我地一行六個人首先搭巴士到金鍾,再轉搭渡海小輪到尖沙咀~o係渡輪上面,我地依然有講有笑,非常開心~而詩詩佢一邊依住我,一邊睇住我送比佢果十二枝玫瑰傻傻地微笑,個心甜到不得了~
[仲笑喎~仲諗緊岩岩d開心野呢?]翠翠問
[緊係啦~係Derrick送ge,你羨慕?]詩詩仲陶醉緊~
[車~Derrick永遠都係咁偏心ge~]YoYo
[哼~係又點喎~詩詩係我最愛既人~你地唔係~]係我~
我呢句話又一次感動左詩詩~
[Derrick,如果我唔o係度,咁你會點呀?]詩詩問
[點會呢~你點.....] [咁我話"如果"嘛,快d答我!]
[如果呀,um.....]我諗左一陣,[唔話你知~]
[哼!]詩詩冇再追問我,好似已經知道左我會點答~
我地到左尖沙咀,就即刻轉搭地鐵到太子,然後就行路番詩詩屋企~愈近詩詩屋企,佢地就愈多野講,希望用說話黎掩飾佢地既緊張同埋不安,但我同詩詩就一邊行一邊唱歌~
[我到喇~]詩詩每次都係咁講~
我好似以往咁,輕輕咁錫左詩詩,正準備離開果陣,詩詩佢冇放手,依然覽實我~
[丫~係呀,呢張飛比你~記住21號星期三果晚,我o係場裡面等你~]
[我.....]詩詩開始喊
[做咩姐,係咪開心到喊呢?傻豬,唔好喊喇~你仲要做我老婆仔ga~嘻~]
[係~我仲要做你老婆仔!]詩詩比我幫佢抹乾d眼淚~
[你會唔會記得我ga?]詩詩好認真咁問我~我雖然覺得呢個問題有d奇怪同埋好唔自然既感覺,但始終亦都好認真咁答番佢~
[無論點樣,我都唔會唔記得你~琴日唔會,今日唔會,聽日唔會,永遠永遠都唔會!o係我心目中,你永遠係我既最愛,冇人比你更加重要~]
[真係ge~咁就好喇~]詩詩又笑番喇~但同一時間,玲玲同亞Cat就已經忍唔住偷偷地喊起上黎~
[咁你21號記住黎喎~ByeBye~]我地兩個分開喇~
[I Love You~ByeBye~]詩詩
詩詩笑住同我講完ByeBye之後就同玲玲佢地走左入大廈大門,因為佢地全部都喊緊~我見佢地入左lift之後先至安心走人~呢次係我同詩詩最後一似見面~詩詩返到屋企之後就即刻被送番醫院留醫~
返到醫院之後,詩詩既病況急轉直下~到左星期一,更加需要用氧氣罩~
九四年十二月二十一日,天陰~呢一日係我讀果間中學三十周年聖誕舞會,我六點幾就o係場裡面等詩詩黎~我冇同其他同學講詩詩會黎,因為我想比大家一個驚喜~全場只有一個人睇得出我o係度等人,佢就係我既同班同學樹熊~
[你等緊人?點解唔同其他女仔跳舞ge?]
[仲有時間喎~等多一陣仲得~]
時間一分一秒咁溜走,已經八點~我打去詩詩屋企,但冇人聽電話~我只好返去場裡面一邊跳一邊等~
十一點lu,舞會完左,但詩詩都仲係未出現,我開始覺得有dd不安~d同學話一齊去食宵夜,但我拒絕左之後就即刻返屋企打電話比詩詩,但係冇人聽~
二十二日一早,我再打電話比詩詩,同之前一樣,冇人聽電話~於是我打電話比玲玲希望知道咩事~
[~~喂]
我一聽就知道係玲玲~[喂~玲玲呀,我係Derrick呀~]
[呀~~~~]玲玲一聽見我把聲就即刻cut線~
[喂喂喂~~]
我唯有打多次電話比玲玲~今次玲玲冇cut線喇~
[對唔住~岩岩按錯左"制"~]
[唔緊要啦~係呢~你知唔知詩詩佢去左邊呀?我等左佢成晚,佢都冇黎呀,唔會有事
掛?]
[呀~~不如你出黎先講啦~]
就係咁~我地就約好左o係美孚M記等~~
第九集完