帶位員用一支光線好微弱既電筒指住小炳佢地個位~之後我地就好快咁坐左果度喇~

[咦~你買左咁多野食ge?]

[係呀~你地要唔要?]

[好呀~多謝你~]佢地五個女仔就好唔容氣咁接受左小炳d零食~反正佢所買既零食都足夠食一個星期~

[我地有薯條呀~你要唔要呀?]佢地都好勁~竟然有M記薯條~

[咁我都唔客氣喇~]

唔知點解呢~佢地連大家叫咩名都唔知~但就已經傾得好埋~

"梁祝"係一套家傳戶曉既故事,結局都好感人~在場既大部份女觀眾都睇到忍唔住流眼淚~當然啦~我隔離果五個女仔都唔例外~

嗚~~嗚~~~~

[要唔要tissue呀?~~~]我即刻由個袋果度拎出黎

螢幕慢慢轉黑,字幕由下面升上黎,場內開始兗起柔和既燈光,觀眾亦都開始離場~散場之後~五個女仔可能心情仲未平復啦~冇意識咁跟住小炳,即係我~行到戲院門口,我諗都係冇謂講咁多野,只係安慰下佢地~

[唔好咁啦~做戲之嘛~唔好喊啦~]
.................
.................
.................
[係咪肚餓呀?對面有間Pizza Hut]我試下引開佢地注意先~

[好呀...]一個好簡單既答案

到左Pizza Hut,五個女仔既心情大概平靜左好多,又開始吱吱喳喳起來~經過我地六個人長達15分鐘既研究,分析,討論同埋爭辯之後~得到以下結果:

[唔該~我地要一個"超級至尊大厚批",一個"千島海鮮厚批",不過要芝士邊,加埋香蒜包,意大利粉,忌簾雞湯同埋1 jar檸檬百事~]好似有d過份....

五個女仔之中~其中一個一直帶住帽~我正想問佢d野...但撞到個難題~

[喂~亞邊個邊個.....？？！]佢叫咩名呢?

就o係呢個時候,我地大家先發覺相處左成兩個鍾,但到而家都仲未知大家叫咩名~

[係呢~你地叫咩名ga?]

坐我對面,即係帶帽果個女仔首先自我介紹~[我姓施,全名施詩~英文名叫Agnes,你叫我全名施詩又得,詩詩又得~反工個音都係一樣~]

[我叫翠兒~英文名叫Joyce~你叫我翠翠都得~]估唔到真係有人叫"翠兒"

[我叫詠欣~英文名Cat~]

[我叫嘉怡,英文名Yo Yo~]

[我叫黃佳慧,英文名Elaine,係台灣人,叫我玲玲就得~咁你呢?]唔怪得佢把聲咁特別啦~

[我呀?我叫Derrick,o係學校d人多數叫我"楊伯",不過你都可以叫我做"小炳"~]

我地大家傾左10分鍾之後.......

[打擾哂~~呢個係你地既Pizza~]

[唏~釘橋呀~]於是我地大家都好唔客氣咁開始我地既Pizza喇~

就係咁~佢都互相介紹左~認識左大家~

第二集完