朋友可貴我好珍惜我既朋友，因為朋友比我既野實在太多啦，當我開心既時候有佢地陪我一齊開心，當我唔開心既時候又會陪我解決我既問題，我覺得朋友係好偉大架，而朋友梗係唔會厭多啦，不過又有幾多個可以真正做到好朋友呢．．但每個朋友我都會珍惜，但有時一ｄ令自己討厭既人，真係寧願無識過呀．．ｈｅｈｅ |
首先講呢個同我認識左五年既朋友先啦，講真，如何講鬧交，我同佢真係鬧得最多啦，由認識到而加如果同佢單獨一齊超過一個月，我諗我地鬧到絕交都似，點解會鬧交？我諗係我地性格太似掛，但都係因為咁，我地都太熟識對方，因而有種默契，大家知對方諗乜野，哈哈，所以認識到一個咁既朋友真係好開心∼
到佢啦，呢個朋友認識左唔係好耐，兩年都無，但我諗佢又係最了解我既人，我做少少野佢已經知道我跟住想做乜，雖然有時佢未必準確知道，但都比佢估到大概既意思，我覺得佢真係好勁，哈哈，而且佢同我一樣傻下傻下咁，同佢出街真係好攪鬼，我地又鬼死咁多野講喎，如果可以有大把時間講，真係講三日三夜都講唔哂呀∼∼
到呢位馬朋友啦∼佢．．．唔知點講佢好添，因為同佢既相識至做好朋友都好唔清晰，初時既佢傻間間，〔到現在受男朋友影響醒左少少，識串人〕都唔知點解可以同我ｄ咁醒既人做朋友架，（嘩哈哈∼）但有時同佢一齊個感覺真係幾得意架，我唔知話佢唔識處事定點，佢有少少野唔掂就一定搵人幫手，令我覺得好似係佢面前做左一個大姐姐咁，好特別既感覺
其實仲有好多未講架，不過我好多都搵唔到圖呀，ｓｏ比ｄ時間我呀，我一定會講埋你地架∼∼