18/6/2003　(三)

衰仔　成日都唔聽話　成日都恰我
遲d唔同佢補習！哼！

17/6/2003　(二)

執左d唔要的衫出黎　佢地要拎去衣物回收
我留起左條牛仔裙　哈哈　好好玩呢~
今日開工　剪呀剪　鏠呀鏠　整左兩個八達通套呢
其實係亂黎　不過我好比心機　花左d時間去整
仲難過上次無咁是但咁整呀

跟住同左anita做gym　做左一陣就好倦喇
跟住去行下街街　食下野咁啦
super 三文治好抵　晚上六點後全部半價

16/6/2003　(一)

夜晚去左擔泥　好累　好滿足
好中意出盡力　好倦果種感覺

16/6/2003　(一)

今早　因為早了出門　上學的時候　我走的特別慢
今天是考試的最後一天　不知怎的　心情特別輕鬆
我沿著平時上學的路　　慢慢的走著　熟悉的走著
但感覺有點不尋常　我發現到今天跟平時不一樣啊
怎麼了？　依舊的路　但一點白蘭花香都嗅不到了
我停了下來　深呼吸一口氣　還好　有一點點餘香
想起上幾個星期　飄落的白蘭花瓣　就像仙境一樣
不用刻意深呼吸　都嗅到白蘭花散發出的陣陣幽香
抬頭一看　樹上的白蘭花所餘無幾了　地上的也是
花開開落　今天　也是我上大專二年班的最後一天
緣起緣滅　希望新一年會有新的景象　萬象更新啊
下年白蘭花如常盛放　甚至開得比今年的還要燦爛
我也要努力　今年不如意的事　不要讓下年再發生
我要努力做到最好　讓生活變更精彩　過得更豐盛
好了　首先　要收拾好心情　一會要好好完成考試
然後　出年順順利利的畢業　然後一切都順順利利

14/6/2003　(六)

同大朋友去左皇后戲院睇周末同床
我主要想講唔係套戲　而係間戲院
真係好正　如果有咩戲　我想去呢間睇
勁中意個feel　環境又舒服　勁中意ｄ位
仲有佢開場果下　仲有佢ｄ廣告　總之正正正
十個滿分得　佢足晒十個　哈哈

睇完過左蘭桂枋　去行下咋喎
不過有意外驚喜呀!估唔到有野睇呀
有本地索女派扣針宣傳香港　再行上少少
嘩嘩嘩　sexy女郎跳舞呀　扭呀扭
仲有個唔係好靚gei靚仔玩噴火
佢地果d應該係民族舞掛　好正
比人感覺火辣辣　仲好熱情tim！

今日實在好多位好想影相
我有帶想機架　不過無帶電之嘛

9/6/2003　(一)

約左爸爸媽媽同妹妹一齊飲茶,
不過考試早走左, 所以諗住去接媽媽放工,
媽媽番咁耐我都無接過佢, 通常爸爸會接佢,
希望今日接佢會有suprise啦~不過今日落好大雨呀!
去到當然有早啦,去麥記坐下溫下書先~~~
哈哈~估唔到撞到呀六舅母(哈~當晒係自己親戚咁)
佢同佢囡囡&朋友一齊, 更估唔到係佢入黎同我打招呼,
仲請我食雪糕~好開心, 同埋有少少唔好意思
(佢買左杯雪糕, 佢囡囡想食落去, 點知比佢叫住~
唔比佢食, 要請我食, 好好笑, 多謝晒^^~)
之後行去搵媽媽, 超大雨, 差d比佢走甩左呀,
好彩佢行番轉頭,如果唔係,接媽媽放工gei特務就失敗ga喇~
同媽媽一齊搭車車去地鐵站,oh~爸爸已經0係度等緊喇,
(我地兩父女好似接力咁~型呀!) 跟住爸爸就陪媽媽去抽血,
我就0係地鐵商場行行企企咁啦,再等埋妹妹就一齊去飲茶

7/6/2003　(六)

起身睇左少少Rosa, 又去左搵兩個字,
(好似永世都唔洗溫星期一科personnel咁)
湊左兩個字收工, 去左街市食mummum~
之後坐船仔過尖沙咀, 估唔到係我有少少暈浪~
我地去太空館睇GrandCanyon, 睇到好暈, 想嘔呀
對住螢光幕會暈車浪囉, 好似成日只係負責暈咁
不過Grand Canyon真係好宏偉呀!成套野就
好似親身經歷咁, 自己去都未必睇到咁壯觀
呢套野勁呀!兩個人都唔洗四十蚊, 勁抵!
(我呢d孤寒人仔,有平宜就彈埋去, 好彩有人頂得順)
仲有呀, 我地之前去左豆豆城tim呀~嘻嘻~唔願走
呢個免費遊樂場, 又多野玩, 就算睇d小朋友玩都夠開心啦!
仲係兩個字第一次想拖我手仔gei地方好似係, 哈哈
仲有disney我都好中意, 又有卡通片睇, 又可以玩公仔,
唔洗side $$買d公仔番屋企阻住晒, 一舉N得呀!
講番armarm睇完大峽谷,我地去左影貼紙相呢~
有張相好似咒怨呢~好恐怖耶~(我地笑左好耐~)
我mou0係後面好慘慘咁樣,,,(唔比你睇)

25/5/2003　(日)

咁就四個月喇　真係快樂不知時日過tim
享受與你相處的每一分每一秒

話說0係第四個月呢一日
我地依舊平平淡淡過(呢d叫細水長留)
我地0係屋企一齊睇哈理波特
因為琪琪0係度　所以唔可以成日痴住
不過我成日借d依痴埋你度　嘻嘻~

之後爸爸媽媽佢地又番埋黎
今次終於都無驚佢地喇~
好叻呀你!當見左家長ga喇(雖然之前都見過)
跟住佢地又問我你做咩咁快走
遲d可能唔問ga喇！因為佢地會慣
成日會有個人仔閃一閃上黎就走
又或者有一日　你會同佢地好好相處
^^　　　　　　　yeah!!!!

我地去M記必"立"既野

12/5/2003　(一)

今日放學搭小巴時，留意到沿路常見的那條龍舟，竟然翻新了
唔知係幾時既事呢，我發現自己好耐都無番意身邊既事物喇！
早前因為學校的事，成個人沉寂左落黎，認識我既人都知道，
我唔會點為學業煩惱，就算衰都貼地都唔多理架嘛，超衰呀！
一向都唔會為人際關係煩惱既我，今年竟然為左呢d野唔開心喎
好低B呀！　　喂喂！係時候甦醒喇　　　早晨喇！　　yeah！

7/4/2003　(一)

《大朋友version》　
今日好Suprise　
好開心　好興奮
多謝老婆的特別禮物
【之前份兒童節禮物失敗左】

(睇info張相, 大家去估下係d咩黎)
【第一次咁樣"秀"d字】
放心啦, 我會用架
我唔怕比人笑架....
因為係你親手整既

哈哈...(不過真係無諗過個樣野原來係咁既用途)
太好笑la 【衰衰衰衰衰~成日笑人】
(其實內心不知幾Sweet)【等我ting日整多個先~】

6/4/2003　(日)

好耐無同過大朋友一齊去做gym喇
我地今日同MingMing兩公婆去
仲一齊玩踏板舞tim~果堂踏板舞跳45mins
我地跳左15mins就汁野閃左
break果陣大朋友無啦啦話唔跳, 咁我就以為佢唔中意玩啦
點知原來係因為之前聽到我話倦，做運動梗係倦啦~傻豬黎ga,
我地咁就"side"左一堂喇~我仲想玩ga~大朋友話下次再陪我玩過,
不過我地要玩左kick box先!大朋友話想玩話左好耐ga喇~
之後我地行下銅鑼灣啦~陪大朋友買鞋, 點知自己又買埋一份
我地一人一對tick tick,好襯呀又，其實唔想貫AIR FORCE架,
好似成街都係咁，不過又真係幾靚, 又同老公咁襯~
雖然有discount又有coupon, 但都洗多左好多
仲話儲$$一齊去旅行, 睇怕有排都未儲到
不過是但啦, 都係開心姐~反正e+咁既時勢都係唔好去住
再之後, 諗住同大朋友買衫,成日都衰衰咁,著左上身又話唔好睇
最後都無貫到, 但我又做左d"FISH"野
跟住我拿拿林叫佢同我快D走
我好似每日唔FISH下比佢笑下都唔安樂咁~嘻嘻

5/4/2003　(六)

老婆第一次食完野識自自動動去洗碗喎
哈哈...【最後都係大朋友幫番我】

傻豬...以後都唔駛你洗呀
留返比我洗啦【就算我洗都要你跟手尾, 真衰啦我】

因為我對手天生要黎洗碗架麻
【你對手真係好滑好好拖呀!】

唉...我都係走唔甩架la
【係呀~唔洗諗住走架喇】 哈哈

3/4/2003　(四)

終於食到傳說中的楊枝金露走楊枝了(唔記得影低佢)
之前大朋友話：楊枝金露走楊枝，咪即係芒果西米露
計我話呢∼楊枝金露走楊枝係好味好多好多好多架！
你明唔明點解楊枝甘露走楊枝會咁好食丫？
係因為佢個名呀!!!
你知唔知呀楊枝金露走楊枝係全世界最好味既甜品呀
真係甜到入心入肺，因為有大朋友專誠送過黎比我食
係大朋友同竹竹佢地食飽飽，黎搵我之前專登去買架
每一啖都揚溢出無比既幸福~嘩哈哈~唔恨得咁多架喇
原本大朋友話食完飯借部ＣａｒｄＲｅａｄｅｒ比我
等我拯救番我地HoneyMoon D相(Card error.........-_-||)
點知大朋友黎到我屋企樓下，除左拎左部card reader
仲帶左碗楊枝金露走楊枝黎比個驚喜我，真係好開心
大朋友話：『你就好啦......有你老公買糖水比你食，
我今晚都無得食呀！』仲話羨慕我有個咁好既老公tim
哼∼扮晒野又承機讚自己，真係傻傻地∼不過我中意
不過我地咁幸福~又真係幾令人羨慕既~嘩哈哈~~

3/4/2003　(四)

終於宣佈左要停課停到四月廿一
已經由三月廿九開始停
想放假都放夠啦
如果大朋友又一齊放咁就唔同
e+放咁多日, 叫我如果過日子？
除左去physical做gym仲可以做咩？
得D group project, 都無得開會
做乜鬼?!哈哈~得閒可以去接放工!

2/4/2003　(三)

尋晚係我地一齊咁耐第一次XX(唔好提)
之後搞到大家都唔開心
等一次將同你呢D野放上呢度
都係為左警惕自己
我地大家都緊對方
唔想因為呢D野令到我地唔開心
尋晚係我地第一次亦都要係最後一次
我地大家都唔好比同樣既事再發生
好唔好？應承我！
要記得•我地勾過手指尾
唔得唔認數架•我知你唔會比我蝕底既~

我　飛得起
天地太驚奇　會碰到你
A Brand New Day