冇冇帶!!」梁sir便突然發狂:「咩叫冇冇帶呀!!？」楊宏俊:「我有帶o米話冇冇帶o羅!」梁sir:「咁你而家即係有冇帶?」楊宏俊:「冇!!」梁sir有如被戲弄般的感覺,便非常憤怒:「你企去後面先!放學留o係度去搵埋余sir,睇佢知唔知咩叫做冇冇帶!」楊宏俊:「咁如果余sir知又點呀!"side"o酉D時間!」梁sir:「如果余sir知道先至由佢決定!」下堂前他又在告誡我們:「我問你o地有冇帶,你o地一係話冇帶,一係話"邱!~*"(說「有」字時剛走了音,全班在忍笑),而唔係話冇冇帶!」此事過後驚動了石sir和余sir等,又要我們寫感想來幫助調查事件。就算楊宏俊真的有錯,也只是說了一句「冇冇帶」罷了,又唔係鬧佢,駛唔駛搞到件事咁大呀？看來「炸兩」今次真係炸得太熟了。
|
| 2000-03-27 |
發生「冇冇帶」事件後,余sir與我們的關係好像好了很多。但今天,好人的他在下堂前卻不小心踩到了收音機條線,整到插蘇都爛埋,可能要賠錢了,搞到我o地唔知笑好定喊好。 |
| 2000-03-29 |
Maths堂,梁sir說我們的Maths
Project只剩餘一星期便要交,陳逸昌便在低聲唱歌:「如果只得一星期．．．」被梁sir聽到後便罵:「你成日上堂都o係度唱歌!」陳逸昌:「我幾時有成日唱歌呀？」梁sir:「你頭先o固句都係歌詞o黎o既!!」班主任堂,袁志遠說自己的MD機不見了,余sir便拿自己部放了英文歌的CD機插落課室個插蘇道:「咁聽o下歌先啦!!」呢個時候仲有心情聽歌?全班大笑,然後佢自落了去找石sir!!柳定洋不久發現了那部MD機被人放了在楊碩銓的枱底下,邊個咁無聊呀? |
| 2000-03-30 |
踏入性教育週,余sir就大膽地在說鹹野,說什麼:「F.1時D男仔仲o係度:"唔好食我枝雪條!!"但女仔已經諗緊衛生巾．．．.!」之後又在說什麼男女交佩的行為和現象,引來哄堂大笑,余sir便說:「有咩好笑o者?你老豆老母唔做愛點生你出o黎呀．．．」 |
| 2000-03-31 |
今天余sir竟然今個學期首次無返,全班便在雀躍狂歡。結果由「毛毛何」代堂時成班玩到癲o酉,又掉位又掉紙球,使得課室內凌亂一片,最後要把約百多粒的紙球拾回才可以放學。=.= |
| 2000-04-05 |
鄧sir也發火--Geography堂,鄧sir在派簿時,每派一本時伍希汶就在:「o華!!」的一聲。鄧sir憤怒地叫佢收聲,伍希汶:「我o華自己o乍!!」鄧sir:「我唔理你o華邊個!!總之我要你收聲!!你唔好以為成日咁多嘴好好呀!我唔鍾意D咁o既人o架!!」落堂之後仲捉o左伍希汶出去問話。 |
| 2000-04-06 |
F.3班際足球最後一戰,假如3E能力挫3C便可勇奪亞軍,可惜最終事與願遺。在全場力迫成2:2時,臨完場五秒竟被凌智勇大腳抽入,令3E飲恨而回。英文堂余sir見課室內死寂一片,便在說什麼:「豬扒!牛扒!炸兩!」來引我們笑。放學時,經過的3C凌智勇在課外室大叫,余sir:「凌智勇,癲o架!」看來他也為我們輸波而不值。 |
| 2000-04-07 |
劉國進因要移民,固今天便是他在「張記」上學的最後一天,祝一路順風。 |
| 2000-04-17 |
英文堂余sir又請我們吃mini
burg,陳逸昌就貪食想拎多粒,被余sir:「成包比o酉佢啦!!成包塞落你個口道睇你點食呀!!」人們傳回剩餘的mini
burg出去後,余sir:「仲有冇人要呀?」全班立刻靜o酉冇人敢出聲,開開心心食糖都要搞到家嘈屋閉．．．=.= |
| 2000-04-18 |
學生獎勵計劃,全班只有李力濤一人奪兩獎。余sir就當然不會提名我們這班「垃圾」吧。 |
| 2000-05-03 |
自從劉國進移民後,我前面的座位便被丟空了,同學們便在他桌子上寫了一些:「炸vs余」「夏倫愛秀慧」之類的字句。今天梁sir經過時見到,雖沒有出聲,但我巳見他「口黑面黑」,仲間中「啤」o下我,今次多得你地唔少了．．．~.~ |
| 2000-05-10 |
余sir教書時,教到有個字「drop
down dead!」他便用粗口翻譯:「drop down dead!即係(x)街死呀!!」說了七次有多。 |
| 2000-05-22 |
我們本來由Miss朱教中史,但後來她去了進修,便先由實習老師Miss關頂上,待Miss關實習完後便由代課老師上。那代課老師由於身形肥胖,固很快便被人改花名做「谷德昭」,叫o下叫o下便連佢真實姓咩都唔記得。今天上堂時,經過的3C楊健生便在大叫:「我是你的節目主持人谷德昭!」引得全班大笑,佢自己塊臉都紅o酉。^o^ |
| 2000-05-23 |
早會時校長頒發各班全班第一的獎狀,早前已知吳霆剛是3E第一,我則考十三。而中英數第一則分別由吳霆剛、陳建港和陳寶明奪得。 |
| 2000-05-24 |
小事化大
轉堂時,陳智遠和袁志遠他們就掉了位在玩啤牌,不知誰口痕見梁sir經過時又在叫「炸兩」,結果他入了來審。他先屈陳逸昌,昌:「喂．．．真係唔係我講o架o咼!!」梁sir:「我話係你!!」全班:「o華!---」楊宏俊:「唔係佢呀!」梁sir:「唔係佢咁你話係邊個!我聽到唔係陳逸昌就係袁志遠o架啦!我要o既係答案!」陳逸昌:「咁我話係你聽錯得唔得Y?」梁sir:「唔得!」全班:「o華!---」梁sir:「我要o既係答案!搵唔到答案我誓不罷休!!我唔想阻下一堂o既時間!我o地每日都有數學堂o既,我o地就逐個查!!」不過小息時真正的「罪人」陳建港便誠實地去了自守。到了Maths堂,梁sir看到剛才陳智遠和袁志遠坐的座位原來是蕭永禧和郭文匡坐的,便罵他們為何隨便比個位別人坐,蕭永禧就在無辜申訴,被梁sir:「成件事你都好似話自己無錯咁o咼!!」接着問班長梁子健為何有人掉位也不知,子健:「唔知呀!我o係出面釘緊o野!!」梁sir:「咁就由得佢o地掉位!?」梁子健「瀉博」:「咁仲有另一個班長Y
o麻!!」另一個班長關翹峰就被迫說了是陳智遠和袁志遠經常自己在亂掉位。梁sir就問蕭永禧:「咁你有冇打算話比你班主任聽呀!」禧:「而家o米話比你聽o羅!!」梁sir冷酷地:「我唔係你班主任!」結果又被迫應承了會話比余sir聽,郭文匡就話比一次機會佢o地才得以冇事。唉,點解係都要小事化大．．．~.~
|
| 2000-05-30 |
馮穎楊的頭髮留到很長很長仍不去剪,余sir:「我琴日叫你剪o架o咼!我唔鍾意你個髮型呀!你無錢呀?駛唔駛比錢你呀!!」馮穎楊:「not
enough time!」余sir:「not enough time!?今日你幾點放學呀?」馮穎楊未出聲,余sir就:「答我呀！！！」楊:「一點二十五分!」余sir:「一點二十五放學之後去邊呀?」楊:「食飯。」余sir:「食完飯幾點呀??食飯食成日呀？not
enough time!你聽日再唔剪我見你家長呀!」停了三秒又來:「頭先你點解企o係o固度呀(指住門口)?下次就唔只企o係o固度o架喇!!企落去操場對住o酉D先生!我都係咁樣罰D
F.1 o乍!!」又罵袁志遠叫他剪髮:「仲有你呀!成個謝霆鋒咁!!我唔容許我o地3E有D咁o既學生o架!!」 |
| 2000-06-01 |
中史堂起立,全班玩o野在叫「谷老師老晨!」尤以馮穎楊叫得最為大聲,結果他被罰抄「我上堂講谷德昭」100次,不過有人理佢先奇啦。之後他見我們在堂上態度散漫,竟說:「我就睇o下你o地班下年有幾多個升到中四。」全班公然指着他大笑。不是自跨,但事實上,他也應該查閱學校的分班資料才隨便說話啊! |
| 2000-06-08 |
今個學年最後一堂的英文。余sir臨別贈言,說教了一年後,覺得原來這間學校的學生也不差,令我們這群被侮辱至自稱「垃圾」的3E也異常驚訝。他告誡我們最重要是不要驕傲,又教我們讀A.maths的方法,鼓勵我們在未來一定要努力了。雖然我o地班比佢鬧足成年,但呢一刻真係覺得．．．好唔捨得余sir呀。>__< |
| 2000-06-09 |
早會時頒發廣泛閱讀獎勵計劃的獎狀,F.3級季軍是看了21本書的張家麒,亞軍是看了22本的麥展鳴,而冠軍o米係．．．．我o羅~.~,當台上的人宣怖:「冠軍是3E李耀陞同學!佢總共看了58本書!」時,全校「o華」的一聲,見笑了各位。 |
| 2000-06-12 |
「紅球」使考試取消,那兩科要順延至考試後一天補回。 |
| 2000-06-21 |
全班有很多人包括我竟也得到了梁sir的褒獎信,而梁sir給我的原因是「學習或做事有持久力」Oh!!what
is it!??真難以想像,平日「黑口黑面」的梁sir竟然係咁愛護同關心學生。如果佢肯笑多d,一定好可愛o架。 |
| 2000-06-27 |
F.3要回去通知能否升到中四的事宜,我們3E當然全班升到。余sir也讀了今次考試的名次:
|
1. 陳建港 |
2. 吳霆剛 |
3. 鄭智謙 |
4. 陳逸楓 |
5. 袁梓豪 |
| 6.
李彤 |
7. 張家麒 |
8. 麥展鳴 |
9. 盧國培 |
10. 曾健灼 |
|
| 2000-07-06 |
頒獎日
|
|
各班頭三名 |
| |
3A |
3B |
3C |
3D |
3E |
| 第一名 |
關頌文 |
尤志江 |
徐梓豐 |
葉作佳 |
陳建港 |
| 第二名 |
洪偉俊 |
吳文超 |
? |
韓昆延 |
吳霆剛 |
| 第三名 |
何思銘 |
文健森 |
? |
關溢城 |
鄭智謙 |
|
|
|
|
各科全級第一名 |
| 中文:
王錦樹(3E) |
English: 賴天允(3E)
|
Maths: 莫家麒(3E) |
Physics:
梁智浩(3E) |
|
Chemistry: 陳逸楓(3E) |
Biology: 鄭智謙(3E) |
中史:
吳霆剛 |
History:
蕭永禧 |
| Geography: 陳建港(3E)、關頌文(3A) |
EPA:
曾健灼 |
Computer: 陳逸楓(3E)、楊宏俊(3E) |
普通話: 李智斌(3E) |
|
|
|
| 2000-07-10 |
F.3生活的最後一天。早會時Miss
Lai在頒一些書卷給Final Exam Maths全級頭五名的同學,F.3第一是莫家麒,第二吳霆剛,第三袁志遠,第四麥展鳴,第五竟是我。上課室後,余sir在派回一些書單和暑期作業給我們,又教導我們未來的路應該怎樣走。然後在讀編班結果,我們大部份當然都係升上4B或4C,只有蕭永禧和王錦樹自己簡4A,我也順利入讀了第一志願的4B了。最後一次的余sir堂當然也不乏罵人,謝均芃因為返o左鄉下固沒有返學,余sir:「去o左送殯呀!?呢個時候走番鄉下!!？真係連父母都要鬧!」之後又大罵染了「金毛」的班長梁子健了。
久經十個月的3E生活後,一切總算無憾地渡過。記得起初時由於由其它班混入了精英班,固在班內沒有太多朋友,再加上余sir的恐怖統治,令我在「張記」的日子曾一度灰暗。幸而3E們是一班很好的同學,使我很快地便融入了他們。驀然回首,今年大部份的回憶都只是一些余sir在課堂中的名言勵句,但憑着自己的默默耕耘,使成績上總算有所突破,也明白了余sir的一片苦心。永遠留下來的,就只有余sir在成績表上給予的那句真摯的評語:「於班內成績屬中乘。下學期較上學期開朗多了,上課時也較主動投入,巳為未來踏出了重要的一步。」
|