賽事精華 (13/12/2003)

       今次攝製隊隨廿七軍一行十二人遠征大陸參戰四角賽,於深圳集合後就分乘兩部旅遊巴出發,係車上面少不免影吓相相玩吓十三張,不經不覺就到達酒店。

          三軍未動,糧草先行。拿拿臨急隊一個快茶,之後就上房換衫準備落場開波,但係最攪笑就係阿春攞件新衫出嚟換嘅時候同我地講:「依! 點解無褲嘅?」乜原來佢唔知件衫同條褲係分開包嗰喎 ^o^

           落到球場之後首先圍圈猜吓波熱吓身,之後就行埋相量吓執位同打法,最後採用四二陣式。由富仔同寶強踢中前場,而阿東同阿春負責左右閘,而我同大吉就踢番中堅同清道夫, 跟住攝制隊就幫我地嚟幾張大合照。而今次抽籤第一隊對手就係粵港精英隊,而簡單就將會與龍城對壘。

          喼! 開波嘞, 廿七軍都算有少許上峰,可惜腳峰唔順,始終未能取得入球。不過就俾對手一個反擊,咁就落後一比零,跟住本應有個攀平嘅機會,富仔右邊底線傳中,大吉門前接應掃把腳一敞, X#!Y?%Z中眉彈番出嚟,真係激很死。之後仲俾人係左邊壓入底線一交一射二比零完上半場。

          下半場換入光仔、白毛、阿偉、蕃薯同埋阿競一班新血,雖然體能上攞到不少甜頭,但始終腳下功夫不及粵港精英隊,最終輸二比零完場。

          唉! 咁就無緣問鼎冠軍真係唔低! 唯有搵龍城嚟祭旗啦。最後由富仔梅開二度二比零取得季軍,都總算有番個交代。之後喺晚宴嘅時候舉行頒獎典禮,廿七軍派出白毛同大吉負責領獎。雖然今次廿七軍出征未能取得佳積,但廿七軍將會再接再厲,各隊員繼續努力鍛鍊體能同腳法,下次冠軍非廿七軍莫屬(搵幾隊好似富仔行家,磨刀石之類咁就Perfect嘞)

          由於攝製隊(即係我-阿勝-)第日有要務在身,所以要漏夜與阿東趕夜車離隊,固翌日嘅情況末能一一送上,希望各隊員見諒。但今次遠征四角賽精彩花絮,各隊員可依照廿七軍相簿醫貓內一睹各隊員嘅風采。