第二年回顧
2003年6月13日(星期五)
終於都完成0左第二年---第四期0既抗戰。今年真係都幾多事發生，我用word儲存0既日記都有成40頁，幾厲害……大部分0既事都係開心事，重要0既有：擺脫lbd、識到dada同學……等等。上年開學係9月尾，我收到個時間表果陣，見到好多堂，好似好辛苦咁，不過都仲有兩日係返晏，所以口話辛苦，但係其實都唔係真係咁辛苦。最辛苦0既都只係星期一同星期三，因為係返全日。下學期仲辛苦，日日都返早，最慘係星期三，唔係因為好多堂上喎……0岩0岩相反，0個日只係返兩堂，不過要返8點半，其實上年學過0既econ都係咁上下，所以其實佢係我咁多堂最唔想上。0岩0岩開學0既一個月，我成個人一直都warm up唔到，個腦完全諗唔到0野，0個時真係好辛苦，又要迫自己成日諗0野喎，不過突然間有一日竟然無啦啦個腦好似開竅咁，又突然間諗得返d0野。宜家分部分咁回顧0下啦！
miss、阿sir篇
year one上過Mr. Yung堂就已經知道佢好多0野講，不過誓估唔到佢直頭成部錄音機咁，將上年講過0既0野講返晒出唻，令到我一度計劃推出0既「Mr. Yung語錄2」都被迫放棄。
學期頭上law果陣都有d唔習慣，因為只係寫note都可以成兩堂都唔抬頭咁寫，條頸都唔知幾痛呀！主要原因係miss好少會要我地抄note，一般我地上law堂都好似做翻譯咁，解釋d英文咁，一度令到我以為自己讀錯course。至於上financial acc. 就一定會訓著，因為miss把聲實在可以一開口就令大半班訓晒0係張檯度。曾經見過最壯觀0既係放break果陣都只有幾個人行出課室(包括我)，其餘0既人留0係課室0既，都只係做同一件事---訓覺。management個阿sir係新唻，一唻學校就刷學校鞋，最叻上堂吹水，不過佢就教到人學識要去諗0野，而唔係死讀書。上堂最free0既就一定係mak sir囉，堂堂都聽佢講一d好道德0既道理，得閒就做0下功課，最正係考試只係讀佢俾0既兩頁note就可以，咁正0既課目去邊度搵呀？另外仲有個英文miss要講0下，佢係一個澳洲人，口音超重，聽死人。上堂玩多，不過功課就超多。
到下學期，終於都俾我見到傳說中同傳聞中0既花花同mandy ho，花花一向都俾人話佢好惡、記仇、小器，經過我地相處0既一段日子，我發現……佢仲係一個吹水王，上市公司主席(傳聞3月尾上市)、咩澳洲煤氣公司、幫人打官司、學生父母請食飯，同埋教過嶺南，以上事件都係佢經常掛0係嘴邊，俾人投訴得多，SARS假期之後，終於都有d改善，不過好不幸，學期尾個學生論壇就俾個佢鍾意0既學生投訴，0個個同學竟然係向校長投訴，花花都不甘示弱，廣發email數臭個學生，仲要個學生還返晒送俾佢0既書。至於mandy ho就係Mr. Yung成日掛0係口邊0既靚老婆，人靚唔靚就見人見至，不過佢把聲就一定好好聽，因為佢把聲經過咪之後就會好似收音機咁，仲有，佢0既堂d timing都好似唔係好0岩咁，學尾果陣都總會有其他0野做，人就坐0係課室，不過d人就拎住其他科0既0野做，次次都俾mandy ho話，話完之後個個都依然無聽書，做自己0野。
之後仲有「朋友篇」呀。