Edith

佢係中五repeat那年認識,佢係小弟最熟既女性朋友。佢呀,乜都識架。絕對係「入得廚房,出得廳堂」既女仔,如果小弟可以食到佢煮既飯,飲到佢煲既湯,就有福啦(笑......)佢為人好隨和又大方喎,做野又快手,正﹗雖然無見佢好耐,但每次見到佢我都會好開心架,同佢講乜都得架。仲有呀,佢唱歌好好聽架,唱邊個就似邊個,仲唔係歌后黎。

                 

Michelle

係中六個年識既,佢好鬼靚女架。佢俾小弟既印象係好文靜、斯文、又鍾意笑、又好玩得、又好好人既女仔。同佢多數係ICQ見面。 佢唱歌都幾好聽架,如果佢出碟既話,小弟一定會支持呀...哈哈!

    

丁丁

佢又係靚女黎架。但千祈唔好以為呢個係花名喎,曾幾何時係佢既真名黎,咁既名都係小弟第一次見。不過佢已經改左第二個名lu。佢俾小弟第一個印象就係好cool,而且成日叫人”noun”開。但其實佢係一個外冷內熱既女仔。仲有呀,佢整既網頁好鬼靚架,小弟真係要甘拜下風,向佢拜師學藝先得啦。佢宜家同男朋友蜜運之中,真係羨煞旁人啦.......

          

Queenie

呢個frd由小學識到宜家架啦,估唔到小學畢業之後會係馬理信重聚lor,好開心喎。宜家中七畢業之後,每年都可以係小學同學聚會中見面啦。
 

 

  1

1