第二朝早上,我同小玲一早就起左身,o係酒店既餐廳食早餐~

[咁今天到秋葉原要去到幾點呀？]

[呀,唔知呀,做咩事？]

[我想去原宿~]

[去行街？妳琴晚仲買唔夠咩？]小玲真係好勁,一晚已經差唔多用左三萬日元~

[當然啦！仲有好多要野要買呀,我地聽日就返香港喇,邊有時間！]

[咁下午大約四點左右走,之後再去原宿啦！]

[好呀！]小玲開心得到差d彈起~

我最鍾意電腦,但小玲只係講左一句說話,他就"割愛"去陪小玲~除左詩詩之外,小玲係第一個能夠令我將電腦放低既人~

到左秋葉原,小玲跟著我走,唔知點解,每到一處,我總係會被問到:[佢係咪你女朋友？]或類似既問題,我唔出聲,亦都冇回

應,直到我地走到一個日式既算命攤位.....

[Derrick玩丫！]小玲又用她果雙亮晶晶既眼光望著我~[試下丫！]

主持既人冇問我地d咩野,只係叫我地分別答電腦上既問題,之後講左一段我地完全聽唔明既日文,再叫我地望望個螢光幕:[相襯度：９４％]

呢一秒,我地兩個完全進入靜止狀態！∼∼直至主持既人將公司簡介,卡片同一大團資料比我地,我地先有反應,

而大家既反應都係笑！

我地離開攤位果陣,主持既人已將我地個名字掛到最高"Derrick & Elaine 94%"~原來我地係目前最高分數既一對,

第二果一對都只係得７９％~一邊走一邊笑,我地冇講野,只係o係度笑~差唔多四時,我地就搭地下鐵到原宿~

到左月台,咁岩有架列車準備開出,我立即拖住小玲趕住o係關門之前上車,o係香港我地都經常有追火車既經驗,

當然可以o係關門之前上到車啦~上左車,我冇放手,小玲都冇,就咁樣我地就拖住手去原宿！