31日失戀療程

「全靠當天喜歡過錯的人
今天先會自我解窘
明白小小的失戀不害人
更加添我成熟感

無法一起都總算愛過些人
借過你體溫練習擁吻
留下你合照細望才知道
我跟他人更合襯」

背景音樂：Twins 多謝失戀

第 1 日 ？！？！
點解佢要同我分手？整個腦袋都非常混亂，由得它吧！
傷感旅程的起點總會是這樣子。

第2日 時間會沖淡一切
傷感時記住這句話，會令你覺得好d。

第3日 同人傾偈
多d同人傾下偈，呢個時候你需要別人的關懷。

第4日 點解？
你唔甘心，想知道原因。點樣先可以忘記佢？
搞清楚自己的感受，你會快d好返。

第5日 搵好姊妹
搵齊一班姊妹吃喝玩樂。記住，你唔係便利店，
冇必要24小時都諗住佢。

第6日 食得好d
失戀令人冇胃口，不過為左下次見佢時變得比以前更正，
不妨食d健康食物。

第7日 遠離電話
你恨不得立刻Call佢，但佢已經唔愛你了，
這樣只會令你的下場更悲慘。

第8日 寫封信
寫封信俾佢，話佢知你的感受，但不要寄出，
將封信收埋幾日，暫時放低一下壞心情。

第9日 練習臺詞
不要同佢講「我好hurt」或傷害他的說話，
想想應對佢講d乜， 為自己爭氣。

第10日 攤牌時間
不要哭，也不要人身攻擊，
有尊嚴地說出想說的話，讓他後悔當初離開你。

第11日 Certified
你希望跟他重新開始，但他沒有回心轉意，
請鼓起勇氣宣布：這段愛情已經死亡。

第12日 哭出來吧！
翻看一下舊照片，跟隨自己的感覺，想喊就喊吧！

第13日 改頭換面
換個有層次的新髮型，或做hair treatment，
送走舊的你，表示要重新做人。

第14日 戒掉佢
播放一隻同佢完全冇關的CD，
將有關他的物品pack哂入箱， 每小時停止想佢5分鐘。

第15日 盡情發洩
憤怒的時候就透過流汗來發洩吧！
學下kickboxing，將沙包當做佢。

第16日 開始發惡
你開始諗，有問題的不是我，係佢！佢完全配唔起我！

第17日 講是講非
同班Fd講到佢有幾衰得幾衰，
有她們附和，你慶幸自己及時飛甩佢。

第18日 再見 Ex
你已準備好重新做人，竟然又再見到佢！
個心仍然「嗱」住痛。

第19日 扮靚d
修下甲、勤力敷mask、Shopping買靚衫，
由外至內滋養自己。

第20日 去街街
與一班好姊妹行街，雖然未準備好認識新男生，
但你不可以再收理自己。

第21日 音樂療法
聽一大堆能令你開心，又唔會諗起佢的歌，
然後日日播，為自己打氣。

第22日 搵男仔Fd
同數位「兄弟」hang out，
好多時男生會給你較坦白、較中points的意見。

第23日 笑一笑
對鏡子笑一笑，是訓練自己開心的好方法。

第24日 你是萬人迷！
想想其他人讚過你的說話，追過你的靚仔，
同埋班Fd鍾意同你一齊的原因。

第25日 活得更好
詳細列出單身後有乜可以做，
例如認識男生，同靚仔傾偈等。

第26日 放低佢
佢仍然「陰魂不散」？
若你停止諗佢，佢會比你更掛住對方。
不要再死纏爛打了！

第27日 新的你
無時無刻都在最佳狀態。
如果再見到佢，要保持禮貌，
不要讓眼神出賣了你其實想打佢一身。

第28日 你自由了
佢唔鍾意你穿吊帶背心同紮馬尾，
但現在你自由了，做乜都可以。

第29日 多謝失戀
不要再問自己一些冇答案的問題，
想想自己從佢身上學到了些甚麼。

30日 不進則退
重拾心情讀書或工作，你要為自己增值，
同時令佢從你腦海中漸漸消失。

31日 新的他
準備好認識新的他吧！要令自己開心，
就不要將佢同Ex比較，況且佢絕對比Ex好得多！

Source：Cosmogirl