以下, 係我o地兩個人o既故事...

 written by bryan & tiffany

 2001年4月21日, 其實係4月21日o既大清早(4月20日o既半夜)...
 好鐘意唱歌o既bryan同埋tiffany, 咁o岩都上o左去Yahoo! o既chat room諗住唱o下歌,
 tiffany o係Yahoo! o既網名係akubiakubi520, 而bryan就係shall_we_sing...
 當akubiakubi520唱到差唔多最尾之際, 睇到chat room內有行文字彈出:
 "shall_we_sing: 我想唱首歌..."
 於是akubi唱完之後就用mic同shall_we_sing講:
 "shall_we_sing你唱啦, 又話唱, 咁耐都唔見你唱o既...?"
 "你hold住o左支mic, 我點唱...." 又一行文字彈出...
 (真係好好好蠢o既akubi!!! hold住�髐鄝ic都唔知,
 不過, 佢都係初o黎報到, 所以真係乜都唔知o架...)

 就係咁樣,佢地認識左對方,仲成日一齊o係chat room度唱歌...
 就係咁樣, 兩個人就開始o左一段緣份, 一段一生一世o既緣份...

 後來, 佢o地轉換到o係ICQ度傾偈, 仲日日傾到天光都唔願訓,
 期間佢o地仲識�髐@名中國籍牛女, 名叫cowball, 芳齡19歲...
 佢o地經常三個人浩浩蕩蕩咁走去chat room度, 不過傾偈多過唱歌,
 唔知由幾時開始, 佢o地興起��"咬咬", 日日係咁咬(文字上),
 同時, akubi對sing o既好感就愈來愈大,
 但係, 佢發覺sing鐘意o個個似乎係cowball而唔係佢,
 所以akubi成日都好唔開心, 仲決定避開佢o地,
 當時o既akubi實在睇唔過眼, 因為sing online時第一個就會咬cowball,
 而cowball又會報串俾akubi知, 令到akubi好唔開心,
 akubi只有少D上chat room, online都invisible唔見佢o既, 但始終都忍唔住要online,

 但原來, sing咬cowball, 係因為sing知道cowball一定會報串俾akubi知...

 唔知點解, akubi有o的咩心事都會同sing講,
 而sing都試過同akubi講, 兩個人其實好似好近, 但係又好似遠...
 唔知幾時開始, sing同akubi就開始用ICQ o既chat room傾偈,
 有時傾傾�鼣ㄦ|出現"咬咬"o既情況, sing會扮唔開心, 扮痛,
 而akubi就會呵返甚至錫返, 相反sing咬akubi時亦都一樣...
 而佢o地o既溝通方式係冇乜人會明o既, 因為佢o地只係用英文拼音出o黎o既中文,
 至少牛唔識, 所以有時o係chat room度, sing同akubi都會用"我o地o的話"傾偈...

 好快, sing同akubi開始用電話傾, 而且又係日日都傾到好"早",
 仲唔肯收線, 要拎住個電話o黎訓, 久而久之, 兩個人都......
 但係佢兩個都好唔sure對方心入面究竟有冇自己, 所以遲遲都冇出聲,

 akubi就更加唔敢多想, 因為sing曾經同佢講過, 

 "我以前真係好花心, 成日都hurt到人,

 所以我以後都唔會亂咁鐘意人, 除非我真係好鐘意佢......"

 而且, akubi覺得sing只係當自己係妹妹, 始終大家相差四年, 難怪會有咁o既諗法,

 另一方面, sing又以為akubi仲鐘意佢以前o既男朋友, 所以...
 但係有時佢o地已經做到好明顯, 只係大家都怕表錯情...

 有一次, akubi同sing又o係ICQ chat room度打字, 傾得好開心...
 突然間, akubi傻o左, 只係打左一推英文字母出o既, 想知道大家係唔係真係心靈相通,
 例: 將"我好開心呀"轉做拼音就會變成-----> or ho hoi sum ar
 但係akubi只係打"o h h s a"
 點知sing真係明akubi講乜, 傾傾下, sing突然打: "m m k s o h j y n g..."
 當時akubi定��, 因為佢竟然知道sing講乜, 但係就好好好唔肯定...
 sing好鐘意叫akubi做"貓貓" <-----呢個係關鍵
 你o地又估唔估到sing講乜呢???
 akubi真係好唔肯定, 但係佢心入面就淨係諗到:
 "mau mau kei sud or ho jung yi nay ga..."----->"貓貓其實我好鐘意你o架..."
 弊... 點好呢, akubi個心好難平伏呀!!!
 於是佢扮唔知, 問sing究竟講咩, 但sing只係話"你唔會明o存喇..."
 其實sing心入面一直諗緊, "萬一佢真係估中, 咁點兜好呢??"
 正o係呢個時候, akubi就話"貓貓其實... 其實乜o野呀?? 講俾我知~"

 有一日, akubi話好想睇"同居蜜友"呢套戲,

 sing就話"不如我同你睇�鮕", 就係咁, 佢o地就約出o黎o勒,
 睇緊戲o個陣, akubi撞親個頭, 坐o係隔離o既sing就用手掃掃akubi個頭, "你冇o野�儦�?"
 o係呢個時候, sing其實好想順勢將佢隻手放o係akubi o既膊頭上面,

 但係佢最後都冇咁做到...
 睇完戲之後已經入夜了, 而佢o地仲唔願走(大家都好唔捨得)...
 "不如出旺角囉", 佢地就出o左旺角行, 其實夜麻麻有咩好行呢?

 加上o個日又落住雨, 皆因大家都好想見多對方一陣...

 佢o地行下行下, 成日都借o的易行到好近, 仲o係度玩bu bu jit~
 之後, 大家行到一個閂o左門o既舖頭前面, jit下jit下,

 突然大家眼定定咁望住對方, 就o係o個陣佢地都觸o左電...
 o係呢個情形低下會發生咩事呢? 錫錫? 答案係乜事都冇發生, 又一次大家當冇事發生...
 其實o係呢一剎那, 大家都有好強烈o既感覺,

 但係akubi同sing都唔知自己係唔係會錯意, 所以大家都唔敢"輕舉妄動"...

 就係呢晚之後, 佢o地每日o係ICQ, chat room, 仍然如常咁傾計,

 但係對方o既感覺, 其實增加o左好多好多...
 有一晚, 佢o地又係ICQ傾到深夜, akubi叫sing去訓, 但sing唔肯, 竟然話要錫錫先肯訓,
 終於akubi打左比佢, "錫錫"... akubi讀左兩個"錫"字出o黎,

 sing話"唔係咁樣呀... 要真係o架..."
 akubi猶豫左一陣, 就o係電話度錫左sing一淡,

 但因為個無線電話有o的干擾, sing聽唔清楚, 
 佢諗"佢係咪錫o左呢?" sing雖然唔肯定, 但都錫返akubi一淡,
 正因為無線電話沙沙聲,大家都唔係好sure對方係咪....
 最後, o係呢一晚, akubi同sing就�隋磾蚢q話訓著o左...

 之後, akubi去o左一間寵物店度做暑期工,

 有一日sing就去接佢放工, o係呢一晚, 佢o地一齊搭地鐵,
 同平時一樣佢o地又o係度玩bu bu jit, jit jit��,

 當sing正jit緊akubi條腰o既位置時, akubi o既電話響起,
 sing停左jit akubi, 但隻手就冇縮開,

 akubi一路講電話, 而sing的手就一直在akubi o既腰間,
 講講��, akubi個頭側到sing o既膊頭上, 就好似一對情侶咁...
 之後, akubi收o左線, 大家又好似冇事咁繼續jit jit, 過o左兩個站, sing要落車lu...
 雖然落o左車, 但車內o既akubi, 同車外o既sing, 都不約而同咁一直諗住頭先o既情境...

 又一個夜晚, sing又一次去接akubi放工, 今次sing買左隻公仔匙扣送俾akubi,
 akubi好開心, 佢o地 又一齊搭車, 一直去到akubi等巴士返屋企o既地方,

 akubi同sing都好唔捨得...
 因為大家o既心裡面發覺, 其實好多事都好似好明顯, 但係點解偏偏......
 sing曾經寫過張字條scan比akubi:
 "和你談笑之間, 不只似朋友,
 難道你會沒有感受, 無論是哪個密友難像我溫柔,
 能熱戀與否, 需要時候都可沿途伴你走"
 而akubi亦寫返:
 "誰信男女之間, 走得這樣近
 從沒有以熱吻親近, 明日共你有沒有無限個可能,
 其實不要緊, 那親切感是愛或是情都不要再分"
 愛與情呢首歌, 就係佢o地一直以來內心o既寫照, 大家都好喜歡對方, 就係欠o左D...

 呢一刻, 眼前o既對方, 仲只係朋友...
 akubi就快要走喇, 佢o地照常玩佢o地o既bu bu jit,

 大家的雙手, 都放o左o係對方o係腰上, jit jit jit......
 兩個人, 好近好近, 甚至比旺角觸電o個次更近, jit jit jit, 兩個人再一次定o左神...

 akubi問"你做乜突然間唔怕jit o既...?"
 sing"唔知呢? 試下jit後d......"
 akubi將手走撓後o的, 呢個時候, sing緊緊咁擁抱住akubi......
 呢一刻, 大家終於可以真真正正感受到對方o既存在,

 而一直以來抑壓住o既感覺, 亦再唔需要掩飾...
 跟住, 兩個人深深o既一吻......