一個16歲既戀愛故事

九四年八月,不算得特別酷熱,學生都過住多姿多彩既暑假生活~一個普通的暑假,

睇落去好似冇咩特別,但故事往往由呢度開始......

小炳,男,十六歲,帶眼鏡既傻頭傻腦青少年~暑假後就係中五學生,唔鍾意讀書,

但鍾意電腦,暑假當辦公室助理,負責送信~平時多數同d fd去唱k,食煙,飲酒~

詩詩,十四歲,可愛但又有d神秘感既女仔,升中四~校內成績唔錯,因為佢年輕左d~所以暑假冇做暑期工~

平時鍾意同d fd去行街,睇戲~

八月二日下午,天晴,小炳一個人站在旺角某戲院門口等緊fd~佢地約好左三點三十分等,但係時間一分一秒咁過,

差唔多四點喇,但站在戲院既依然只有小炳一個人~西片院線既戲飛已經賣哂,d人開始入場~

[點搞ga,都四點幾喇,佢地班死仔唔會唔黎呀.....]一切不幸都比小炳講中左~

[反正請左假黎,點都要睇場戲喇~]

小炳懷住無聊既心情走到售票處準備買戲飛,佢並沒有在意睇咩戲,理得老唔老土,西片又好,港片又好乜都好,

只要有戲睇,消磨時間就得~

[幾多張?要唔要連位?]

[比一張我得喇~]跟住由座位表上面隨便咁揀左個位~小炳指住座位表上某個位話[就呢個位啦~]

買左一張唔知係咩戲既戲飛之後,小炳就開始入場前既準備工作~雖然話就話係一個人je~但呢d準備工作唔可以馬虎嘛~

買左汽水同埋野食之後最緊要就既~就係去廁所~咁就可以入場喇~

就o係入場果陣~小炳前面有五個女仔~佢地有講有笑~驗票員好認真咁驗票~排隊既人一個一個咁入場~

好快就到左前面果班女仔~可能係我好奇掛...我唔覺意望到佢地d座位編號~

[咦~係咪隔離座呀?]

[嗯~係咩?]雙方一路行,一路互睇對方既戲飛~

[真係隔壁座喎~咁我地跟住你行得喇~正~唔洗我地自己搵位~]其中一個女仔話~

[做咩要我搵喎~你地自己都要搵呀~]

[冇法啦~你係男仔嘛~係呢~做咩一個人黎睇"梁祝"既,你女朋友呢?]另一個女仔問~

[梁祝?]對小炳黎講~又點知套戲叫"梁祝"喎~

[你唔係連自己睇咩戲都唔知呀?]又另一個女仔問~

[緊係唔係啦......點會唔知喎~~"梁祝"丫嘛~]

小炳o係呢五個女仔"圍攻"之下~變得好無奈~完全冇得還手(口)~

[係咪比女飛呢?哈哈~]

[有咩可能呀?我都冇拍拖~]小炳即刻答~

[哦....]

就係咁樣~六個人一路行一路講終於到左帶位員旁邊~等帶位員帶我地搵位~

第一集完

HOME