year 3

學校的大事篇

今年算唔算有大事發生?我諗點都唔及year 2多,我自己覺得最大件事會係英文阿sir俾人炒。首先,我真係無諗過個sir會係一個教開中學0既阿sir唻教英文。第二,阿sir自己話0係澳洲大學畢業,但係d英文就差到……經常串錯字。第三,佢完全當我地係中學、小學生咁教,之後我自己覺得佢仲要係有d睇唔起我地,佢可能覺得我地入唻讀書只係過日晨0掛……但係試問我地交成3萬幾蚊學費,真係唔想讀書咩?即使當我地中學生教,都唔係咁!結果,佢終於都知道大專生0既力量,佢知我要填一份有關老師0既批評紙,佢竟然第一次低聲下氣咁,叫我地填佢好d。但係我覺得係佢0既問題,至少我地由頭到尾,上佢堂都無倒亂過……佢要咩功課,我地都俾到佢,竟然佢不仁,咁我地都唯有不義。結果阿sir教唔到一個學期就俾人炒0左。 今次我係第一次體驗到,我地班都幾團結。

除0左呢個阿sir無得留低,都仲有好幾個account miss、阿sir都走0左……至於原因,咁就唔知啦!今年我要上0既科目有9科;costing、stat、AIS、taxation、eng、soci、FM、FA同埋 law。整體唻講,我地今年都唔算多科目,所以今年0既時間好似都過得特別快,不過我自己就覺得自己好似無學過0野咁,尤其stat,個個都話易,但係我就唔知點解d test鬼死咁低分,我真係會以為自己會唔合格要重考,點知又俾我考試拎到分,果陣我真係諗,成績表有d,我就開心,c-就bonus,點知我竟然呢科有c,雖然唔算得上係一個好成績,但係我好清楚,「c」絕對係我呢科0既極限。至於其他科,我諗都應該會合格,我只係希望唔好低過c就ok啦!

今年俾year 2 教FA個miss教taxation,開頭諗住佢教,呢科實唔得,實會訓覺,點知又唔係喎……不過佢都係講兩句,就停一陣,我諗可能係佢慣0左講兩句,等我地抄低d notes……不過我真係好少抄咁多0野(未計law)。除此之外,olivi教我地stat同costing,周不時都會見到佢……延續返上年阿sir吹水風,今年橙餅都係咁多0野講……上堂都唔知佢講咩,係要到臨考試前先知要讀 d 咩。至於下學期,FA阿sir就永遠有遲到、早走,都唔會早到同遲放,佢絕對係一個有時間觀念0既阿sir!至於全年最難讀0既 law,我真係好討厭果張檯唔似檯0既0野,頭幾個星期,真係坐到頸都痛呀!真係要搵隻手托住個頭唻上堂。不過好彩到最後都好似習慣到,條頸都無咁痛,不過就輪到個肩頭痛囉!最後就連我0既頭痛都出埋……數到全年最free,都可以話係soci,得閒又可以傾0下計,有時有錄影帶睇,都幾正,不過真係估唔到考試真係要背0野。

其實今年year 3我地都好似無休息過咁,我真係估唔到今年個 sem break竟然得4日,一星期都無,我地仲要用個sem break去趕埋我地個英文project,之後一路到4月先有復活節假,咁先叫做有返放假0既感覺。其實話自己忙,都唔係真係咁忙,原因係我地其實唔算多test,功課亦都唔算多,但係就好似咩點停過咁。我地放0左好多時間去做d project,我自己最滿意係英文個group project,除0左miss俾我地幾高0既評價,我自己都覺得都幾ok,係個presentation唔知點解自己讀到咁核突,可能自己真係讀得唔熟。而個mock interview,都幾好呀!為0左個mock interview同presentation,我走去買0左套suit,成幾百蚊呀!連埋鞋都 total成千蚊,真係肉痛死!

時間過得特別快,咁又三年,諗起幾年前,仲話要讀四年先讀完,但係宜家只係得返一年(如果唔洗 retake 0既話),又想快d讀完,但係又想停留0係讀書0既階段……

back to year 3