2004年3月2日

呢幾日去左阿Tom度∼佢放假麻∼哈哈!琴日玩左煮飯仔∼我地係度煮加哩...嘻嘻!我覺得當我同阿Tom一齊個時,會冇咁煩,開心d!同佢一齊...好好丫!同佢都決定左結婚lu...不過可能會遲多幾個月啦!嗯...其實我都覺得我地好穩定丫,我都相信我地可以一生一世既!大家都要祝福我地呀><!

最近,好想可以學影相,好想可以影好多好靚既相!好似呢個背景咁,好靚呀∼不過係人地影既∼哈哈...同埋我都唔識捕捉鏡頭等個d野,有機會學下都好丫.同埋我都打算考埋個LCCI佢∼我想考中級!不過考一次都成6-7百蚊呀..好貴呀都...如果一 次pass就好喇!

今日我澳門個朋友叫我去探佢...但係我媽咪唔比我去呀...其實我都有d想去架,上次去個時入唔到賭場,我都想入去睇下係點樣既!見識下麻∼

 

 

2004年3月9日

最近...好似好多野要煩,煩d咩呀?....嗯...bb架啦都係,都成6個月lu話咁快就...嗯,出左世,咩都要用錢,又要食,又要住,又要尿片,又要奶粉等,到時要返工,仲要比埋育嬰園,夜晚又要自己湊番,其實都好辛苦...依家自己既感覺好似冇人幫我咁,得我自己一個人,點湊wo...><”嗯∼好煩呀!

原本打算今日去排期...但係原來我stepmother唔可以幫我簽..所以今日冇去到,要等我阿爸幫我,嗯...到時見到佢∼都唔知可以講d咩....

tom放左幾日假,我幾日都去左陪佢,呢幾日好似好busy!星期四約左人食飯,星期5 tess同我妹生日∼都係同佢地食飯,星期一朱瑜生日,依家都係同佢食飯!原來∼生日慶祝,除左食飯仲可以做d咩呢其實?仲有呀!瓶幾日都係我煮飯比tom食∼哈哈∼佢仲話好食tim呀^^我相信有一日我一定可以識煮好多野既∼哈哈

仲有....開始學緊日文,tom識∼所以佢教緊我,學緊最初個d音,好多好難記...唔知幾時我先會學識呢?哈哈哈...

 

 

2004年3月11日

今日一直係度upload下個網D相.....嗯嗯....有朱瑜生日既相,我妹子生日既相,上次去TOM家幫小貓影既相.....仲有陳煒比左佢大陸小狗既相我睇....佢隻狗好可愛,好似棉花糖,好想咬佢一啖,呵呵!

約左TOM同陳煒星期日去馬灣影相同釣魚....個度係一個魚村,我上網睇過人地影既相,個度好靚架,希望唔會令我失望啦!^^嗯嗯...之後要去食PIZZA!最近唔知點解成日都好想食PIZZA=.=最近愛上好濃芝士味既野!PIZZA  就係其中一樣喇!

之前去葵芳買左2包泠公仔番黎整,一個係企鵝~TOM要既,一個係龜龜,係整比朱瑜既!打算星期一比埋佢啦,反正打算去問佢借野!哈哈!好想整番<海底奇兵>,之前偽戲院睇左一次,同TOM去既,好好睇呀套野!我仲好想睇怪獸公司呀!之前人借左,但係放左係人地度,一直都垠礸f...要快D返去奏f先得!!!><

突然想起仲未睇哂<他與她的事情>.....好想睇埋佢.....嗯嗯,開始要留意下要買BB野喇,如果唔係佢突然出世咁點算......

 

2004年3月18日

今日去左做檢查,醫生話BB非常正常....真好!

約左星期六去排期...是時候了!唉

今日去左同朱瑜食飯,又去左睇佢比賽,雖然佢輸左,但我都覺得佢好叻呀>"<!佢跑得好快!Yanny都好勁呀,佢有射過籃呀!哈哈~

明天同Tom去食個個自助餐,唔知有咩食呢?哈哈!20蚊~都唔會有咩好食架喇!仲有~明天要搬野去Tom度lu~.....其實真係唔想搬喔...好鍾意係屋企...好鍾意好鍾意我屋企人喔!

好想好想做好多野!好想好想學好多野!好想好想對Tom好好!好想好想為BB做好多野!好想好想對家人好!好想好想養得起我太太!但係我有一種無能為力的感覺,其實我好似冇樣野叻,唉~我又可以做D咩呢?

 

2004年2月28

這幾日發生左好多事,感情上變化好大!之前3-4日我好懷疑我同Tom既感情啦,好多野諗.之後發生左一件事啦~咩事我真係唔想講!但係過左呢件事之後,我真係好想留係Tom身邊,我好想照顧佢,關心佢,好想將我既愛放哂入佢個心度,好想見到佢笑,見到佢幸福!我地對對方都好重要!

星期六返左教會,個日係尖沙咀一間餐廳,係一間基督徒開的餐廳,個度氣氛好好,好想同阿Tom去食下^^!個日見到好多好多好多好多好耐冇見既朋友~嗯.....同佢地傾過,心情好多d,可能因為大家都係年青人,所以傾得岩啦~又因為佢地人過我,所以佢地都開解到我!

時間不多了,是時間開始準備一切......

以前自以為自己開解人好叻,但...面對一個好傷心既人,我發現我咩都唔識做,只識得望住佢...好難受,個一種感受真係非常難受!好想可以令到人開心,好想帶開心比身邊所有人!

1