第二年回顧
大事篇
要數今年大事，一定係adlbd成立，其次係花花事件。
adlbd成立
adlbd成立於2003年2月28日，事源 lbd做出一d令人無辦法可以原諒0既事，於是我地就下定決心要擺脫佢。擺脫佢0既過程簡直係一波三折，destroy low b dog mission亦都曾經成為我地adlbd初頭一、兩個星期每日必然會做0既事。後來成功擺脫佢之後，我地由其他人口中知道，又或者係我地親身經歷到一d我地估都估唔到0既事，例如：佢一方面同我地示好，希望我地可以一齊做功課，而另一方面又準備同其他人一組做；初期扮傻扮唔知發生咩事啦；向misty投訴啦；成日say sorry但係又唔知自己做錯d咩事啦……太多，太多啦！好在宜家我地終於都完完全全咁擺脫0左佢，而adlbd亦都會有極大可能0係下一年就結束，因為我地已經有另一個新目標——(未定)hahaha......
花花事件
花花係學校人見人憎0既一個人，佢好多0野講，又話自己中學果陣係讀中文學校，讀好多詩，但係又話自己去0左澳洲十幾年，d中文唔記得晒，又不過佢已經返唻香港都有十年囉喎。又話個以前個鬼佬上司好唔捨得佢走，又話個上司爭住一定要加佢人工，又話寫信俾董先生，又話幫人打官司，之後又講佢參加果d咩咩會議，個個爭住請佢食飯。都唔知佢咩人，成日都係講道理多過講書，真係人人喊打……原本SARS假之後，佢都成個人變0左，好過以前好多，不過臨學期尾0既一個星期先被人0係學生論壇度向校長投訴，都幾「杰」，不過亦都可以話幫我地洗脫0既一d嫌疑，因為我曾經一度覺得佢懷疑係我地adlbd唔妥佢。
之後仲有「小事篇」