year 3
朋友篇
呢幾年唻，我身邊0既朋友無咩太大0既轉變，由year 1開始識0既fanny、catherine、同winnie都仍然坐0係我身邊，0係學業上，佢地都幫0左我好多……當然仲有其他方面都幫我分擔0左好多。
Fanny由year 1到今日，都係我地咁多個之中最叻0既一個。Fanny除0左英文堂，基本上都係坐我左手邊，原因係佢鍾意坐邊邊位，我諗都可能因為咁，所以先可以令到佢year 1 第一日就坐我隔離……到今日。諗起仲有一年0既時間，我諗下年Fanny都會係坐我隔離0掛？坦白講，如果呢幾年唔係有Fanny坐我隔離，我都唔知自己可唔可以讀落去……呢幾年唻，我覺得我地咁多個，Fanny 係最無咩點變0既一個，除0左佢個頭……變0左曲髮。最有記性果個都係佢，每次考完試，佢都記得我地講過d咩……又記得d題目。我真係覺得佢好叻。
至於Winnie，佢係另一個經常坐我隔離0既人，佢俾我地改名做「蠢蠢地」，俾我地講到Carrie、Cat同Janet佢地都知道，我諗差d就連Winnie都以為呢個係佢個真名，因為人地叫佢Winnie佢都開始唔識應。其實Winnie你會唔會介意呀？坦白講，我自己覺得都幾得意，絕對唔係贈興，不過我都幾相信，係一d好熟0既朋友先會係咁樣叫你「蠢蠢地」。而事實上，我始終都係覺得「祥根」呢個名0岩你多d……haha……唔好嬲喎！因為你真係會遲三分鐘先會笑前三分鐘0既0野。我好想真心講句，你真係帶0左好多歡樂俾我地……我能夠過到一個咁多姿多彩0既year 3 ，真係要真心咁多謝你。除此之外，你都幫我分擔0左好多，你聽我講過咁多0野，有時仲講到好夜，你唔一定幫我解決到問題，但係你真係好好0既聆聽者。
Catherine係另一個我呢幾年唻好重要0既朋友，幾乎做project，佢都有好多唔係好實際0既idea(請容許我用呢個形容詞)，但係其實就係佢呢d idea，先令到我地project做得咁好，有時我聽到呢d idea，我都有即時有d抗拒，其實唔係個idea唔好，而係我自己需要d時間去消化，但係Catherine就可能以為我唔明，咁佢就會講完一次又一次，所以我有時真係覺得好煩，但係事實上，過一陣，我就覺得佢 d idea係可行，好似有d矛盾……另外，我覺得Catherine今年真係好努力，永遠最早溫書果個都係佢，呢幾年唻，我真係對佢另眼相看，相對之下，我就好似懶散得多，希望Catherine可以keep住啦！不過就唔好成日都咁緊張……
我希望出年year 4，我地四個人都可以繼續一齊努力，向我地四個共同理想進發。