七月,我考完試,小玲要番美國探望父母,我都跟埋佢一齊去,因為我都好耐冇到美國lu~(呢度要再重申一次~佢去美國d錢

係玲玲亞爸亞媽寄黎比小玲既~之後小炳再加多少少湊夠數岩岩好買到機票過去~係咁多~)~o係美國,小玲住o係父母屋

企,而我就住o係附近既Motel~每日,我地兩個都會o係LosAngeles四圍玩,非常開心,因為o係果度,冇人會識我地,唯一識自

己既人係對方~

就咁樣,我地o係美國西岸,玩左差唔多一個月,咩地方都去過,去左環球影城,又去左迪士尼~八月初,帶住緊張既心情返香

港,因為會考就快放榜~

o係返香港既飛機上面,小玲咩都冇講,只係睇住座位前面既電視機,好多心事咁~

[唔洗緊張喎~~唔好擔心~~]見到小玲緊張個樣,邊個都會咁講啦,更何況係我~

[成績唔好咁點算?]小玲真係好擔心佢自己d成績~

[唔洗緊張....]我都冇野好講,只係默默咁陪住小玲,不知不覺間,我地兩個都訓著左~

訓醒果陣,飛機差唔多返到香港~

[我送你返屋企先啦,聽朝我再黎陪你返學校,唔好擔心~]

終於到左放榜既時候,小玲既成功唔錯,有19分,升原校;Cat同YoYo都唔錯,分別有18同埋21分,都升讀原校,但係,小玲仲好

似唔係咁開心咁~~

[做咩呀,仲唔開心ge?比我好好多喇喎~]我問佢

[係呀,比我多一分tim~]Cat都有d羨慕~

[我......]小玲好似有d野講唔出口~

[做咩呀,小玲,做咩事?]我當然擔心小玲佢,由美國返黎香港果陣,小玲已經一直都係咁~

[我....o係美國果陣,見到一間學校,讀左一年就可以入大學.......]

[香港冇大學咩?點解要走呀?]YoYo~

[有.....但果間大學可以讀歌劇,但香港冇~]

[哦~咁都好喎,你一向都鍾意歌劇ge,要比心機呀~]我開口~

[咁你幾時走呀?你捨得Derrick咩?]

[明年二月左右,入讀下學期~我當然唔捨得,但係冇辦法,要讀書嘛~小炳,多謝你呢幾個月黎對我既照顧,我要讀既係歌劇,

可能要四圍去ga,你要自己保.....]

[唔洗講喇,我明ge...明年二月係咪?距離而家仲好遠~]我感覺到小玲今次走,除左係去讀書之外,係有其他原因,只不

過o係Cat同YoYo面前唔方便講~

[翠翠走左,玲玲你都......只剩低我同YoYo....]Cat平時活潑開朗,但而家都有d傷感~

[好喇,唔好咁啦,你地成績都唔錯,去食壽司啦,我請~]又係壽司!

[好呀~]    [多謝小炳!]

呢一晚,Cat同YoYo都要返屋企報喜,我本來都約左d fd,但最後都係留低陪小玲~

知道左小玲要走,我好似有d唔自然既感覺~

[小炳你係咪有事,點解一聲都唔出ge?]

[冇事,你真係要走?仲會唔會返黎?]

[我鍾意呢度,但我更加鍾意歌劇~]

[你可以搵到你想讀既野,我都好開心~]

[你會唔會唔記得我ga?]

我望望天上面既一彎明月,諗一諗,又睇睇小玲~

[唔會~我會緊記住同你一齊既日子~]

[我都唔會,雖然.......]

[雖然咩野?]