霜凝Family

:::Family rules:::

最初哩度只有一個普普通通可以升級又有靚圖揀的留言板, 一開始沒有幾個人可以傾得埋, 但半年來這裡慢慢熱鬧起上黎, 愈來愈人一齊上黎傾計咯, 而大家既感情一日比一日好, 最後終於演變成「霜凝家族」----我地係網上面的另一個家, 只要入得黎既我地都會當佢係好姊妹好兄弟看待, 唔係用把口而係用心。好歡迎「你」的加入呀, 雖然係無咩著數比你, 不過無論你有咩無聊野或者心事, 都可以同我地傾, 依到每個人都絕對親切。

本來不打算立任何家規來限制住, 但這樣會很亂, 所以需要一套制度來管理, 再加上近來有人為升級而亂留言, 家規唯有更嚴謹啦(可是不用太怕)。

雖然是這樣,不過做朋友仔其實感覺舒服就可以了, 家規要守, 感情無限哩! 。

新加入成員需要篇數留夠1000篇 (唔係為難大家, 只係想各位有多D時間溝通, 唔好三四日就有新人加入,因為我地真係想搵0岩feel 既做屋企人)

到1000篇之後, 就要我地舊成員投票,有讚成,反對及棄權票....而投票地方就會去「家族秘密事務板」用悄悄話方式進行(大家就可以暢所欲言,閉埋門一家人,講乜都得)
新加入成員需要有半數以上(即16人以上) 既讚成票先可加入....(棄權票唔計)

而我地個家族暫定成員人數為50人

留言要超過一百篇就可以有專用圖^w^, 到時可以自己揀幅心水漫畫圖或保留用開那一幅send給jojo就可以了。

咳咳…唔該各位新的朋友仔…唔好因為貪玩而特登谷篇數, 留一些沒有意思的話。
因為咁樣即係唔係真心想入我地個family..........到時投票我地都未必會投你讚成的一票！
唔該你地要諗清楚！因為個板板真係會負荷唔到~個板板係我地的屋企,你地都唔想無家可歸o家~~如果比我見到你地為左入family而谷篇數唔好怪我唔客氣咁罵你地呀~~
霜凝family只係一個代號,我地唔會因為你地唔係family member而唔同你地傾計,唔同你地做朋友,只要入得o黎的我地都會當佢係屋企人都係好朋友,所以入唔入到family做member都唔重要
***如果再比我地發現有人谷留言,我會好嬲,到時我就唔會同你地客氣***

係屋企係唔可以暴粗同對屋企人人身攻擊,如果唔係後果自負,但係當比人蝦時要一致對敵

而星期四下午(香港時間3:00pm)係每次計算篇數的時間....星期五一整日係投票時間(可投贊成,反對或棄權),而星期六就係update Family chart的時間, 每月更新兩次(唔想jojo咁辛苦)

家族一切事務最終由霜凝情迷醉顏樓網主霜凝拍板決定

係咪好似規矩多多好麻煩哩?? 其實一句講晒, 只要妳係善良同有心加入, 根本唔需要想太多, 無論你係咪家族成員, 我們也開定門招待你 ====> 一齊傾 ^w^