這麼美麗既日落,實在令人著迷, 紅紅而又唔刺眼既陽光,柔柔咁照o係虹之橋上面,就好似一張眼前既名畫一樣~
咩野都唔再緊要,只係想時間為咁靚既景色停留,我同小玲兩個都冇再講野~只係靜靜咁睇住,睇住~
[我......]小玲先開口講野~
[咦?係,咩事?]
[我想出去行下,好冇呀?]小玲笑笑口咁講~
[好呀,我都係咁諗,就到附近既公園好冇?]
[好呀!]小玲用力咁點頭~
兩人雖然冇咩點講野,但大家心裡面都好開心,只係唔想講野,特別係我,我唔出聲唔代表我唔開心,o係我瞼上可以搵到既
就只有笑容,最清楚我呢種性格既當然只有小玲啦,所以小玲佢都唔多出聲,靜靜咁跟住我~
o係距離酒店唔遠既地方有個公園,呢個公園都不錯,綠意盎然~
[呀,好彩仲未完全日落。]小
玲目不轉睛咁睇住就快要返屋企休息既太陽~
[係呀!仲好靚tim~]
因為聽日我要到秋葉原,所以當晚我地先到銀座行街,唔知o係邊個時候我地已經拖住左對方隻手~
呢晚我地o係銀座,食飯,行街,買衫,玩日式波子機,大約十二點半左右才返到酒店~沖完涼之後,我地各自訓o係自己既
床上面看電視~
[Derrick!]
[咩事呀?]
[我到左美國之後你有冇掛住我呀 ?]小玲真係好想知,但係表面上就扮講笑咁~
[當然有啦~]
[真係ge?]小玲個樣有d唔信~
[連我都唔信?]我托一托眼鏡話~夜晚既我除低左隱形眼鏡,帶上一副厚厚既眼鏡,我特登托一托,令小玲笑起上黎~
[o係美國果陣真係好想返香港,o係果度一個朋友都冇,打電話比你地,又怕將你地嘈醒.......]
[傻女,講咩嘈醒唔嘈醒喎!]
[都係唔好意思嘛~]
[妳仲講!......]
呢一晚,我地傾到好夜先訓,好似係三點~~