§ 2005/10/08                                    Day 3


晚痾嘔之後,今日好似好番好多,不然就會錯過整個旅程最重要的一天~向沙美島出發!!

 

早上起來,才發現原來我地間酒店好靚架!!錯過無去游水!!周圍影下相就上車去碼頭,乘渡輪去沙美島。今日天氣好好~我地係船上面d沙灘椅度一直訓到落船,前島係碼頭,我地要乘車去後島,其實只係一分鐘左右車程。

 

d沙好假丫!!!哈哈~因是新發展旅遊區,所以人比較小,而且亦比較乾淨。整個海灘都蓋上一層人工沙,即係用石頭摩成沙,所以d沙係好白,好反光@@

 

換好泳衣,先向香蕉船埋手,比珊瑚島貴好多呢~不過唔玩又好似爭緊d野,超好玩,住唔會落水,點知......上左隻蕉無耐就被拋左落水.....仲爬唔返上隻蕉度,係反蕉...最後要先爬上人地隻快艇度,著住救生衣,上又唔係,落又唔係...幾經辛苦先爬上船,仲撞瘀=.=

 

返上岸後,到處拍拍,不過陽光實在太猛烈,不跟陽光玩遊戲><便轉戰把手甲粉色一番,除了toto外,我和Hoyi都好少塗甲油,第一是麻煩,第二是場合不識~試想想,我們上上下跆拳,把手掌大開,一隻隻塗滿色的手指,好異相@0@。

 

吃過「賣相」非常之好的海鮮餐,d海鮮無鹽無味!! 反而d洋蔥圈更吸引,就返回曼谷。

 

目的地是「湄南河」,賣點是上船邊看風景,邊食buffer。食物當然是一般,景色還可以,因湄南河伴都興建了大大小小的五星級酒店,五光十色,好難唔話唔....但船上的娛慶節目確實吸引。

 

有個成熟女歌星在船上唱歌!!!! 雖然唱泰文,言語不通,但佢好識攪氣氛,由船艙一路唱到出船甲板,之後,就邊唱邊同d人跳舞,好好笑。

 

輕鬆完便去Night Bazaar跳蚤市場搏殺!!雖然叫Night Bazaar,但去到11點,好多店鋪都準備打烊,沒有大量入貨,便回酒店休息。

 

 

 


1