BoscoLand

TVB Weekly ISSUE . 329 陳凱怡為黃宗澤減肥

平時見陳凱怡外表嬌滴滴咁，諗住佢都應該幾窈窕，點知有日電視妹探班，場戲講佢俾蛇咬，黃宗澤要抱起佢，拍完之後黃宗澤竟然嗌晒救命，而凱怡就鬼死咁尷尬，仲非常唔好意思咁話 : 「我減肥囉!」不過其實睇番凱怡的高度，佢有番咁上下磅數(約一百一十幾磅)都好正常啫 !

凱怡同Bosco(黃之洋名)鬼鬼祟祟咁躲在草叢後，原來是為了躲避麥包和官兵的追捕。

突然之間有條蛇出現並咬了凱怡一啖。

中蛇毒可大可小，Bosco情急之下惟有抱住凱怡出去自首，不過看來他抱得相當吃力噃 !

麥包見到自己個妹暈倒，以為Bosco做咗手腳，怒目相向，仲即刻搶番凱怡添 !

TVB Weekly ISSUE . 329 黃宗澤學小鳳姐開個唱

知道四場地有個「大良魚燈節」舉行，電視妹當然要趁吓熱鬧，去到場地竟然聽見有人大叫「徐小鳳」名字，唉!咩小鳳姐都有到場咩?

眾村民手揸魚燈出席魚燈節，並興高采烈地欣賞一場刺激嘅搶魚燈表演。

突然，黃宗澤坐住一部吊車喺天空飛過，仲不停同大家揮手，此時就有人大叫:「嘩!好似睇緊徐小鳳演唱會呀!」

宗澤一手將魚燈搶過來，好似幾威風喎!

但話口未完佢就連人帶燈跌落黎。

咁高跌落黎都冇事?都係多得有張「人肉牀褥」咋!

邊個咁唔好彩?咪飾演Bosco阿爹嘅駱應鈞囉!仔壓老竇，罪過!罪過!

唔敢玩機動遊戲
已經有兩、三次吊威吔經驗嘅黃宗澤，呢日除咗由高處跳下嘅一個鏡頭外，全程都自己親身上陣，見佢坐喺吊車上氣定神閒，轉身、搶燈都冇有怕，諗住佢一定係機動遊戲狂啦!點知佢話俾電視妹知，原來佢好怕玩機動遊戲個喎!
「我唔敢玩呀!如果叫我玩跳樓機，我肯定會叫救命，試過俾人捉去玩海盜船，我全程都瞇埋眼唔敢睇。但我又唔係驚吊威吔喎!可能我覺得機動遊戲信唔過啦!」
唔好以為Bosco好細膽呀!因為佢話一世人點都會跳一次笨豬跳喎!

Bosco冧大細老婆
原來Bosco好識氹人，好似呢日咁，喺化妝間隨時候命拍戲嘅佢，收到工作人員一個電話就立即將汽水機內嘅汽水禁晒出黎，兼且親自送外賣到場地，將冰凍嘅飲品奉上，不知冧得佢喺劇中嘅大小老婆幾開心。

話明係大婆，Bosco當然好識做，第一時間將罐汽水俾正室郭藹明。

二奶通常都得到老公歡心，陳凱怡亦唔例外，所以佢可以跟大婆平分春色，得汽水一罐。

做咩陳國邦會指住重要部位呢?因為Bosco將請佢飲嘅汽水放咗入去，原來Bosco唔係淨係識得氹女仔歡心架!

TVB Weekly ISSUE . 327 郭藹明做咗烹飪顧問

養專處優咗一排嘅Amy郭藹明，最近返TVB拍劇，電視妹咪去探吓佢班囉!咁啱嗰日佢要拍一場鬥廚藝嘅戲，簡直係開正佢嗰瓣啦!因為早排唔駛開工嘅日子，佢就喺屋企鑽研美食，所以手勢都有番咁上下架!

見Amy切得咁開心，黃宗澤貪得意又想試吓，不過技術就梗係唔及Amy啦!

TVB Weekly ISSUE . 326 麥包火場勇救小孩

電視妹收到線報話古裝街某茅屋發生火警，於是拿拿臨走去了解情況，原來係<足秤老婆八両夫>拍攝一場大火戲，只見現場火光熊熊，有位男士手抱一個小孩衝出火海，贏得全場掌聲，原來呢位咁勇猛既男士係麥包黎架 !

不過呢個時間麥包就怒氣沖沖咁質問黃宗澤(Bosco)做咩放火燒屋。

雖然Bosco連呼冤枉，不過眾人均指證他是縱火兇徒，今勻佢真係水洗都唔清 !

Bosco本來在書齋一角既稻草上睡覺，但稻草突然起火，嗱!Bosco，就算唔係你放，但D火都明顯係因你而起啦 !

現場火光熊熊，溫度極高，攝影師都要用布包住自己同部攝錄機才可以進行拍攝呢 !

散熱奇招
是日天氣炎熱，再加埋拍火戲，令人簡直猶如置身熱焗上，熱既程度係就算坐定定唔郁D汗水都會一直流，呢個時候，道具之一既乾冰就成了藝員既至愛喇 !
後生仔Bosco用手棒住D乾冰，覺得不知幾咁透心涼!

Bosco自細已是搗蛋王

在劇中角色搗蛋、周圍闖禍的Bosco，今次又搞出一場火災，細路仔好多是都鐘意玩火，不過Bosco就話細個未試過因為玩火而玩出禍，反而試過玩炮仗整爛成棵植物。「記得細個最「百厭」的一次係和同學玩炮仗，(香港唔係唔俾玩炮仗架咩?)我唔知佢D炮仗從何而來呀!有得玩梗係玩喇!我地去到公園，正商量應該點放，最後俾我地發現公園裏有棵盆栽，於是咪擺在盆栽上放囉!結果成棵盆栽爛晒!」嘩!Bosco呢次行為，除了可以告佢非法玩炮仗之外，仲可以告佢破壞公物添!各位大人和小朋友，千祈咪學呀!

TVB Weekly ISSUE . 324 黃宗澤、姚樂怡阻人結婚

結婚是人生大事，就算係人地結婚，都應該替人地高興，但電視妹早幾日就見到兩位麻煩人，竟然係大地大婚之日搞亂檔，原來佢地一個係怕家姐嫁錯郎，一個係幫細妹出氣，咁都算情有可原既 !

電視妹收到風話古裝街有人嫁女，咁咪去趁下熱鬧囉!一去到就見到大妗姐孭緊個新娘上花轎。

點知呢個時候，有個人大叫一聲「咪住」，大家都回頭一望，哦!原來係新娘既細佬黃宗澤(Bosco),家姐結婚都遲大到 !

點知Bosco一黎到竟然唔係恭賀家姐，而係叫佢唔好嫁!

細佬竟然係度大潑冷水，文女文頌嫻唔嬲就假既 !

呢個時候作為佢地老豆既駱應鈞見到Bosco咁胡鬧，即時扯晒火 !

弊!駱應鈞怒氣攻心，突然呼吸困難，上氣唔接下氣咁，容咩易喜事變喪事架!Bosco，今次你玩大左喇 !