Family

    亞Bon屋企都算係一個大家族,有好多親戚,所以由細到大有任何節日,都會係好熱鬧.

    我婆婆有六個兒女,十個孫....換句話說,我有一個大舅父,二舅父,三舅父(他小時候已過新,我從未見過),姨媽,我媽媽,發一個四舅父;十個孫中,我排第五.兩個表哥、兩個表姐,我,兩個妹妹和三個表妹,勁呢!!


    我和其他一般家庭冇乜野大分別,生長o係一個中等家庭.一個媽媽,一個爸爸,兩個妹....一個細我3年,一個細我6年.有自己一個家,唔需要同亞麻亞婆住.一直以黎,我都覺得我自己係好幸福....老竇係經理,亞媽係主婦,有自己o既家....生活環境ok,96年買左第一部私家車....一家5口剛剛好.當時,相比起其他舅父、姨媽,已係最好的.

    大舅父....以前係5星酒店o既大經理....但因鐘意飲酒,以至終日醉酒鬧事....冇工做....同老婆,兩個仔女關係極差....早年前亦因為飲到肝都出血....o係醫院訓左好幾個月,有一日返返o下學,仲收到電話話佢就o黎唔得,即刻趕去醫院....好彩,事過境遷....希望佢生生性性.

    二舅父,亦有兩個仔女....但我表姐因出世時發高燒,以至成為一位弱智人仕.表姐不善於表達自己,所以有時會做一o的意想不到o既事,無端端喊....我亦試過無啦啦比佢打....舅父舅母要照顧她....心情點會係時時都咁開心丫.

    姨媽,跟一個愛賭o既男人結婚....但自從姨媽誕下女兒之後,他便不了了之....冇盡過一分做老竇o既責任.獨力養女兒一個.

    四舅父....畢業不久跟中學拍拖o既女朋友結婚,生左兩個女.但終日鬧交,又打交....最後都係離婚收場.兩個女撫養權係跟我舅父,之後交比我亞婆照顧.似家已經再結婚了.


    十幾年黎都係好幸福....但係好境不常.公司減人手,我老竇亦比人抄左.佢由畢業之後,就已經係做呢份工,因此佢有一個好高o既職位,收入係可觀.比人抄左之後,成日o係屋企黑口黑面....(不過唔關事,跟本佢同我地一向都冇溝通)

    失左業差唔多成年....佢見o個排紅酒業幾好....就拎o的錢出o黎開舖頭.佢係一個從未接觸過紅酒呢樣野o既人.起初第一,二年,生意的確係好好,o個時好境,o的人可以淨係買紅酒都可以過萬....1997年金融風暴,全香港經濟開始轉差....因此生意亦一日比一日差.家人力勸close左間舖,唔聽!Then,賣車....最後連樓都o係我亞媽不知情o既情況下按埋比銀行.Ok,咁都算勒....佢放唔低間舖頭.

    但係諗都諗唔到o既係....原來佢o係舖頭度識左一個有錢婆....後來比人發現左....'梁炳強'呢個咁o既人佢答應我亞媽係會離開呢個女人,但係佢冇,一次係咁,兩次係咁,三次都係咁....呢o的咁o既人,我覺得係不知所謂!!只係一個識得同一o的豬狗不如o既男人飲酒,同'食軟飯'o既賤男人!!!你做過o的乜野,我永遠都唔會忘記,我亦希望呢世都唔好比我見到你!!早o的返去咬你o既老軟!!!!!

    所以,最後離唔開依家香港o既家庭風氣~'離婚'.不過都冇乜大分別,因為十個家庭,有八個都係會咁,試問有幾多個真係有一個小康之家?如果您係o既話,恭喜您,您仲係生活o係幸福之中....好好珍惜.

    我亦好多謝o係o個段期間聽我訴苦o既朋友....幫我o既屋企人.


    現在

          亞Bon生活得好開心....雖然有時係會覺得辛苦o的,因為要靠自己.不過我亞媽又何嘗唔係?我同佢都要出o黎做野,我地為o既係生活....而且我仲有兩個我疼鍚o既妹呢.辛苦唔打緊....因為....我覺得最緊要係過得開心.

    Right Now,我有自己o既事業,家人,朋友,同事....我滿足了.


Mother's Day 2003

1