舞緣份? ( 1 )
人物介紹:
小魚:櫻井魚(日本名)係由香港移民到日本既16歲女仔
慶太:w-inds.主音
龍一、涼平:慶太既拍擋兼好朋友
小魚揭開雜誌,見到關於慶太既訪問…
「當我遇到喜歡的女生,我會馬上考慮結婚。」
「咁細個就考慮結婚?」小魚不禁問左一句。
小魚被慶太所屬既唱片公司睇中,公司安排佢好好咁秘密訓練一年,佢要學跳舞、學唱歌、學日文、學樂器等
等。每日都要去上堂,忙到透唔到氣。
每星期2都去排舞室度學跳舞,係小魚必須做的。
但係呢個星期2就令小魚一生難忘…
小魚到左排舞室,等左好耐…排舞老師都未黎到
突然間,有人開門,小魚好開心以為老師到左
但係睇清楚,原來係師兄慶太…
慶太見到呢個容貌精緻可愛既女仔,令佢好有好奇心想認識呢個女仔。
「你好!」慶太好精神咁對小魚打招呼
「唔…你好~」小魚好緊張咁回應慶太
「你係咪等老師呀?老師今日病左喎…」
「係呀…?咁…」
「不如我教你啦!橫掂我得閒」慶太擺出一副好專業咁既樣子
「哦…好呀」
「黎啦~起身跟我跳啦~」
小魚不時望著鏡子裡面既慶太,佢跳舞既時候真係好認真,而且特別有魅力添!
跳左幾首歌,小魚同慶太都好累啦…
坐低休息既時候,慶太就趁機同小魚傾偈…
一路問的時候,小魚以不純正既日文回答。
慶太覺得呢個唔係日本人既女仔真係好有趣
「你叫咩名呀?」
「我…叫小魚呀…」小魚好怕羞咁回應。
「哦?你知嗎?我最憎魚架啦」
「哦…係呀…?」
小魚聽到慶太呢句之後,以為自己怕羞既表現令到慶太覺得佢好討厭…
加上小魚不知道其實慶太既意思係指唔鍾意食魚…
但係慶太真係唔知道自己既無心快語已經令小魚同佢之間產生左誤會。
「我夠鐘要去上日文堂啦,我走先啦…再見」
「哦,好啦,下次見」
慶太繼續坐在排舞室裡面等龍一同涼平黎…
上日文班既時候,小魚一直都心不在焉…
對於慶太剛才既說話耿耿於懷…
因為小魚一直都好重視別人對佢既評價。
返到屋企,連睡都睡唔到。
第二日,又要到排舞室學跳舞,今次慶太一早就坐左響排舞室裡面等小魚。
「早晨呀!小魚」
「係!早晨呀~慶太…」
「坐低呀~我想同你傾偈呀~」
「哦,係…」
慶太今次對小魚以前住既香港好有興趣,二人都傾得好開心。
老師到左,打斷左二人既對話。
慶太坐響一邊睇著小魚學跳舞,小魚初學跳舞,動作唔純熟。
慶太越睇就越覺得小魚好搞笑、可愛。
小魚就因為慶太不斷望住佢而好緊張,舞步亂哂。
老師都不耐煩,叫小魚專心d跳舞。
上完跳舞堂,就到w-inds.練舞,小魚真係好想睇慶太跳舞,但係又要趕住學鋼琴,唯有走先啦…
小魚發現自己好似對慶太有少少好感,但係一想到慶太個次既一句…就心都淡埋…
小魚每堂跳舞堂,慶太都坐定響排舞室等小魚,每次大家都傾得好開心,同對方越黎越熟,慶太亦都睇住小魚
跳舞越黎越有進步。
過左幾個星期…
今日小魚見慶太無坐響排舞室裡面,就好記掛住慶太,心裡面成日諗慶太點解無黎,搞到成日記錯舞步,俾老
師鬧左一餐。
兩個鐘既跳舞堂終於都完左,小魚同龍一、涼平撞到,小魚即刻好緊張咁問
「請問點解淨係得你地,慶太無黎既?」
「唉~慶太佢病左呀…」
「下?佢無事嘛?」
「佢而家響屋企休息緊呀,唔知佢點呢?」
「請問慶太住響邊度呀?」
龍一同涼平對望左一陣…
→ Next