好多人的讀書生涯都是由幼稚園開始,或者無邊個小朋友會諗過,這是一連串「地獄式」生活的開始......

踏入幼稚園的第一、二日返學真係無乜野,因為有媽媽陪伴。但第三日,阿媽走左,我就驚到喊......(想你也試過吧,哈哈......)

過了一段時間後,自己對這校園生活習慣了,看著自己所得的課本十分有興趣,於是就經常拿來看看。不消一段時間,我認識了整本書上的字了,甚至就連幼稚園內圖書館書架上的字也難不到我,MISS也在媽媽面前對自己加以讚賞......雖然係咁,但自己考試的成績居然平凡得很......

記得幼稚園每個月也有一個所謂的生日會,而在那月生日的小朋友也有一個紅雞蛋同埋一份禮物的......當時無知的我自己見到有小朋友獲得生日咭時,都會問MISS點解無自己份......MISS就話:「你唔係呢個月生日呀!衰仔!」(......)

我和一班同學仔的關係可以話一般,因為我就是當時的「惡人」一名!(唔知係咪俾MISS寵壞了......)我試過把一個企圖打我尖的同學仔狠狠地推了落地下,結果他身後的幾位也一起跌在地上......因此MISS就罰我唔准食茶點......(當然我的惡行也不只那麼小吧......)

還有,每逢早上上課時間也要唱佛經,家下諗起都有點兒想死呀......(就連自己都唔鬼知自己唱乜......)最慘係一唱就唱了三年......

過了一年,我就上了低班,而我妹妹也在此時進了幼稚園......(待續)

---