賽事精華    (31/03/2004)  V.S 吧之友

                              廿七軍帶住痛失三分既心情,提著沉重既腳步,一行十一人直往地獄球場'摩士'再戰吧之友(據寶強講此隊乃係一隊老鬼隊)

                  當廿七軍踏入地獄球場之後,發覺呢濟'奶野',原來寶強所指既老鬼係指我地,眼見佢地個個鮮蝦雲吞紮紮跳咁,而我地就好似跑完night-march咁軟哂,呢次仲唔係送羊入虎口。

                  今仗分開三節進行,第一節俾呢班鮮蝦雲吞彈下彈下,真係俾佢地彈到暈,而且腳頭又勁,雖然阿偉守龍已經以身體擋出左有幾球,但係都俾人數左四隻蛋。

                  第二節加入阿cook之後雖然都係處於捱打狀態,但係至少取得兩個入球,不過改由光仔守龍都係輸四球。

                  到左最後一節,大家都估唔到白毛再一次用頭槌頂入,仲要係跳贏個成六呎既大肥佬(不過個肥佬係無跳既),更加估唔到呢節廿七軍竟然淨勝一比零,哈!哈!

                  廿七軍以殘陣同殘軀上陣有咁既成績,已經算打勝仗啦!