賽事精華 (11/12/2003)

          今仗喺將軍澳人造草場再遇富仔行家,大家都懷住恬硬嘅心情作賽,點知行家請咗一個球證同埋兩個旁證,打唔慣越位嘅廿七軍前峰頻頻遭殃,而後防亦不時被對手攻破越位陷阱,不過都算享受咗場真真正正嘅足球賽事。

          今次大家都好早就到達球場,開波前有球員圍圈猜落磨,有球員跑圈,而我就同阿Dick射龍熱身(是場阿Dick為本隊之守門員),點知射咗幾球之後, 阿Dick哎呀一聲,咁就舖白毛後塵整傷咗隻左手中指咯,後尾過咗幾日富仔話俾我先至知道原來阿Dick隻手指係斷咗骨,仲要即晚留院等做手術,小弟在此向阿Dick 哥say sorry!!

P.S 在撰稿時已電聯阿Dick, 阿Dick回覆手術很成功,只係多咗粒螺絲喺隻手指度啫,大家千祈唔好用磁石攝佢隻手指呀,如果唔係佢就會豎起隻中指俾你嘆吓@_@

          開波嘞! 今次富仔倒戈相向,不過好可惜,俾我地班後防收到一棟都無,鬼叫佢地隊波無人幫到富仔咩,我諗富仔都好耐未試過無波入咯。

         上半場廿七軍可算佔盡優勢,先有寶強壓入低線傳中,白毛輕易一腳撥入領先一比零,之後再有美綠門前混戰再建一功二比零。

         正諗住索硬之際,先係八十幾分鐘失手被對手追成二比一,跟住再係臨完場兩分鐘左右德仔門前頭鎚解圍之際擺個老烏二比二完場。