第四章 幼稚園記趣(中)

87年,我升了上低班,那年我只有四歲......

那時我依然都改變唔到自己的頑劣性格......爭野玩、打人尖、搶人野......無惡不作......聽講我在那時就係俾miss罰得最多的一人......亦因此令我的母親大感頭痛......

每逢寫字寫得又好又快的小朋友,都可以出到去任玩玩具,但如果寫得慢的話......對唔住,等下次啦~!幸好,我都係差不多次次最快的一個,所以令到好多小朋友眼紅......

小時侯做功課總是要俾阿媽鬧......「唔係咁寫呀,衰仔!」「呢劃都唔係寫係度!」「試下再咁寫就打到你......」唉,唔識寫個字je,唔駛咁呀?同對我個妹完全係兩個態度......莫非我妹比我醒得多?

算啦,不如講下我在此期間的其他事件吧......

我媽在這時結識了一個我認為是很可怕的鄰居,她叫陳太,又名阿芬X......她的丈夫是一位巴士司機;(他現在正駕駛88K路線,叫陳X。佢駕駛的巴士算是等於我的霸王車......)她的女兒也是在自己所讀的幼稚園內,但比我大一年。另外又有一對孖仔......點解話佢可怕?因為佢實在太粗魯,見親我都要MET我,仲有時喝我TIM......所以我極之唔想媽媽把我寄託在她的家......(我總是覺得我媽已經結識了一個同巫婆沒有分別的女人......)

這期間我有兩次返鄉下的經驗,不過都係唔好的,更令我十分討厭上大陸。點解?因為當時大陸並未有廣深高速公路呢樣野,加上由深圳到廣州的路又崎嶇不平(真係兜路都玩殘你......)。因此我經常坐親車上廣州都要在車上大嘔一場,我實在受唔到暈車浪呀!

每逢返鄉下,我們一家總會去一個叫做「金紫村」的地方,而那一個地方我又是十分之討厭去的,但對於我們一家人來說那地方對自己卻十分之重要......點解?下次話你知!(待續)


1