§ 2005/10/07 Day 2
訓得ok~但一早morning call...確然有d頂唔順,早餐食左件多士就上車,咩話@@??!去大象園??睇大笨象..我唔要呢d付加行程,放我訓多陣好過。
呢個景點,最開心應該係阿俊,因為大象園隔離有個射擊場,又係燒錢既時候,我跟toto就坐埋一邊發呆,help~
無聊左成個鐘,以為會去d好玩既地方,點知............去睇個「大開眼界夢幻show」,廢既,最攪笑係Hoyi俾邀請上台表演魔術,好柒架!!哈哈哈~個魔術係縛住Hoyi係張床上面(成張手術床咁),之後將Hoyi連床推向一道膠牆,人連床穿過膠牆................@0@.....好白痴呢!
終於有啖好食,個菠蘿炒飯好好味架!!之後去....「寶石城」,我地俾安排坐d類似小時候坐果d過山車,唔係好剌激果d!!穿過山洞個d...=.= 有d假人加廣播,講述寶石既形成...落車後,就到男士們大出血時候,我跟toto兩個柒下柒下咁周圍行,tea一tea,而Hoyi跟阿俊就買訂情信物!!哈哈
咁又浪費左兩個鐘,就出發去「水果王國」,又落雨.....我地上左園內既觀光車到園中心,在大樹下放滿一檯水果,有工作人員替我們將水果去皮,導遊說,靚既水果一般已經出口國外,我們現在吃的可能比香港所買到的較差。
吃得飽飽就去「古法按摩」,人家明明很享受按摩的過程,諗住可以訓一訓,這個toto成個傻婆咁,被人touch度大脾、腰呢d較私人位置就係咁大叫大笑=0=" 本來好平靜都俾佢影響晒...仲要俾四朵金花取笑俾人touch下就,第時點嫁人??
我同Hoyi聽完呢句就即時大笑,哈哈~因為我地知道toto...哈哈~
接著就出發食晚餐,個環境不錯架!!不過係多蚊左小小,對面街就係所謂既海味街,得幾間鋪就叫海味街??唔好呃我唔識野先得架!!
今晚入住羅勇的酒店,我跟toto傾傾下計,成間酒店停電丫!!!勁驚囉 !! 聽說用電量太大,負荷唔到,停左半個鐘電就有返電....今晚訓得唔係咁好,半夜仲又痾又嘔...