賽事精華    (02/11/2004)  V.S 新北蛟 

                                            呢場聯賽賽事都算係廿七軍o既另一典範喇，開賽前十分鐘，仍然只得六個球員到場，而本會首席前鋒白必毛仲同在場o個五位隊員打支強心針咁話 : 喂 ! 你地唔使預我點跑喇，我飲到今朝先返屋企，依家仲有o的想嘔添。於是立即急call o的兄弟，好彩最後都有十個同期出現，總算可以開倒波。

             由於出賽球員絕無僅有，基本上無任何可以話擺甚麼陣勢，而且敵軍正是聯賽勁旅，唯有採取全軍退守陣式 . . . 四 . .四 . . 一，一於博一舖守和佢攞一分。開賽不久正如大家所料攻防戰，但係一鼓作氣o既廿七軍每一個隊員都全力拚命，各人謹守崗位，令到新北蛟有如老鼠拉龜無地埋手，有球員更因此互相指摘。反觀廿七軍各隊員上下一心，互相鼓勵， 是史無前例的和諧和溫馨。

              廿七軍憑住各人走多一步o既意志，令至新北蛟無從入手，但係久守必失o既四字箴言始終係無錯，賽事到臨完上半場五分鐘左右，敵軍右翼壓過阿東斬入細禁區，皮球越過右閘德仔同埋回防o既寶強頭頂一頂，守門員阿勇o係近柱反身欲撲但遺時已晚，只好目送皮球入網落後一比零完上半場。

              頑強o既廿七軍並未因落後一比零而打亂陣腳，繼續狂守守爆佢。雖然到下半場各隊員經已根皮力盡，聲嘶力竭，甚至乎含羞指公爆裂德仔爆甲亦好似收數公司職員一般死纏不放，不過德仔始終難敵爆甲之苦痛哭忍痛離場，此時此刻全隊廿七軍痛不欲生，要以殘軀力戰對手，更要以寡敵眾，如非我等廿七期少警曾受兩年如地獄般受訓，我想大多都已經舉棋投降。雖然最後廿七軍於完場前兩分鐘再輸一球總比數二比零完場，但今仗廿七軍o既體育精神實在值得引以為榮。

                                                                                         出席球員