開心指數
: 99分 開心既暑假已經走左喇! 真係好令人難忘! 點解今次我會咁耐先update我既homepage呢? 原因只有一個 --> 太忙啦! 我太忙住去玩喇! 呢個暑假我做左一份暑假工,又係果d野喇,教下電腦course,令我可以買到一部Palm。 我買左一部Palm IIIc,係有colour架,又可以load一d color 既 game入去玩woo,你話幾好呢! 但係其實,事實並唔係咁順利呀,話說回來,我果日去買Palm,本來係買Sony既,但係問下問下,佢又叫我買color機(因為本來想買黑白機),又見唔係好貴,$1650+$200(皮套),咪買返去玩下law。 咁就開始煩喇! 好喇,一返到屋企,一定好心急去試下,點知呢? 無論我點,佢都係話"fatal exception",嘩,一見到fatal就已經好驚喇! (不過佢話7日有壞包換) 我好心灰咁試過超過20次,心諗冇喇,冇得玩喇! 咁我第2日立即去換喇,佢(殷生)幫我hard reset又work得到woo,又冇見"fatal exception"出黎,咁我咪又返去美人度打麻雀law。 返到家,我又試,唔得啦又,咁我就話喇,"我一定要佢換過一部新既比我",佢(殷生)真係換比左比我,跟住我又試又係唔掂,果刻間,真係心都淡喇! 咁我好認真咁諗,我做錯左d乜,又玩我??? 我諗左好耐,我finally明白自己錯左一個好小既step,我試下錯左佢,掂左掂左喇!!!! 真係成個世界都靚d呀!! 到宜家,我已經無敵喇!! 我對Palm IIIc 一d問題都冇喇,我睇左好多次說明書,又睇過好多web,明白左好多。 所以話呢,唔好怕辛苦,一定有收穫!! |
開心指數
: 100分 今日好開心! 因為我有幸被"肥仔sir"問我有冇興趣讀 research degree (ie 研究生),嘩,我開心都黎唔切呀! 不過,你地都知喇,讀Master一定要second upper 成績grad呀! 我都唔知差幾遠呀陰公,不過我都會比心機啦! 仲有,我同左美人既朋友食dinner,佢地好好傾呀,不過呀佳好似傻左呀佢,佢好鬼傻呀! 仲有呀翔,雪欣,小雲,一齊玩呀,好開心!
|
2001/09/11 AM 00:10:20
開心指數
: 10分 生命中沒有意外,它就是你的反射 |
2001/09/21 PM 11:20:38
開心指數
: 50分 其實,我都有一隻智慧齒生得唔係幾好,不過醫生冇叫我剝牙woo! 真係好驚呀,姐姐宜家有一個好大既洞呀,仲有一條黑色既線。 要過多一個星期返去睇多次呀,哎呀,痛死人咩? 我由下個星期開始,一連兩個星期去上保險堂,仲會係10月8號考保險牌,到時如果我pass左,我就係一個保險agent喇! 各位朋友,如果有工作,又有諗過買保險既話,打比我喇,同我傾下喇! 你知我信得過架! 我就黎開始忙既喇,但係唔好唔記得同我玩呀!
|
2001/10/10 PM 11:38:00
開心指數
: 30分 |
2001/12/31 PM 6:35:49
開心指數 : 0分至100分??? 太耐冇Update過自己既homepage喇,我連自己既password都差d唔忘記左喇! 唉,都唔知自己攪乜! 知唔知點解,我個開心指數會係0分至100分呀? 因為我好煩,我唔知道自己攪緊乜諗緊乜呀? 我本來都好開心既,大家知喇,我地今年考左試先放聖誕假,我宜家應該好開心咁享受緊假期。 但係我唔係law,我同美人同呀瑩之間太複雜喇,令我覺得好唔開心同不安! 我知道同樣地佢地兩個人都為左我呢個人而唔開心,只係我察覺得太遲喇! 我傷害左自己,美人,同呀瑩! 我知道其實大家都冇錯,只係大家既表達方式唔同,所以引起咁大既矛盾!!! 我冇後悔過我所做過既野,只係我做得唔夠好,我知道就算我有多一次機會,我仍然係會咁... 所以問題已經變左質喇,唔係愛唔愛既問題喇已經,而係我可唔可以負擔得起... 我好明白自己既自私懦弱,亦已經睇到自己不足,但...我希望...一切可以歸於平淡... 在此,祝大家唔要似我,要好開心,要好比心機過今一天呀!
|
2002/01/07 PM 8:35:16
開心指數 : 100分 我同美人之間既問題好似已經解決左喇! 我真係舒左一口氣,多謝! 係我有問題呢段時間,我明白到原來自己係唔可以咁自私,因為我身邊其實係有好多朋友幫緊我同美人。 講真呀,係佢唔開心既時候,我真係做唔到d咩野,相反你地就做左好多,好似 小 Vic Vic喇,Billy喇,吉米喇,Karmen喇,Winnie喇,Wendy喇 ... 所以,美人宜家可以開心番真係好多謝你地呀! 我聽日要返工呀,你地呀唔好成日唔儲錢呀,同我買番份保險喇,你地第日就知道你今日開始左買其實係對自己好好! 今日知道左今個sem既成績喇,好失望呀!
算喇! 人生就係咁悲! |