陳宇琛飛起嘉碧儀
14/12/2002
嘉碧儀早前傳出和石修之子陳宇琛擦出愛火花，但由於石仔和Kawaii亦同時傳出緋聞，而亦有指洪天明對嘉碧儀有好感，故造成一段錯綜複雜的緋聞四角戀。前晚石仔、嘉碧儀和Kawaii齊出席《鐵達尼之夜》時亦頓成被玩對象。其中一個遊戲環節胡家惠拿着一紮提子，要石仔和Kawaii一齊吃，兩人亦玩得十分投入，沒有半點尷尬。
成為四角戀的男主角，石仔坦言：「冇個真！我同Kawaii識咗好耐，同佢玩時好放鬆！(你被指係𠍇女王喎？)我未聽過。不過，Timing唔啱，做好手上嘅嘢先！」
而Kawaii亦指和石仔只是好朋友，Kawaii謂：「緣分嘅嘢好難講，(有冇發展機會？)將來嘅嘢唔知！」問到對石仔有沒有好感時，Kawaii坦言：「佢好好。不過，我有興趣，人哋冇興趣都冇辦法，人哋車人都唔車我，食飯又AA制，我有心唔代表人哋有意。」
不過，Kawaii事後卻被記者撞到坐石仔的座駕一同離開，真是自摑嘴巴！至於嘉碧儀亦否認和石仔的緋聞，有指洪天明送車給她，她說：「唔知道，我依家冇男朋友！」
BACK