My Diary

12.11.2002

    "小鳥天空"於這一天正式開幕，雖然個網頁仲未算係最靚、最完美，但其實已經花了我不少的時間。我會盡自己能力去多些更新網頁內的圖片，資料…務求令到每一位來臨本網頁參觀既人士，都能盡興而歸…享受這一個五星級的家。

15.11.2002

   我有寫日記的習慣，但就唔包括網上日記，所以要我每天都上網打日記，原來都係一件幾困難既事喎…點算好呢？

16.11.2002

   睇了許志安演唱會，果然係實力派，每一個動作、神情、舞姿和歌喉都交足功課…可以講話係非常完美，好有heart的一個個唱…最重要係唱了一首我最鍾意最鍾意的歌，其實一直都以為佢唔會唱架，因為首歌，由始至終都唔係好hit，所以當我聽到初段，知道安仔將會唱的時候，覺得好意外，真係好開心、好激動。原來親身聽到現場唱個心情係咁…難以形容架！好想留住那一刻…非常之希望。完場之後，我仲有衝動買多一場飛，睇多一次，聽多一次現場"心靈相通"…可惜！

   其實有句說話好想同你地講架…雖然我知你地當我好朋友先會咁樣對我，先會用咁既態度來同我相處，但可唔可以有時尊重一下我呢？有時的說話令我有種人生攻擊既感覺，好唔開心…有某幾刻我好想喊架。