賽事精華 (18/11/2003)    

     今場本球隊初次蹅足青衣球場,並且初次我個SDU伙記球隊,睇佢地熱身嘅時間個個幾舊腹肌,都知道呢期兇多吉少,不過上半場都可以力保不失,但係盧志就真係撲過不停,上咗重要嘅一課。

           到咗下半場,我哋隊波嘅弱點經已表露無遺,就係氣力不繼,無計啦,個個三張幾嘢,唔係食就係飲,無人突然粹死已經算係咁嘞。見對手又插花又三角短傳都無能為力,最慘就係對手撻Q之後喺盧志落地接波之際俾另一個對手符碌篤到個波改變方向碌咗入網,真係唔低。跟住落嚟大多被人禁住嚟打,個個左撲右撲,仲攪到我跳頂完之後隻右腳賣老抽添,真係羞家。之後連大吉都頂唔順換埋出場,得番阿春單天補至尊,結果俾對手再連下兩城輸到三比零,正當球隊處於絕望之際,喺臨完場前憑寶強交一個直線俾阿東,阿東不負所望將皮球送入龍門,引來全場喝采。