我0係宜家間學校認識0左唔少0既同學 (有d係唔同年級0架)，先講我最好0既同學(戰友?!)啦！fanny係屬於我呢間學校0既第一個認識0既同學仔同朋友仔，我同佢可以話係同一陣線，佢係一個好勤力、唔馬虎0既人，每事都全力以赴、不容有失，所以無論project定考試都有好高0既成績，好多project都係靠佢咋！而成績同佢0既玩樂程度係可以成正比例，係一個勁人呀！我好欣賞呢類人呀！

Queennie係我俗稱0既「麻煩人」，我覺得佢有d無腦 (我相信有唔少人會認同)，miss、阿sir有時0岩0岩講完0既0野佢會要人再講一次，另外佢極鍾意問人一樣0野問3次 (注意︰係用唔同0既字眼問3次)，有一樣0野係我最唔鍾意(我相信唔只我一個人唔鍾意) 就係佢好鍾意睇完或者知道人地個test同exam分數之後唔話返俾人知，就好似我地講起會考成績咁，其實能夠入呢間學校0既，成績好極有限啦！佢就好安靜咁聽完人地d成績之後又唔話俾人知佢幾多分！成日話︰「唔知呢？」又或者「好差喎！」大佬呀！你唔講就唔好聽啦！我最憎呢種人呀！仲有呀！叫佢做project搵料佢就直接0係書度抄，d字又唔靚，睇到我地一舊雲都仲不特只，最重要係d料係完全無用 (公道d係佢唯一一次搵到d有用料係英文poster lor，果次仲係我出盡九牛二虎之力叫佢去搵0架！)叫佢開會呀、搵料呀、幫手做呀！就扮忙啦！又話有測驗呀、中文導修，佢好似以為只有佢先要溫書，而我地唔洗咁，一句講晒，無腦兼麻煩啦！

0係呢間學校最精彩0既日子係有2次咁多，就係一連四日肇慶交流團同埋考試前趕project。先講交流團再講趕project啦！

我咁大個女第一次參加交流團，我地去0既地方係肇慶，今次0既交流團令我得到好多好寶貴0既經驗，好深刻，真係好深刻。雖然玩多過真正0既交流，但係都見識都唔少呀！人地間學校好大，環境都唔錯呀！除0左多蚊，哈哈！最重要同寶貴0既係我識0左幾個唔同年級0既同學呀！雖然講唔上熟絡呀！但係0係我心目中都已經佔有一定0既位置，其實0係學校見到面我仍然好想去say個hi，但係我又有d唔知點咁！唉…

輪到講學期尾0既密集式project，其實對於project，我0係中學都做唔少，每次都死去活來咁！而我宜家呢間學校對於project 0既要求絕對唔比中學時0既要求低，永遠都係deep、deep、deep，最好係個題目係自己諗0既，更恐怖0既，係數量方面就比起中學果陣高出幾倍(以前一年一份，宜家係一、兩個月要幾份)，可恨0既係佢地(係好幾科)都好遲先至話你知點做，個題目係乜0野，佢地d心態就好似要你死無全屍，希望學校可以升格為大學之前，先升格為行屍走肉大專一樣。好多高年級0既同學都會一致認為year 1只係honey moon，但係我就已經好似歷盡滄桑，我曾經試過連續3日趕同一份project，而且由朝早10點不停手做到夜晚3點幾，打字都打到手陣，未計我之前做0既資料搜集，year 1都已經咁，高年級0既就更厲害啦！因為我曾經0係夜晚3點幾都仍然可以見到為數不少0既不同年級同學online不過掛晒n/a，而我個contact list度已經搵唔到代表online 0既花花！場面極之壯觀呀！不過我覺得好「正」呀！因為全校0既同學都為自己project正在努力呀！