《萬千星輝賀台慶》收視報捷，昨日特別舉行祝捷會，當晚表演拉丁舞環節，取得三十九點收視的張慧儀與阿叻當然有份出席，阿叻更叫埋負責排舞的霍紹裘一同到場慶祝。
張慧儀日前被拍到與霍紹裘撐枱腳的相片，昨日霍紹裘駕紅色法拉利接載慧儀到場，更有風度地幫慧儀開車門。問到慧儀有關事件，她表示不想多講，但見她昨日不時甜笑，又十分風騷滿場飛，似乎心情勁靚。她坦言與霍紹裘的關係比普通朋友好少少，叫大家給他們空間。問到對方是否展開追求？她說：「唔知，朋友食飯好普通啫！佢係非一般嘅，我唔想不斷回應私人事，佢唔係圈中人，如果我拍拖唔會否認，但我哋只係交往中，唔想畀對方壓力。」她直言在她眼中，對方乜都係優點，接受到佢至會一齊食飯。
昨日原本安排石修坐在阿叻、慧儀與霍紹裘中間，後來他識趣走開，阿叻、慧儀與霍紹裘亦大方影合照，霍更一直輕攬慧儀纖腰，表現親暱。
搵鍾麗緹做拍檔
阿叻表示睇報紙才知此事，並笑言：「你哋知我點解自稱『代客泊車』啦！其實係言中有物，依家見到車主啦！慧儀拍拖我會戥佢開心，揭開個獎知道唔係我嘅就冚番埋。」他笑言東華的Opening要找鍾麗緹做拍檔，因為慧儀移情別戀，所以他一樣要移情別戀。問到是否有甩難感覺？他說：「唔好咁講，朋友拍拖應該戥佢開心嘅。」胡杏兒昨日以短髮新形象出現，她笑指男友未睇慣她這個造型，對她說以為自己係基佬，搞緊基。
無綫製作部助理總監何麗全表示，由於張栢芝於去年的《歡樂滿東華》飛車受傷，今年仍會保留難度高表演，但一定不會再有任何危險，談到其中一個環節安排林嘉欣飛斧頭，剛巧阿叻走過，問到會否找阿叻做靶？阿叻說：「搵個矮啲嘅志偉做靶，咪點飛都飛唔中囉！」而謝霆鋒、Twins在英皇慈善演唱會中的表演環節，亦會於當晚播出，何麗全希望能籌得過百萬的善款，現在正聯絡善長仁翁。
《萬千星輝賀台慶》收視報捷，梗係要慶祝吓啦！
BACK